Qubadlı rayon İcra Hakimiyyəti rayonun işğalının 26-cı ildönümü ilə əlaqədar tədbir keçirib

Bakı:

27 °C

54 %

4 m/s

Əlaqə

AZ RU EN

Ana səhifə / Sosial / Qubadlı rayon İcra Hakimiyyəti rayonun işğalının 26-cı ildönümü ilə əlaqədar tədbir keçirib

Qubadlı rayon İcra Hakimiyyəti rayonun işğalının 26-cı ildönümü ilə əlaqədar tədbir keçirib

03.09.2019 [09:20]

Qubadlı rayonunun Ermənistanın hərbi təcavüzü nəticəsində işğalının 26-cı ildönümü ilə əlaqədar rayon İcra Hakimiyyəti tədbir keçirib. Tədbirdə Qubadlı Rayon İcra Hakimiyyətinin başçısı Malik İsaqov, Milli Məclisin deputatı İmamverdi İsmayılov, rayon ictimaiyyətinin, idarə, müəssisə və təşkilatların nümayəndələri, respublikanın digər qurumlarından olan qonaqlar iştirak ediblər. Sumqayıt şəhərində yerləşən Şəhidlər Xiyabanındakı abidənin önünə əklil qoyulduqdan sonra şəhidlərin məzarları ziyarət olunub.
Tədbirdə çıxış edən Qubadlı rayon İcra Hakimiyyətinin başçısı Malik İsaqov bildirib ki, zəngin tarixə malik olan Qubadlı rayonunun bütün əmlakı işğal zamanı erməni təcavüzkarları tərəfindən talan edilib, 1 şəhər, 93 kənd tamamilə dağıdılıb, evlər, ictimai binalar yandırılıb, salamat qalanlar isə sökülərək Ermənistana daşınıb. Qəbiristanlıqlar, tarixi-mədəni abidələr, rayon mərkəzində fəaliyyət göstərən və maraqlı eksponatlarla zəngin olan tarix-diyarşünaslıq muzeyi məhv edilib. Ümumilikdə rayona 1,5 milyard dollar ziyan dəyib. Düşmənlə mübarizədə 238 nəfər Qubadlı sakininin şəhid olduğunu bildirən M.İsaqov qeyd edib ki, 473 nəfər rayon sakini əlil olub, 100 nəfərdən çox insan itkin düşüb, 11 nəfər Milli Qəhrəman adına layiq görülüb. Hazırda Qubadlının 38200 nəfərdən çox əhalisi respublikamızın 41 rayonunda məcburi köçkün həyatı yaşayır. Harada məskunlaşmasından asılı olmayaraq, rayon əhalisinin problem və çətinlikləri yerli icra strukturlarının diqqətindədir. Bu isə əsası Ulu Öndərimiz tərəfindən qoyulan və bu gün Azərbaycan Respublikasının Prezidenti İlham Əliyevin uğurla davam və inkişaf etdirdiyi siyasətin layiqincə icrasının təzahürüdür.
Rayon İcra Hakimiyyətinin başçısı qeyd edib ki, ötən 26 il ərzində torpaq həsrəti bir an da olsun Qubadlı əhalisini tərk etməyib. Dövlətimiz və hökumətimiz məcburi köçkünlərin yaşayış şəraitinin yaxşılaşdırılması, məşğulluğunun artırılması sahəsində kompleks tədbirlər həyata keçirib. Rayon əhalisi qəti əmindir ki, Prezident İlham Əliyevin rəhbərliyi ilə doğma Qubadlıya qayıdacağımız gün uzaqda deyil.
Tədbirdə vurğulanıb ki, dövlətimizin başçısının məcburi köçkünlərə olan diqqət və qayğısının nəticəsidir ki, 2019-cu ildə Abşeron rayonunun ərazisində, Sumqayıt şəhərində, eləcə də digər şəhər və rayonlarda tikilmiş yeni şəhərciklərə Qubadlı rayonundan, ümumilikdə, 900-dən çox məcburi köçkün ailəsi köçürülüb.

Paylaş:

Baxılıb: 552 dəfə