Gənclərimiz ilk Avropa Oyunlarına böyük dəstək və maraq göstərirlər

Bakı:

27 °C

47 %

3 m/s

Əlaqə

AZ RU EN

Ana səhifə / Sosial / Gənclərimiz ilk Avropa Oyunlarına böyük dəstək və maraq göstərirlər

Gənclərimiz ilk Avropa Oyunlarına böyük dəstək və maraq göstərirlər

30.04.2015 [09:58]

İlk Avropa Oyunları öz əhəmiyyəti və miqyasına görə Olimpiadaya bərabərdir və qlobal xarakter daşıyır. Bu mötəbər tədbirin Bakıda keçirilməsi isə Avropa ailəsinin Azərbaycana böyük etimadının açıq göstərcisidir. Ölkəmizin hərtərəfli və dinamik inkişafı, ictimai-siyasi sabitlik, mühüm beynəlxalq tədbirlərin keçirilməsində əldə olunan geniş təcrübə, müasir idman infrastrukturunun yaradılması, eləcə də, idmançılarımızın beynəlxalq yarışlarda əldə etdiyi uğurlar birinci Avropa Oyunlarının Azərbaycanda təşkil olunmasını şərtləndirən başlıca faktorlardır.
Sevindirici haldır ki, ilk Avropa Oyunlarına ictimai təşkilatlar, idman mütəxəssisləri ilə yanaşı, gənclər də böyük dəstək və maraq göstərirlər. Yeni Azərbaycan Partiyası (YAP) Gənclər Birliyinin fəal üzvü Mehdi Fərzəlizadə də belə gənclərdən biridir. Onun sözlərinə görə, ilk Avropa Oyunlarının ölkəmizdə keçirilməsinin mühüm əhəmiyyəti var: “Ölkəmiz istər idmanı, istərsə də incəsənəti ilə hər zaman öndə olub. Müasir Azərbaycan gənci olaraq düşünürəm ki, “Bakı-2015” ilk Avropa Oyunları bizi dünyaya idmansevər bir ölkə kimi tanıdacaq. Doğrudur, Avropa Oyunlarının Azərbaycanda keçirilməsini indi bir çox dövlətlər həzm edə bilmir. Ona görə də, ölkəmizin əleyhinə təbliğat aparırlar. Ancaq onlar anlamalıdırlar ki, bu hərəkətləri ilə heç nəyə nail ola bilməyəcəklər. İndi kimliyindən asılı olmayaraq, hər kəs bilməlidir ki, Azərbaycan tolerant və demokratik yolla inkişaf edən bir dövlətdir”.
“Azərbaycan artıq seçilən deyil, seçən ölkədir. İndi bizim ölkəmiz güclü bir dövlətdir. Bu, danılmaz, eyni zamanda, qürurverici fakt artıq dünyada da qəbul olunmuşdur”. Bunu isə qəzetimizə açıqlamasında fəal gənclərdən biri Kənan Kərimov bildirib: “Azərbaycan qısa bir zaman ərzində istər mədəni, istər siyasi, istərsə də iqtisadi cəhətdən güclü bir dövlətə çevrilib. Birinci Avropa Oyunlarının 2015-ci ildə Bakıda keçirilməsi ilə bağlı qərar, bunun bir daha bariz nümunəsidir. Ümummilli lider Heydər Əliyevin idmana qayğısı bu sahənin tez və yüksək səviyyədə inkişafına gətirib çıxartdı. Gənclər və İdman Nazirliyinin yaradılması, məhz Ulu öndərin idman sahəsinə verdiyi önəmin bariz nümunəsi kimi qeyd oluna bilər. Ulu öndər ənənələrinin layiqli davamçısı, Azərbaycan Respublikasının Prezidenti İlham Əliyev də idman sahəsinə eyni diqqətlə yanaşmaqdadır. Mən inanıram ki, ilk Avropa Oyunlarında idmançılarımız öz parlaq qələbələri ilə bizi sevindirəcəklər”.
V.Cavanşir

Paylaş:

Baxılıb: 861 dəfə