Dövlət İdarəçilik Akademiyasında 20 Yanvar faciəsi qurbanlarının xatirəsi anılıb

Bakı:

27 °C

63 %

10 m/s

Əlaqə

AZ RU EN

Ana səhifə / Sosial / Dövlət İdarəçilik Akademiyasında 20 Yanvar faciəsi qurbanlarının xatirəsi anılıb

Dövlət İdarəçilik Akademiyasında 20 Yanvar faciəsi qurbanlarının xatirəsi anılıb

20.01.2017 [09:51]

Yanvar ayının 19-da Azərbaycan Respublikasının Prezidenti yanında Dövlət İdarəçilik Akademiyası (DİA) və Heydər Əliyev Mərkəzinin birgə təşkilatçılığı ilə 20 Yanvar faciəsinin 27-ci ildönümünə həsr olunan “dəyirmi masa” keçirilib.
AZƏRTAC xəbər verir ki, Heydər Əliyev Mərkəzinin dəstəyi ilə DİA-nın nəzdində fəaliyyət göstərən Heydər Əliyev Dövlət İdarəçiliyi Məktəbində təşkil olunan tədbirdə əvvəlcə iştirakçılar şəhidlərin xatirəsini bir dəqiqəlik sükutla yad ediblər.
Tədbirdə DİA-nın rektoru, akademik Urxan Ələkbərov bildirib ki, sovet imperiyasının Azərbaycana qarşı təcavüz siyasətinin tərkib hissəsi olan, insan hüquq və azadlıqlarının kütləvi pozulması ilə nəticələnən bu cinayət bütün bəşəriyyətə, insanlığa qarşı yönəlmişdi. Bildirilib ki, qeyri-insani rəftarın, işgəncələrin ən dəhşətlilərindən biri olan bu hadisə xalqımızın qan yaddaşına əbədi həkk olunub, eyni zamanda, tariximizə qürur, qəhrəmanlıq günü kimi yazılıb.
Rektor vurğulayıb ki, 20 Yanvar hadisələri ilə əlaqədar Ümummilli lider Heydər Əliyev Azərbaycanın Moskvadakı daimi nümayəndəliyinə gələrək keçirdiyi mətbuat konfransında kəskin bəyanatla çıxış edib, Bakıda törədilən qırğınların təşkilatçılarını cinayətkar adlandırıb, baş verənlərə siyasi qiymət verilməsini, günahkarların cəzalandırılmasını qətiyyətlə tələb edib. Ulu öndərin siyasi hakimiyyətə qayıdışından sonra da şəhidlərin xatirəsini əbədiləşdirmək üçün həmin tarix ümumxalq hüzn günü elan edilib, hadisəyə rəsmi siyasi və hüquqi qiymət verilib.
U.Ələkbərov diqqətə çatdırıb ki, Prezident İlham Əliyev 20 Yanvar şəhidlərinin xatirəsinin uca tutulmasına, onların ailələrinin sosial məsələlərinin həllinə xüsusi diqqət göstərir.
Sonra Milli Məclisin deputatı, DİA-nın professoru Musa Qasımlı, Milli Məclisin deputatı, akademiyanın dosenti Aydın Mirzəzadə, DİA-nın tarix kafedrasının professoru Musa Quliyev, akademiyanın politologiya və siyasi idarəetmə kafedrasının müdiri, professor Nigar Ələkbərova, DİA-nın Qarabağ Araşdırmaları Mərkəzinin müdiri, siyasi elmlər doktoru Elçin Əhmədov və digər çıxış edənlər zaman keçdikcə tariximizin həm qəhrəmanlıq, həm də faciəli səhifələrini yad etməyin, gələcək nəsillərə xatırlatmağın əhəmiyyətli olduğunu bildiriblər. Vurğulanıb ki, 20 Yanvar faciəsi zamanı göstərilən qəhrəmanlıq, şücaət gənclərə örnəkdir. Həmin gün qətlə yetirilmiş günahsız insanların əziz xatirəsi xalqımız tərəfindən hər zaman ehtiramla yad ediləcək.
Tədbirdə Heydər Əliyev Mərkəzinin nümayəndələri, DİA-nın müəllimləri və tələbələr iştirak ediblər.

Paylaş:

Baxılıb: 745 dəfə