ƏƏSMN-də “Bakı-2015” ilk Avropa Oyunlarında medal qazanmış paralimpiyaçılarla görüş keçirilib

Bakı:

26 °C

58 %

1 m/s

Əlaqə

AZ RU EN

Ana səhifə / Sosial / ƏƏSMN-də “Bakı-2015” ilk Avropa Oyunlarında medal qazanmış paralimpiyaçılarla görüş keçirilib

ƏƏSMN-də “Bakı-2015” ilk Avropa Oyunlarında medal qazanmış paralimpiyaçılarla görüş keçirilib

31.07.2015 [09:55]

Azərbaycan Respublikasının Əmək və Əhalinin Sosial Müdafiəsi Nazirliyində (ƏƏSMN) “Bakı-2015” ilk Avropa Oyunlarında medal qazanmış paralimpiyaçılarla görüş keçirilib.
Əmək və əhalinin sosial müdafiəsi naziri Səlim Müslümov ölkəmizin bütün sahələrdə sürətli tərəqqisini uğurla təmin edən Azərbaycan Prezidenti İlham Əliyevin xüsusi diqqət və qayğısı nəticəsində Azərbaycan idmanının, o cümlədən paralimpiyamızın bu gün özünün yüksəliş dövrünü yaşadığını vurğulayıb. S.Müslümov qeyd edib ki, Azərbaycanda paralimpiya hərəkatının geniş vüsət alması əlilliyi olan şəxslərin sosial müdafiəsi, onların cəmiyyətin həyatında fəal iştirakının təmin olunması üçün aparılan fəal dövlət siyasətinin mühüm uğurlarından biridir. Nazir bu ilin iyununda Azərbaycanda keçirilən birinci Avropa Oyunlarında paralimpiyaçılarımızın xalqımıza bir daha qələbə sevincini yaşatdığını dilə gətirib. Qeyd olunub ki, Azərbaycanın güclü iqtisadi potensiala və zəngin mədəniyyətə malik, müasir, tolerant bir ölkə olduğunu dünyaya nümayiş etdirən ilk Avropa Oyunları idmanımızın, həmçinin, paralimpiyamızın qalibiyyət əzmini növbəti dəfə təsdiq etdi. İdmançılarımızın 56 medala sahib olmaqla ölkəmizi medal sayına görə Avropanın 50 ölkəsi arasında ikinci yerə yüksəltdiyi bu Oyunlarda paralimpiyaçılarımızdan İlham Zəkiyev qızıl, Səbinə Abdullayeva gümüş və Zakir Mislimov bürünc medallar qazanaraq, Azərbaycan idmanına yeni dəyərli töhfələrini verdilər.
Nazir ölkəmizdə əlilliyi olan insanlara diqqət və qayğı, humanist münasibət göstərilməsinin bu Oyunlar zamanı bir daha ən yüksək səviyyədə əməli təsdiqini tapdığını vurğulayıb: “Oyunların açılış mərasimində məşəl Olimpiya Stadionuna məhz paralimpiyaçı İlham Zəkiyev tərəfindən gətirildi. Paralimpiya yarışının Oyunların proqramına daxil edilməsi isə birinci Avropa Oyunlarının Təşkilat Komitəsinin sədri, Heydər Əliyev Fondunun prezidenti, Milli Məclisin deputatı, Azərbaycanın birinci xanımı Mehriban Əliyeva tərəfindən paralimpiyaçılarımıza göstərilən çox böyük dəstəyin ifadəsidir”.
“Bakı-2015” ilk Avropa Oyunlarının qızıl medalçısı, iki dəfə Paralimpiya Oyunları, ikiqat dünya və beşqat Avropa çempionu İ.Zəkiyev Prezident İlham Əliyevin əlilliyi olan şəxslərə, o cümlədən, paralimpiyaçılara daimi qayğıkeş münasibətinin onları həmişə yeni qələbələrə ruhlandırdığını vurğulayıb. Oyunlarda medal qazanan idmançılar ölkəmizdə paralimpiyaya dövlət qayğısından danışıblar.
Milli Paralimpiya Komitəsinin prezidenti, əmək və əhalinin sosial müdafiəsi nazirinin müavini İlqar Rəhimov ölkəmizdə paralimpiyaçılarımıza göstərilən dövlət dəstəyindən bəhs edib.
Görüşdə “Bakı-2015” ilk Avropa Oyunlarını, Oyunlarda paralimpiya yarışlarını, idmançılarımızın qələbələrini və medalların təqdim olunması mərasimlərini əks etdirən videoçarx nümayiş etdirilib və qalib paralimpiyaçılara hədiyyələr və gül dəstələri təqdim olunub.
PƏRVİZ

Paylaş:

Baxılıb: 827 dəfə