Azərbaycanın müharibə veteranları və hərbi yönümlü QHT nümayəndələri Türkiyədə səfərdədirlər

Bakı:

21 °C

78 %

2 m/s

Əlaqə

AZ RU EN

Ana səhifə / Sosial / Azərbaycanın müharibə veteranları və hərbi yönümlü QHT nümayəndələri Türkiyədə səfərdədirlər

Azərbaycanın müharibə veteranları və hərbi yönümlü QHT nümayəndələri Türkiyədə səfərdədirlər

20.05.2019 [17:06]

Səfər çərçivəsində nümayəndə heyətinin üzvləri Türkiyə Prezidenti Rəcəb Tayyib Ərdoğan ilə görüşüblər
Azərbaycanın müharibə veteranlarından və hərbi yönümlü qeyri-hökumət təşkilatlarının təmsilçilərindən ibarət nümayəndə heyəti Türkiyədə səfərdədir.

Gənclər və İdman Nazirliyinin mətbuat xidmətindən AZƏRTAC-a bildiriblər ki, nazirliyin dəstəyi, Tərxis Olunmuş Hərbçilərin Gəncləri Maarifləndirmə İctimai Birliyinin təşkilatçılığı ilə reallaşdırılan səfər Samsun şəhərindən başlayıb. Qonaqlar əvvəlcə Mustafa Kamal Atatürkün 100 il əvvəl milli azadlıq mübarizəsini başlatmaq üçün Anadolu ərazisinə ayaq basdığı Samsun limanında keçirilən təntənəli mərasimdə iştirak edib, Cümhuriyyət meydanında keçirilən bayram tədbirlərinə qatılıblar.

Atatürkü anma, gənclik və idman bayramı tədbirində çıxış edən Samsun valisi Osman Kaymak Mustafa Kamal Atatürkün mayın 16-da İstanbuldan yola çıxaraq üç gün sonra Samsuna çatması ilə başlayan istiqlal mübarizəsinin başladığı günün - 19 mayın tarixi əhəmiyyətindən danışıb.

Bayram tədbirində Türkiyənin “Mehtəran” bölüyünün və müxtəlif qrupların təqdim etdiyi konsert proqramı böyük maraqla qarşılanıb.

Türkiyə Müharibə Veteranları Dərnəyinin rəhbəri Şükrü Tandoğan və İctimai Birliyin sədri Emin Həsənli çıxışlarında qardaş ölkələrimiz arasında əlaqələrimizin bütün sahələrdə sürətlə inkişaf edən əməkdaşlıqdan və əldə olunan uğurlardan söz açıblar.

Səfər çərçivəsində Azərbaycan nümayəndə heyəti Türkiyə Respublikasının Prezidenti Rəcəb Tayyib Ərdoğanın adından Samsunda verdiyi iftar süfrəsinə də qatılıb. İftar süfrəsindən sonra Prezident Rəcəb Tayyib Ərdoğan ilə səfər iştirakçıları arasında görüş olub.

Emin Həsənli Türkiyə Prezidentinə məlumat verib ki, qardaş ölkələrimizin dövlət qurumları arasındakı yüksək səviyyəli münasibətlər QHT-lər tərəfindən də uğurla inkişaf edir. Azərbaycan və Türkiyə müharibə veteranları arasında qarşılıqlı səfərlər uğurla davam etdirilir.

Nümayəndə heyətinin üzvləri ilə səmimi söhbət edən Rəcəb Tayyib Ərdoğana üzərində Azərbaycan və Türkiyə prezidentlərinin rəsmi olan xalça və digər hədiyyələr təqdim olunub.

Səfər çərçivəsində İstanbulda Türkiyənin müxtəlif dövlət qurumlarının və qeyri-hökumət təşkilatlarının təmsilçiləri ilə də görüşlərin keçirilməsi nəzərdə tutulur.

Paylaş:

Baxılıb: 632 dəfə