İnsan alverinə qarşı mübarizə...

Bakı:

17 °C

77 %

4 m/s

Əlaqə

AZ RU EN

Ana səhifə / Sosial / İnsan alverinə qarşı mübarizə...

İnsan alverinə qarşı mübarizə...

18.05.2024 [10:56]

Milli koordinatorun illik hesabatı təqdim olundu

Yeganə BAYRAMOVA

Dünən Milli Məclisin İnsan hüquqları, həmçinin Hüquq siyasəti və dövlət quruculuğu komitələrinin birgə iclası baş tutub. İclasın gündəliyinə bir məsələ - İnsan alverinə qarşı mübarizə üzrə milli koordinatorun illik hesabatının müzakirəsi daxil edilib.

Tədbirdə Daxili İşlər Nazirliyinin (DİN) İnsan Alverinə Qarşı Mübarizə Baş İdarəsinin rəisi, polis general-mayoru Həzi Aslanov, DİN-in İnsan Alverinə Qarşı Mübarizə Baş İdarəsi rəisinin müavini Samir Zeynalov və ölkəmizdə fəaliyyət göstərən bəzi QHT rəhbərləri iştirak ediblər.

Xarici ölkələrdə cinsi istismara məruz qalanlar

İllik hesabatda qeyd olunan məlumata görə, ötən il 89 nəfər Azərbaycan vətəndaşı Türkiyə, Rusiya, Birləşmiş Ərəb Əmirliklərində, Bəhreyn Krallığında, Qətərdə, İranda və İraqda cinsi istismara məruz qalıb. Hesabatda bildirilir ki, sosial şəbəkələr vasitəsilə törədilmiş 20 fakt üzrə fahişəliyə cəlbetmə maddəsi ilə 2 cinayət işi başlanılıb.

12 nəfər İnterpol xətti ilə axtarışa verilib

Eyni zamanda hesabatda bildirilib ki, insan alveri cinayətini törətməkdə təqsirləndirilən 12 (+1) nəfərin İnterpol xətti ilə axtarışı davam etdirilir. Beynəlxalq axtarışda olan şəxslərin 9-nun Türkiyədə gizləndiyi ehtimal olunur. Bunlardan 3-nün isə Pakistan, BƏƏ, Rusiyada sığınacaq tapdığı bildirilir.

Ötən il 91 nəfər qurban olub

2023-cü ildə Azərbaycanda 91 nəfərin insan alveri??? qurbanı olduğuna dair məlumatlar hesabatda əksini tapıb. Belə ki, 2005-2023-cü illər ərzində insan alveri cinayətlərinə görə 636 nəfər məsuliyyətə cəlb edilib, onlardan 95-i kişi, 541-i isə qadındır.

İşlər mütəmadi davam etdirilir

Hesabatın təqdimatı zamanı Daxili İşlər Nazirliyinin (DİN) İnsan Alverinə Qarşı Mübarizə Baş İdarəsinin rəisi, polis general-mayoru Həzi Aslanov insan alverinə qarşı mübarizə istiqamətində işlərin mütəmadi davam etdirildiyini bildirib: “İnsan alveri cinayəti törədənlərin cinayət məsuliyyətinə cəlb edilməsi hesabat ilində 2022-ci ilin eyni dövrü ilə müqayisədə 1 faiz çox olub. Hesabat ilində 16 cinayət hadisəsi qeydə alınıb və 18 nəfər məsuliyyətə cəlb edilib”.

98 nəfərə 5300 manat yardım edilib

H.Aslanov həmçinin insan alverinin qurbanı olan 98 nəfərə 5300 manat məbləğində yardım edildiyini diqqətə çatdı?ıb. İnsan alverinə qarşı mübarizə istiqamətində aparılan tədbirlərdən danışan general bu istiqamətdə QHT-lərlə işlərin əhəmiyyətini qeyd edib. Mübarizə istiqamətində QHT-lərlə bərabər 11 layihənin uğurla həyata keçirildiyini vurğulayıb.

Son 20 ildə Azərbaycanda...

Milli Məclisin İnsan hüquqları komitəsinin sədri Zahid Oruc bildirib ki, son 20 ildə insan alveri ilə bağlı 2326 cinayət hadisəsi qeydə alınıb. Qurbanların ümumi sayı 1350 nəfərdir.

Komitə sədri, həmçinin bildirib ki, əmək müqaviləsi olmadan 47 şəxsi işə cəlb etdiyi üçün 13 işəgötürənə 123 min manat cərimə tətbiq olunub.

Paylaş:

Baxılıb: 626 dəfə