Türkiyə Prezidentinin Macarıstana səfəri...

Bakı:

12 °C

76 %

5 m/s

Əlaqə

AZ RU EN

Ana səhifə / Siyasət / Türkiyə Prezidentinin Macarıstana səfəri...

Türkiyə Prezidentinin Macarıstana səfəri...

20.12.2023 [10:15]

İki ölkənin münasibətləri strateji səviyyəyə yüksəlib

Nardar BAYRAMLI

Türkiyə Prezidenti Rəcəb Tayyib Ərdoğan Macarıstana rəsmi səfər edib. Səfər zamanı iki ölkə arasında strateji tərəfdaşlıq məsələləri müzakirə edilib, dövlətlər arasında bir sıra sazişlər imzalanıb.

“Nüvə enerjisi sahəsində əməkdaşlıq haqqında Anlaşma Memorandumu” imzalanıb

Rəcəb Tayyib Ərdoğan Budapeştdə Macarıstan Prezidenti Katalin Novak ilə görüşüb. Bu barədə Türkiyə Prezidenti Administrasiyasının yaydığı məlumatda qeyd olunub ki, görüş zamanı Türkiyə-Macarıstan ikitərəfli əlaqələri, qlobal və regional problemlər, İsrailin Qəzzaya hücumları ilə bağlı məsələlər müzakirə edilib. Prezident Ərdoğan Türkiyənin bütün münaqişə bölgələrində sülhü təmin etmək və qlobal sülhə xidmət etmək səylərinin davam etdiyini vurğulayıb. O əlavə edib ki, regional və qlobal sülh, insan haqları və beynəlxalq hüququn qorunması üçün İsrailin Fələstin torpaqlarına hücumlarına son qoyulmalıdır. Ərdoğan, həmçinin Budapeştə səfərindən sonra Türkiyə ilə Macarıstan arasında əlaqələrin daha da dərinləşəcəyinə əminliyini bildirib.

Qeyd edək ki, Prezident Ərdoğan və Macarıstan Baş naziri Viktor Orban Türkiyə-Macarıstan Yüksək Səviyyəli Strateji Əməkdaşlıq Şurasının (YDSK) altıncı iclasında iştirak edib. Liderlərin səd?liyi ilə keçirilən iclasdan sonra iki ölkə arasında 17 maddədən ibarət əməkdaşlıq müqaviləsi imzalanıb. İmzalanan sənədlər arasında “Nüvə enerjisi sahəsində əməkdaşlıq haqqında Anlaşma Memorandumu”nun əhəmiyyəti xüsusi vurğulanıb.

Ərdoğan: Münaqişələrin həllinə töhfə verməyə hazırıq

Keçirilən birgə mətbuat konfransında Ərdoğan və Orban Türkiyə-Macarıstan münasibətlərinin inkişafından məmnunluğunu bildirib. Prezident Ərdoğan Türkiyənin yaxın regionlarda münaqişələrin həllinə töhfə verməyə də hazır olduğunu bəyan edib. O deyib ki, Türkiyə Rusiya ilə Ukrayna arasında sülhə nail olmaq üçün İstanbul danışıqlarını yenidən başlatmağa hazırdır. Bu məsələ müharibə yolu ilə həll oluna bilməz və tərəflər diplomatiyaya üstünlük verməlidirlər. Ərdoğan onu da əlavə edib ki, Türkiyə İsrailin Qəzzaya hücumlarını dayandırması üçün səylərini davam etdirir.

Orban: Türkiyə olmadan Macarıstanın təhlükəsizliyi yoxdur

Macarıstanın Baş naziri Viktor Orban isə ölkəsi ilə Türkiyə arasında ikitərəfli əlaqələrin əhəmiyyətinə diqqət çəkib. Orbanın sözlərinə görə, Türkiyə olmadan Macarıstanın təhlükəsizliyi yoxdur. Macarıstanı təhdid edən miqrasiya təhlükəsi Türkiyəsiz dayandırıla bilməz. “Bu gün əlaqələrimizi hərtərəfli strateji əməkdaşlığa yüksəl?mişik. Bundan daha yüksək bir şey varmı, bilmirəm. Diplomatik dillə desək, dostluq və qardaşlıq baxımından ən güclüsü budur”, deyə - o bildirib.

Baş nazir Türkiyənin irəli sürdüyü qlobal layihələrin əhəmiyyətinə toxunub: “Gələcək əsr üçün çox böyük bir layihə irəli sürdünüz. Gələcək əsr sizin olacaq. Biz buna inandıq, müqavilələr bağladıq”. Rəsmi olaraq 21-ci dəfə görüşdüklərini ifadə edən Orban iki ölkə arasında ticarət həcminin iki dəfə artdığını vurğulayıb.

Qeyd edək ki, Prezident Ərdoğan iki ölkə arasında əlaqələrin 100-cü ildönümü münasibətilə Viktor Orbana “HU TR-100” dövlət nömrə nişanlı TOGG elektrik avtomobili, Orban da öz növbəsində Türkiyə liderinə macar atı hədiyyə edib.

Türkiyə-Macarıstan Mədəniyyət İlinin açılışı olub

Bundan başqa hər iki ölkənin liderləri Türkiyə-Macarıstan Dostluq Müqaviləsinin 100-cü ildönümü münasibətilə Türkiyə-Macarıstan Mədəniyyət İlinin açılış mərasimində iştirak ediblər. Mədəniyyət ili çərçivəsində 2024-cü il ərzində müxtəlif tədbirlər keçiriləcək. Bildirilib ki, bir il davam edəcək tədbirlər türk və macar xalqlarını bir-birinə daha da yaxınlaşdıracaq.

Paylaş:

Baxılıb: 511 dəfə