Bu il də Naxçıvan MR-də məktəb binalarının tikintisi davam etdiriləcək

Bakı:

25 °C

55 %

4 m/s

Əlaqə

AZ RU EN

Ana səhifə / Sosial / Bu il də Naxçıvan MR-də məktəb binalarının tikintisi davam etdiriləcək

Bu il də Naxçıvan MR-də məktəb binalarının tikintisi davam etdiriləcək

23.01.2010 [03:16]

Azərbaycan iqtisadiyyatının durmadan artan tempi, cəmiyyətdə baş verən sürətli dəyişikliklər ölkəmiz üçün bütün sahələr üzrə yüksək ixtisaslı mütəxəssislərin hazırlanması zərurətini ortaya qoyur. Bu da öz növbəsində təhsilin inkişaf etdirilməsini, müasirləşdirilməsini, inkişaf etmiş ölkələrin təhsil sahəsindəki mütərəqqi təcrübəsinin mənimsənilməsini, dünya təhsil sisteminə inteqrasiyasının təmin edilməsini vacib məsələ kimi önə çıxarır. Qürur hissi ilə qeyd etmək olar ki, bu gün ölkəmizdə təhsil sahəsinə göstərilən diqqət və qayğı yüksək səviyyədədir. Uğurla həyata keçirilən milli təhsil quruculuğu Muxtar Respublikada da müvəffəqiyyətlə davam etdirilir. Təkcə, 2009-cu ilə nəzər salsaq bu sahədə həyata keçirilən tədbirlərin miqyasını aydın görmək olar. Şərur rayonunun Aşağı Daşarx kəndində 252, Culfa rayonunun Ərəzin kəndində 504, Kəngərli rayonunun Qarabağlar kəndində 522, Şahbuz rayonunun Badamlı kəndində 216 şagird yerlik orta məktəb binaları tikilərək, Naxçıvan şəhərində 414 şagird yerlik 2 saylı, 828 şagird yerlik 4 saylı, 1008 şagird yerlik 8 saylı, Şərur rayonunun Tumaslı kəndində 360, Babək rayonunun Zeynəddin kəndində 612 şagird yerlik orta məktəb binaları yenidən qurularaq istifadəyə verilməsi dediklərimizin əyani sübutudur.
Əvvəlki illərdə olduğu kimi bu il də Muxtar Respublikada məktəb binalarının tikilməsi və yenidənquruluması diqqət mərkəzində saxlanılıb. Yeniləşmə ilində də regionun müxtəlif yaşayış məntəqələrində maddi-texniki bazaları gücləndirilən müasirtipli yeni məktəb binalarının qapıları müəllim və şagirdlərin üzünə açılacaq. Məqsəd isə müstəqil dövlətimizin gələcəyini möhkəm əllərdə saxlaya biləcək yaxşı gənclik yetişdirməkdən ibarətdir. Şərur rayonunun Maxta və Yengicə, Kəngərli rayonunun Yeni Kərki kəndində, Culfa şəhərində 3 nömrəli orta məktəb üçün yeni binalar tikiləcək. Culfa şəhərindəki 2 nömrəli orta məktəbin binası isə yenidən qurulacaq. Həmçinin, ötən ildən tikintisinə başlanılan Kəngərli rayonunun Təzəkənd və Sədərək rayonunun Sədərək kənd orta məktəblərinin yeni binaları da bu ilin quruculuq töhfələrindən olacaq. Yeni təhsil ocaqlarında geniş və işıqlı sinif otaqları, hərbi və biologiya kabinələri, müəllimlər və psixoloq otaqları, kompyuter sinfi, idman zalı, kitabxana şagirdlərin ixtiyarına veriləcək. Məktəb kitabxanaları ölkə başçısının “Azərbacan dilində latın qrafikası ilə kütləvi nəşrlərin həyata keçirilməsi haqqında” Sərəncamına uyğun olaraq çap edilmiş ədəbiyyatlar, dərsliklər və digər əyani vəsaitlərlə təmin olunacaq.
Sara ƏZİMOVA

Paylaş:

Baxılıb: 1708 dəfə