Müəllimlər yeni cəmiyyət quruculuğunun memarlarıdır

Bakı:

22 °C

49 %

3 m/s

Əlaqə

AZ RU EN

Ana səhifə / Sosial / Müəllimlər yeni cəmiyyət quruculuğunun memarlarıdır

Müəllimlər yeni cəmiyyət quruculuğunun memarlarıdır

06.10.2017 [09:55]

Nəsimi rayon İcra Hakimiyyətində Beynəlxalq Müəllimlər Gününə həsr olunan bayram tədbiri keçirilib.
AZƏRTAC xəbər verir ki, rayon rəhbərliyi və ictimaiyyətinin, təhsil işçilərinin iştirak etdikləri tədbirdə əvvəlcə müəllimlər gününə həsr olunan videoçarx göstərilib.
Nəsimi rayon İcra Hakimiyyətinin başçısı Asif Əsgərov Ulu öndər Heydər Əliyevin Azərbaycan təhsilinə diqqət və qayğısından danışıb, Prezident İlham Əliyevin səyləri nəticəsində son illərdə respublikamızda tikilən və əsaslı təmir olunan təhsil müəssisələri, təhsil işçilərinin sosial müdafiəsinin möhkəmləndirilməsi istiqamətində atılan addımlar, təhsilimizin inkişafında böyük rolu olan, Azərbaycanın Birinci vitse-prezidenti Mehriban xanım Əliyevanın gördüyü işlər və ötən təhsil ilində rayonun təhsil müəssisələrinin qazandığı uğurlar barədə məlumat verib.
A.Əsgərov vurğulayıb ki, Ümummilli lider Heydər Əliyevin ötən əsrin 70-ci illərində əsasını qoyduğu təhsil strategiyası ölkəmizdə milli köklərə bağlı, yeni təfəkkürlü və təhsilli gənc kadrların yetişdirilməsinə hesablanıb. Təhsilin millətin taleyi üçün misilsiz əhəmiyyət daşıdığını hər zaman vurğulayan Ulu Öndər respublikaya rəhbərlik etdiyi illərdə bu sahəyə çox böyük diqqət və qayğı göstərib. Onun ötən əsrin 70-80-ci illərində keçmiş SSRİ-nin nüfuzlu ali təhsil ocaqlarına göndərdiyi gənclər əldə etdikləri bilik və bacarıq, zəngin mənəvi kapital sayəsində respublikamızın təhsil, incəsənət, mədəniyyət və bir çox digər sahələr üzrə böyük inkişafın əsasını qoyublar. Dahi şəxsiyyət Heydər Əliyevin rəhbərliyi ilə qısa vaxtda cəmiyyətdə elm, təhsil və mədəniyyət xadimlərinin rolu yüksəlməyə başlayıb.
Bildirilib ki, müəllim - geniş ictimai mənada mütəfəkkir, ictimai xadim, insanların dünyagörüşünü və inamını formalaşdıran, onlara həyatda öz yolunu tapmaqda kömək edən insandır. Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir. Bu insanlar isə cəmiyyəti daha da inkişaf etdirir. Hazırda dövlətimizin müstəqilliyinin möhkəmlənməsində fəal iştirak edən insanlar məhz müəllim əməyinin yetirmələridir. Müəllimlər yeni cəmiyyət quruculuğunun memarlarıdır. Hər birimizin layiqli vətəndaş kimi yetişməyində müəllimlərimizin əvəzsiz xidmətləri olub.
Digər çıxış edənlər də təhsilə və təhsil işçilərinə göstərilən diqqət və qayğıya görə Prezident İlham Əliyevə dərin minnətdarlıqlarını bildiriblər.
A.Əsgərov Azərbaycan Respublikası Prezidentinin 2017-ci il 4 oktyabr tarixli Sərəncamı ilə təltif olunmuş müəllimləri təbrik edib, uğurlar arzulayıb.
Tədbirdə iştirak edən təhsil işçilərinə rayon İcra Hakimiyyəti tərəfindən hədiyyələr təqdim olunub.

Paylaş:

Baxılıb: 529 dəfə