AXCP ərazi bütövlüyümüzə qarşı...

Bakı:

27 °C

53 %

4 m/s

Əlaqə

AZ RU EN

Ana səhifə / Siyasət / AXCP ərazi bütövlüyümüzə qarşı...

AXCP ərazi bütövlüyümüzə qarşı...

26.04.2023 [10:15]

Partiyanın sədr müavininin “anklav” təxəyyülü, yoxsa qəsd?

Siyasətlə məşğul olan və ya olduğunu iddia edən hər bir şəxsin siyasi savada, siyasi fəhmə malik olması mütləq şərtdir. Başqa sözlə, siyasət “kənardan göründüyü” və ya kimlərinsə qələmə verməyə çalışdığı qədər asan bir meydan deyil. Bunun bilicisi olmaq üçün mütləq siyasi savada malik olmalı, siyasi biliklərlə tanış olmalı, texnologiyaları mənimsəməlisən. Amma...

İllərdir ki, heç bir faydalı işi və ya əməli olmayan, xalqa xeyri dəyməyən, milli maraqlar haqqında ümumiyyətlə düşünməyən Xalq Cəbhəsi Partiyasının “funksionerləri” kimi “siyasətçi” olmaq üçün isə oxumaq lazım deyil. Nurəddin Məmmədlinin timsalında “partiya sədrinin müavini” kimi “mühüm bir postu” zəbt etmək üçün hansı siyasi savada malik olmanın konturları bəllidir...

Qeyd edək ki, AXCP sədrinin müavini Nurəddin Məmmədli sosial şəbəkələrdə paylaşdığı statusu ilə “gündəmə” gəlib. Düzdür, bu postun əsas motivi “anklav” məsələsinin üzərinə fokuslansa da, Nurəddin Məmmədlinin yazdığı post bir sıra məqamları ilə diqqət çəkir - məsələn, orada milli maraqlarla səsləşməyən mühüm nüanslar yer alır...

AXCP-nin “anklav” “düyünü”...

İlk olaraq sosial şəbəkə istifadəçilərinin əksəriyyətinin haqlı narazılığına səbəb olan “anklav” məsələsinə toxunaq - N.Məmmədli postunda bildirir ki, Laçın-Xankəndi “dəhlizində” (dəhliz məsələsinə də gələcəyik) sərhəd-keçid postunun qurulması ilə ermənilərin “anklava” döyüş-sursat vasitələrinin daşınmasının qarşısı alındı. Ola bilsin ki, Nurəddin Məmmədli anklavın nə olduğunu bilmir və bu başadüşüləndir. Amma ən azından paylaşdığın postunda istifadə etdiyin yad sözün mənasını axtarmaqdamı gəlməyib bu şəxsin ağlına? Ən azından axtarış sistemlərində anklavın nə olduğunu dəqiqləşdirə bilərdi. Axı, Qarabağı “anklav” adlandırmaqla N.Məmmədli erməni iddialarını dəstəkləmiş olur. Anklav bir dövlətin kiçik bir hissəsinin ölkədən kənarda, başqa bir dövlətin içində yerləşməsidir. Qarabağda heç bir qanuni dövlət olmadığı üçün o, Ermənistanın və ya başqa bir dövlətin anklavı deyil. Yəni, Əli Kərimlinin müavinin iddiaları ermənilərin nəinki “milli”, hətta milsiz maraqları ilə də üst-üstə düşür.

Halbuki, dünyada anklavların bir çox “örnəkləri” mövcuddur. Hətta uzağa getməyək, elə Orta Asiyada SSRİ-dən bu kimi saysız problem yadigar qalıb. Və ya San-Marino dövləti, Vatikanın özü və Afrikada onlarla belə kiçik “dövlətlər” anklavdır. Amma heç bir halda Qarabağ anklav deyil, ola da bilməz...

“Yadelli” xislətlilər...

Əslində, paylaşılan postun mahiyyətinə, AXCP-nin məram(sızlığı)na diqqət yetirdikdə insanda anklav məsələsinin heç də “siyasi savadsızlıqdan qaynaqlanan səhv” olmadığı qənaəti formalaşır. Bu şəxslərin özlərini xalqın içində “yadelli” kimi aparması insanda ikrah doğurur. 3 ildir ki, regionda formalaşan yeni reallıqlar Azərbaycan dövlətinin, bu dövlətin başçısının apardığı uğurlu siyasətin nəticələridir. Yaranan siyasi situasiyalar diqqətlə təhlil edilir, atılan addımlar dəyərləndirilir, vaxtı və zamanı zərgər dəqiqliyi ilə ölçülür.

Əli Kərimli və onun ətrafı isə ən adi imtahandan kəsildilər - İranın Azərbaycan üzərinə siyasi demarşının qarşısında özlərini “ələ verdilər”. Ə.Kərimli İrana “məsləhət verirdi” - bu ölkəni siyasi casuslarını ifşa etməməyə çağırırdı. Bu çağırışın arxasında qorxu da vardı - birinci ifşa olunanların sırasında Ə.Kərimlinin ən yaxın müttəfiqlərinin adları hallanıb. Beləliklə, Ə.Kərimli çıxılmaz vəziyyətdə qalaraq İrana “məsləhətlərini” dilə gətirib”.

Səhv təsadüf idimi?

İndiki halda isə N.Məmmədli hətta Paşinyan deyəni belə demir. Ermənistanın baş naziri Azərbaycanın ərazi bütövlüyünü tanıdığını bəyan edir, qəbul edir. Adını “professor” qoymuş N.Məmmədli isə erməni “dili” ilə danışır. Bunun təsadüfi olmadığını da düşünməyə yer var - çünki, Məmmədli “anklav”la yanaşı “dəhliz” kimi bir söz də işlədib. Halbuki Ermənistan özünə şamil olunduğu halda dəhliz sözünü qətiyyətlə rədd edir, bunu ərazi bütövlüyünün “şübhə altına” alınması kimi qəbul edir. N.Məmmədli isə Laçın-Xankəndi yoluna münasibətdə “dəhliz” sözünü işlədərək “anklav” fikrində qəti olduğunu deməyə çalışıb. Yəni, bu təsadüfi “səhv” deyil - qəsddir.

SADİQ

Paylaş:

Baxılıb: 578 dəfə