Heydər Əliyev
yeni azerbaycan logo

Ana səhifə / Sosial / Türkiyə səfirliyində Azərbaycan media təmsilçiləri ilə görüş keçirilib

Türkiyə səfirliyində Azərbaycan media təmsilçiləri ilə görüş keçirilib

22.10.2019 [09:31]

Erkan Özoral: Azərbaycan Türkiyə Ordusunun həyata keçirdiyi antiterror əməliyyatlarını hər zaman dəstəkləyib
Türkiyənin ölkəmizdəki səfirliyində Azərbaycanın aparıcı KİV rəhbərləri və media təmsilçiləri ilə görüş keçirilib. Görüşdə çıxış edən Türkiyənin Azərbaycandakı səfiri Erkan Özoral bildirib ki, Azərbaycan Türkiyə Ordusunun həyata keçirdiyi istər “Sülh çeşməsi”, istərsə də digər antiterror əməliyyatlarını dəstəkləyib: “Azərbaycan, həqiqətən də, bir millət, iki dövlət olduğumuzu bütün dünyaya nümayiş etdirib. Buna görə Azərbaycan xalqına, Azərbaycan Prezidentinə təşəkkür edirik”.
Diplomat bildirib ki, Suriyanın şimalında terrorçuların yerləşməsi və Türkiyənin buna laqeyd qalmayacağı barədə bütün dünyaya xəbərdarlıq olunub. Uzun illərdir ki, Suriyada davam edən vətəndaş müharibəsinin çətinliklərini bu ölkədən sonra çəkən ikinci ölkə Türkiyədir. Suriyadakı müharibədən qaçanlara ən çox Türkiyə qucaq açıb. Biz 3 milyon 650 mindən çox suriyalıya qucaq açmışıq, onlara qardaşlığımızı göstərmişik. Türkiyə bu günədək suriyalı qaçqınlar üçün 40 milyard dollar məbləğində vəsait xərcləyib. Avropa İttifaqı söz verdiyi 6 milyard avrodan yalnız 3 milyardını verib. Türkiyə Suriyada sülhün bərpa olunmasını istəyir və Suriyanın ərazi bütövlüyünü dəstəkləyir.
Erkan Özoral vurğulayıb ki, Türkiyə terrorla mübarizədə heç bir ölkədən kömək almayıb. Əksinə, bəzi ölkələr Türkiyənin mübarizə apardığı terror təşkilatlarını silah-sursatlarla təmin edərək yardım göstərib.
Görüşdə çıxış edən Mətbuat Şurasının sədri Əflatun Amaşov bildirib ki, bu gün Türkiyə “Sülh çeşməsi” əməliyyatı ilə bölgədə sülh və sabitlik üçün çalışır. Qeyd olunub ki, Azərbaycan terrordan əziyyət çəkən bir ölkə kimi, hər zaman Türkiyənin yanındadır.
“Yeni Azərbaycan” qəzetinin baş redaktoru, millət vəkili Hikmət Babaoğlu isə deyib ki, Azərbaycan mediası hər zaman Türkiyənin haqq işini obyektiv və dolğun şəkildə işıqlandırıb və bundan sonra da fəaliyyətini eyni şəkildə davam etdirəcək.
Çıxışlardan sonra səfir Erkan Özoral media nümayəndələrinin suallarını cavablandırıb.
Görüşdə, eyni zamanda, səfirliyə yeni təyin olunmuş mətbuat müşaviri Hüseyn Altınalan media nümayəndələrinə təqdim edilib.

Paylaş:
Baxılıb: 421 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31