Heydər Əliyev
yeni azerbaycan logo

Ana səhifə / Sosial / Gədəbəy rayonunda da seçicilər inkişafa və tərəqqiyə səs veriblər

Gədəbəy rayonunda da seçicilər inkişafa və tərəqqiyə səs veriblər

12.04.2018 [10:15]

Azərbaycanın hər bir yerində olduğu kimi, Gədəbəy rayonunda da 11 aprel prezident seçkiləri yüksək fəallıqla baş tutub. Rayonun ərazisini əhatə edən 103 saylı Gədəbəy və 104 saylı Gədəbəy-Tovuz seçki dairələri üzrə yerləşən məntəqələrdə rayon seçiciləri səs veriblər. Xatırladaq ki, 103 saylı Gədəbəy seçki dairəsinin 51 seçki məntəqəsi var və dairə üzrə seçicilərin sayı 41830 nəfərdir. 104 saylı Gədəbəy-Tovuz seçki dairəsində isə 44773 nəfər seçici var ki, onlar da həmin dairənin 62 seçki məntəqəsində öz səsvermə hüququndan istifadə edir.
Vurğulayaq ki, Gədəbəy rayonunda səhər saatlarından seçki məntəqələri qanunvericiliyə uyğun olaraq açılıb və seçicilər seçki məntəqələrinə gələrək səs veriblər. 103 saylı Gədəbəy seçki dairəsinin 5 saylı məntəqəsində də seçici fəallığı müşahidə olunub. MnSK-nın sədri Qabil Allahverdiyev bildirib ki, seçkilər şəffaf, azad və ədalətli şəraitdə baş tutub. Məntəqədə müşahidə aparan müşahidəçilər - YAP-ın nümayəndəsi Rəfiqə Rüstəmova, BAXCP nümayəndəsi Raiq Hüseynov, ADP nümayəndəsi Yeganə Əliyeva və digərləri bildiriblər ki, proses tam şəffaf keçirilib və yaradılan şərait yüksək səviyyədədir. Vurğulanıb ki, səs verən seçicilərin seçiminə heç bir müdaxilə olunmur və hər bir seçici öz iradəsinə uyğun olaraq seçim edir. Qeyd edək ki, seçkini izləyən digər müşahidəçilər də seçkilərin tam ədalətli və beynəlxalq standartlara uyğun şəkildə keçirildiyini bildiriblər.
Pərviz SADAYOĞLU

Paylaş:
Baxılıb: 511 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31