ÜST-dən xəbərdarlıq...

Bakı:

27 °C

43 %

4 m/s

Əlaqə

AZ RU EN

Ana səhifə / Sosial / ÜST-dən xəbərdarlıq...

ÜST-dən xəbərdarlıq...

09.04.2025 [09:54]

Yeni pandemiyaya hazırıq?

Son zamanlar yeni pandemiyanın olacağı ilə bağlı informasiyalar yayılmaqdadır. Bunun bir sıra səbəbləri var. Viruslar həmişə olub, son vaxtlar isə müxtəlif səbəblərdən bu viruslar çoxalıb, müxtəlif ştamlar meydana çıxıb.

Yeni virus gəlir...

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus yeni pandemiya barədə xəbərdarlıq edib. Qebreyesus bildirib ki, gec-tez yeni pandemiya baş verəcək və bu nəzəri risk deyil, epidemioloji əminlikdir.

Onun sözlərinə görə, növbəti pandemiya gözləməyəcək: “Yeni bir pandemiya 20 il və ya daha çox müddətdə baş verə bilər və ya sabah da ola bilər. Amma bu, baş verəcək və hər halda hazır olmalıyıq. Rəsmi olaraq 7 milyon insan COVID-19-dan öldü, lakin biz həqiqi rəqəmin 20 milyon olduğunu təxmin edirik. İnsan itkisinə əlavə olaraq, pandemiya 10 trilyon dollardan çox qlobal iqtisadi məhsulu məhv etdi”.

O, pandemiya sazişi üzrə danışıqlarda konsensusun əldə olunmasının mümkünlüyünə əmin olduğunu bildirib. ÜST rəhbəri əmin edib ki, belə bir saziş ÜST-yə üzv olan heç bir dövlətin suverenliyinə xələl gətirməyəcək, əksinə, milli suverenliyi və beynəlxalq fəaliyyəti gücləndirəcək.

Təhlükə hər zaman var!

Mövzunu “Yeni Azərbaycan”a şərh edən infeksionist Mərdan Əliyev bildirib ki, virus təhlükəsi həmişə olduğu kimi yenə var və hətta daha artıqdır. Onun sözlərinə görə, COVID dövründə müxtəlif təcrübələr yaşandı: “Yaşanan bu təcrübələr virusların aşkarlanması istiqamətində məlumatları artırdı. Ümumiyyətlə, viruslarla bağlı həddindən artıq informasiyanı cəmiyyətdə çoxaltdı. Bunun həm faydalı, həm də zərərli tərəflərinin olduğunu qeyd etməliyik. Bundan əlavə, virusologiya sahəsindəki tədqiqatların daha da dərinləşməsinə imkan yarandı. Farmakoloji vasitələrlə aparılan müalicələrin və digər müalicə metodlarının daha dərin tədqiqini ortaya qoydu. Eyni zamanda yeni virusların aşkarlanmasının böyük bir maliyyə tələb etdiyini bilmiş olduq. İkincisi, farmakoterapiyanın özü olduqca böyük və yenə də qlobal səviyyədə maliyyə tələb edən bir sahədir”.

Kifayət qədər maariflənmişik

Həkim əlavə edib ki, COVİD-dən gördüyümüz acı təcrübə göstərir ki, yanlış tədqiqatlar aparılarsa və ya tədqiqat laboratoriyalarında olan təhlükəsizlik rejimlərinə normal şəkildə əməl olunmazsa, bu virus da Uhan təcrübəsindəki kimi çox qısa zamanda lokal ərazilərə keçib epidemiyalara, hətta pandemiyalara səbəb ola bilər və insanlıq üçün ciddi yaşam təhlükəsi yarada bilər: “Biz kifayət qədər maariflənmişik və ən azı müəyyən qədər özümüzü qorumalıyıq. Mümkün qədər xəstəliyi bildiyimiz halda insanlardan uzaq durmağa çalışmalıyıq, immun sistemini gücləndirmək, yəni idman hərəkətləri etmək, müxtəlif vitaminlərin qəbuluna, qidalanmaya, yuxu rejiminə riayət etmək, eyni zamanda təbii ki, temperaturu olan, xəstəlik ehtimalı olan insanlardan bir qədər uzaq durmaq, antiseptik və aseptik vasitələrdən istifadə etmək, məsafə saxlamaq, maska və s. istifadə etmək lazımdır”.

Viruslarla yaşamağa öyrəşməliyik...

Həkim qeyd edib ki, ilk pandemiyada heç kim hazır deyildi. Ancaq növbəti pandemiya üçün hər kəs hazırdır: “Çünki ciddi təcrübə qazandıq. Koronavirus pandemiyası tüğyan etdiyi ərəfədə müəyyən xəstəxanalar tikildi, modul tipli xəstəxanalar hazırlandı, həkimlər praktiki olaraq virusla mübarizə apardılar. Qısa müddətdə vaksin hazırlandı. İnfeksion nəzarət və maarifləndirmə işlərinin strategiyasını artıq hər kəs bilir”.

Yeganə BAYRAMOVA

Paylaş:

Baxılıb: 402 dəfə