Heydər Əliyev
yeni azerbaycan logo

Ana səhifə / Sosial / Soyqırımı qurbanlarının xatirəsi Yevlaxda ehtiramla yad edilib

Soyqırımı qurbanlarının xatirəsi Yevlaxda ehtiramla yad edilib

30.03.2019 [09:01]

31 mart - Azərbaycanlıların Soyqırımı Günü ilə əlaqədar respublikamızın hər yerində olduğu kimi, Yevlax rayonunda da müxtəlif tədbirlər keçirilir.
AZƏRTAC-ın bölgə müxbiri xəbər verir ki, martın 29-da rayon rəhbərliyi, ziyalılar, ictimaiyyət nümayəndələri, əmək kollektivləri Yevlax şəhərindəki Şəhidlər xiyabanına gələrək 31 mart - Azərbaycanlıların Soyqırımı abidəsi önünə gül dəstələri düzüb, soyqırımı qurbanlarının xatirəsini ehtiramla yad ediblər.
Şəhər icra hakimiyyətinin başçısı Qoca Səmədov tədbirdə çıxış edərək ermənilər tərəfindən Azərbaycan xalqına qarşı yüz illər boyu həyata keçirilən soyqırımı və deportasiya siyasətindən danışıb. Bildirilib ki, Azərbaycanın qədim və əzəli torpaqlarında “Böyük Ermənistan” yaratmaq xülyasında olan erməni millətçiləri bu ideyanı həyata keçirmək üçün ən iyrənc üsullara əl atıb, bəşəriyyət tarixində bənzəri olmayan vəhşiliklər, qətliamlar və digər qanlı cinayətlər törədiblər. XX əsrin əvvəllərində azərbaycanlılara qarşı genişmiqyaslı qanlı aksiyalar həyata keçirən erməni daşnakları 1918-ci ilin martında və aprelin əvvəlində Bakı, Şamaxı, Quba, Lənkəran, Qarabağ, Naxçıvan, İrəvan və digər bölgələrdə kütləvi qırğınlar həyata keçirib, on minlərlə soydaşımızı qətlə yetiriblər.
Tədbirdə azərbaycanlıların soyqırımı ilə bağlı həqiqətlərin dünya ictimaiyyətinə çatdırılmasında Ümummilli Lider Heydər Əliyevin tarixi xidmətləri bir daha xatırlanıb. Hazırda bu istiqamətdə ölkə rəhbərliyi, həmçinin Heydər Əliyev Fondu tərəfindən məqsədyönlü və davamlı iş aparıldığı diqqətə çatdırılıb.

Paylaş:
Baxılıb: 515 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31