Əli Əhmədov: Gəncliyin öz duyğuları var, gənclik öz duyğularını, xəyallarını bugünkü Azərbaycan ilə əlaqələndirir

Bakı:

27 °C

62 %

12 m/s

AZ RU EN

Ana səhifə / Siyasət / Əli Əhmədov: Gəncliyin öz duyğuları var, gənclik öz duyğularını, xəyallarını bugünkü Azərbaycan ilə əlaqələndirir

Əli Əhmədov: Gəncliyin öz duyğuları var, gənclik öz duyğularını, xəyallarını bugünkü Azərbaycan ilə əlaqələndirir

29.04.2011 [10:06]

“Bu gün Azərbaycanın layiqli gəncliyi yetişir. Bu gənclər Prezident İlham Əliyevin apardığı siyasətin həyata keçirilməsində yaxından iştirak edirlər”. Bu sözləri Yeni Azərbaycan Partiyasının (YAP) Sədr müavini - İcra katibi, millət vəkili Əli Əhmədov Naftalan şəhərində “Azərbaycan gəncliyi və müasirlik” mövzusunda keçirilən konfrans zamanı jurnalistlərə açıqlamasında deyib.
Onun sözlərinə görə, bu gənclərin böyük bir hissəsi Yeni Azərbaycan Partiyası sıralarındadır: “Biz gəncləri partiyanın gücünü, qüdrətini artıran və onun gələcək planlarının reallaşmasına töhvə verən qüvvə hesab edirik. Biz hər dəfə gənclərlə görüşəndə onlarda yüksək səviyyədə inkişaf etmiş vətənpərvərlik duyğularının olduğunu görürük. Eyni zamanda, bizim gənclərimizin Azərbaycan dövlətçiliyinə, Prezident İlham Əliyevin həyata keçirdiyi siyasətə dərindən bağlılığını da müşahidə edirik. Gənclərimiz həqiqi mənada özlərini Azərbaycanın gələcəyi hesab edirlər və bu gün özlərini gələcəyə hazırlayırlar. Layiqli Azərbaycan vətəndaşı missiyasını həyata keçirməyə gənclərimiz ciddi şəkildə hazırlaşırlar. Bu bizi sevindirir və bu aydın şəkildə göstərir ki, Azərbaycanın gələcəyi parlaqdır. Gələcək Azərbaycanın həqiqi sahibləri bu gün artıq yetişib və gələcəyin qədrini bilirlər”.
Əli Əhmədov qeyd edib ki, Azərbaycan gəncləri ölkənin ictimai-siyasi sabitliyinin keşiyində dayanan vətəndaşlar kimi özlərini dərk edirlər: “Konfrans zamanı onların çıxışlarında da açıq şəkildə səsləndi ki, siyasi sabitlik hər bir vətəndaş üçün, xüsusən gənclərin inkişafı üçün yaradılmış əlverişli imkandır. Gənclərimiz bu imkandan yararlanaraq biliklərə yiyələnmək, dünyagörüşlərini genişləndirmək, sağlam iddialarını ortaya qoymaq, özlərini cəmiyyətə təqdim etmək istəyirlər. Bu imkanın yaradılmasına görə də, Azərbaycan Respublikasının Prezidenti İlham Əliyevə minnətdarlıqlarını ifadə edirlər. Gəncliyin öz duyğuları var, gənclik öz duyğularını, xəyallarını bugünkü Azərbaycan ilə əlaqələndirir. Onlar aydın şəkildə dərk edirlər ki, gənclik xəyallarının həyata keçirilməsi üçün bugünkü siyasətdən başqa hər hansı bir siyasət, kurs daha əlverişli şərait yarada bilməz. Ona görə də gəncliyi bugünkü siyasəti dəstəkləyən ən əzəmətli qüvvə hesab etmək mümkündür. Əlbəttə ki gəncliyin qayğıları var və onlar istəyirlər ki, dövlətin həyata keçirdiyi siyasətdə bu qayğılar bu və digər şəkildə ifadə olunsun. Azərbaycan gəncliyi gənclərlə bağlı Dövlət Proqramına böyük ümidlərlə baxır. Gənclər bu proqramla həyatlarının böyük ölçüdə dəyişəcəyinə ümid edirlər və belə də olacaq”.

Paylaş:

Baxılıb: 1067 dəfə