Gəncədəki “N” saylı hərbi hissədə gənc əsgərlər Vətənə sədaqət andı içiblər

Bakı:

15 °C

41 %

10 m/s

Əlaqə

AZ RU EN

Ana səhifə / Sosial / Gəncədəki “N” saylı hərbi hissədə gənc əsgərlər Vətənə sədaqət andı içiblər

Gəncədəki “N” saylı hərbi hissədə gənc əsgərlər Vətənə sədaqət andı içiblər

18.08.2015 [10:06]

Müdafiə Nazirliyinin tabeliyində olan Gəncədəki “N” saylı hərbi hissədə gənc əsgərlərin andiçmə mərasimi keçirilib. Andiçmə mərasimlərində hərbi hissələrin komandanlığı, yerli icra orqanlarının və ictimaiyyətin nümayəndələri, veteranlar və əsgərlərin valideynləri iştirak ediblər. Mərasimdə əvvəlcə rituala uyğun olaraq döyüş bayrağı sıra meydanına gətirilib, hərbi orkestr və şəxsi heyətin ifasında Azərbaycan Respublikasının Dövlət himni oxunub və tədbir açıq elan edilib.
Hərbi orktestrin ifasında səsləndirilən marş sədalarından sonra əsgərlər təntənəli surətdə Vətənə sədaqət andı içiblər. Tədbirdə çıxış edən “N” saylı korpus komandiri, Azərbaycanın Milli Qəhrəmanı, general-leytenant Rövşən Əkbərov müdafiə naziri, general-polkovnik Zakir Həsənovun gənc əsgərlərə ünvanladığı təbrik məktubunu oxuyub. Məktubda qeyd olunurdu ki, bu gün hərbi andı qəbul etmiş gənc əsgərlərin həyatında ən əlamətdar bir gündür. Belə ki, əsası Ulu öndər Heydər Əliyev tərəfindən qoyulmuş və bu gün Azərbaycan Respublikası Silahlı Qüvvələri Ali Baş Komandanı, Prezident İlham Əliyev tərəfindən daha da gücləndirilmiş müstəqil respublikamızın Silahlı Qüvvələrində vətənə xidmət etməkdən şərəfli heç nə ola bilməz. Yalnız Vətəni sevməklə onu qorumaq mümkün deyil, bunun üçün peşəkarlıq da tələb olunur. Gənc əsgərlərin peşəkar hərbi qulluqçu kimi formalaşması üçün ölkə Prezidentinin hərtərəfli diqqət və qayğısı ilə əhatə olunmuş Silahlı Qüvvələrimizdə hər cür şərait yaradılıb. Hər bir zabit, gizir və əsgər heyəti dövlətimiz qarşısında öz məsuliyyətini dərk edir, qarşıya qoyulan tapşırıqları keyfiyyətlə yerinə yetirir. Prezidentimiz, Silahlı Qüvvələrin Ali Baş Komandanı İlham Əliyevin rəhbərliyi ilə regionun lider dövlətinə çevrilən Azərbaycanın müdafiə qüdrətinin artırılmasında böyük uğurlar qazanılıb. “Hərbi andı qəbul edən gənc əsgərlərə cansağlığı, təlimlərdə, eyni zamanda, döyüş hazırlıqlarının artırılmasında uğurlar arzulayıram. Əminəm ki, siz silah və texnikanın sirlərini dərindən mənimsəyəcək, bilik və bacarıqlarınızı, eləcə də, ata-babalarımızın qəhrəmanlıq nümunələrindən bəhrələnərək döyüş qabiliyyətinizi daha da artıracaq, hər an dövlət müstəqilliyimizin qorunması və işğal edilmiş torpaqlarımızın azad edilməsi naminə döyüşə hazır olacaqsınız”, - deyə müdafiə naziri gənc əsgərlərə ünvanladığı məktubunda vurğulayıb.
Andiçmə mərasimində çıxış edən hərbi qulluqçular, əsgər valideynləri və ictimaiyyət nümayəndələri gənc əsgərlərə nümunəvi olmağı, nizam-intizamlı xidmət etməyi, silah və texnikanın sirlərini dərindən öyrənərək döyüş qabiliyyətlərini artırmaları, komandir-rəis heyətinin əmr və sərəncamlarını dəqiq və vaxtında yerinə yetirmələrini və işğal olunmuş torpaqlarımızın azadlığı uğrunda döyüşə hər an hazır olmağı tövsiyə ediblər.
Tədbir əsgər birliklərinin ifasında hərbi texnikanın sirlərinə necə yiyələnmələri, hərbi hazırlıq səviyyələrinə dair nümunəvi çıxışlarla davam etdirilib. Hərbi andı qəbul etmiş gənc əsgərlərin hərbi paradı ilə tədbirin rəsmi hissəsi bağlı elan olunub. Sonra əsgərlərin valideynləri ilə görüşləri təşkil olunub, həmçinin, valideynlər əsgərlər üçün hərbi hissədə yaradılmış şəraitlə tanış olublar.
Səlim LOĞMANOĞLU
Bakı-Gəncə

Paylaş:

Baxılıb: 797 dəfə