Heydər Əliyev
yeni azerbaycan logo

Ana səhifə / Sosial / İlahiyyat İnstitutu bölgələrə maarifləndirici səfərlər təşkil edəcək

İlahiyyat İnstitutu bölgələrə maarifləndirici səfərlər təşkil edəcək

29.03.2019 [09:32]

Azərbaycan İlahiyyat İnstitutu (Aİİ) 2019-2020-ci tədris ili üzrə instituta yüksək intellektli və savadlı gənclərin cəlb olunması məqsədilə Sumqayıt və Gəncə şəhərlərində, Lənkəran, Zaqatala, Şəki, Qəbələ, Quba, Bərdə, Ağcabədi, Şirvan, Neftçala və Salyan rayonlarında yerləşən orta məktəblərin yuxarı sinif şagirdləri üçün maarifləndirici tədbirlər həyata keçirilməsini planlaşdırır.
İnstitutdan AZƏRTAC-a bildirilib ki, abituriyentlərin, orta məktəb müəllimlərinin, aidiyyəti dövlət qurumlarının iştirakı ilə keçiriləcək tədbirlərdə institutun yaradılma məqsədi, fəaliyyət istiqamətləri, tələbələrə dəstək xidmətləri, məzunlar üçün iş imkanları haqqında ətraflı məlumat veriləcək.
Görüşlər zamanı Aİİ-də qəbul prosesinin təşkili forması, tədris edilən ixtisaslar haqqında məlumat verilməsi, institutun tanıtım videoçarxının nümayişi nəzərdə tutulur.
Xatırladaq ki, Aİİ-yə tələbə qəbulu Dövlət İmtahan Mərkəzinin xətti ilə III ixtisas qrupu üzrə iki istiqamətdə - islamşünaslıq və dinşünaslıq ixtisasları üzrə həyata keçirilir. İnstitutda, həmçinin magistratura və doktorantura pillələri üzrə qəbul aparılır.
İnstitut Prezident İlham Əliyevin 2018-ci il 9 fevral tarixli Sərəncamı ilə yaradılıb. Əsas məqsədi Azərbaycan xalqının tarixi ənənələrinə söykənən və dövlət siyasətinin məntiqi nəticəsi olan yüksək dini-mənəvi mühitin qorunub saxlanılması, inkişafı və dini fəaliyyətin təşkili sahəsində yüksək ixtisaslı kadrların hazırlanmasının təmin olunmasıdır.

Paylaş:
Baxılıb: 498 dəfə

Xəbər lenti

Hamısına bax

Ədəbiyyat

Analitik

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31