“Azərbaycan ildən-ilə daha da qüdrətlənir, insanların sosial rifah halı yüksəlir”

Bakı:

20 °C

77 %

6 m/s

Əlaqə

AZ RU EN

Ana səhifə / Sosial / “Azərbaycan ildən-ilə daha da qüdrətlənir, insanların sosial rifah halı yüksəlir”

“Azərbaycan ildən-ilə daha da qüdrətlənir, insanların sosial rifah halı yüksəlir”

17.07.2020 [08:18]

Bakı Dövlət Universitetinin Qazax filialının direktoru Arif Rüstəmov rəhbərlik etdiyi təhsil ocağının kollektivi adından Azərbaycan Respublikasının Prezidenti cənab İlham Əliyevə məktub ünvanlayıb.
Məktubda deyilir: “Möhtərəm cənab Prezident!
Azərbaycan dövləti Sizin rəhbərliyiniz altında iqtisadi və siyasi cəhətdən daha da inkişaf edərək dünya birliyində öz yerini getdikcə möhkəmləndirir. Sizin, eləcə də Mehriban xanım Əliyevanın diqqət və qayğısı sayəsində Azərbaycan ildən-ilə daha da qüdrətlənir, insanların sosial rifah halı yüksəlir. Xalqımız beynəlxalq, iqtisadi, ordu quruculuğu, təhsil, səhiyyə və digər sahələrdə Sizin gərgin əməyinizi görür və yüksək qiymətləndirir, öz Prezidentinə inam və etimadı daha da artır”.
Məktubda daha sonra qeyd edilib: “Rəhbərliyiniz altında ordu quruculuğu sahəsində görülmüş işlər, həyata keçirilən tədbirlərin nəticəsidir ki, bu gün Silahlı Qüvvələrimiz müasir silah-sursat, döyüş texnikası, şəxsi heyətin sayı və döyüş əzmi baxımından ən yüksək səviyyədir və dünyanın aparıcı 50 ordusu sırasında yer almışdır”.
Şanlı Aprel döyüşlərində olduğu kimi, bir neçə gün öncə Tovuz rayonu istiqamətində düşmənin törətdiyi növbəti təxribatın qarşısının da Azərbaycan Silahlı Qüvvələri tərəfindən qətiyyətlə alındığının vurğulandığı məktubda daha sonra bildirilir: “Dünyanı öz ağuşuna almış COVID-19 pandemiyasına qarşı mübarizədə biz Sizin diqqət və qayğınızın bir daha əyani şahidi olduq. Əhalinin sağlamlığını qorumağı bu gün torpaqlarımızı qorumaq qədər dəyərləndirərək ölkəmizdə pandemiyanın yayılmasının qarşını almaq üçün bütün qabaqlayıcı və profilaktiki tədbirlər həyata keçirilmiş və bu proses davam etməkdədir”.
Bu həssas, ölümcül xəstəlik və xain düşmənin təxribatları ilə mübarizə aparıldığı bir zamanda, xalqımızın milli birlik və həmrəylik nümayiş etdirdiyi bir dövrdə bəzi məkrli dairələrin insanlarımızın, əsas etibarilə, gənc vətənpərvərlərin Azərbaycan Ordusuna dəstək məqsədilə keçirdiyi yürüşdən sui-istifadə etmələrinin kəskin şəkildə pisləndiyi məktubda daha sonra bildirilir: “Dövlət maraqlarına və milli mənafelərə daban-dabana zidd olan belə pozucu hərəkətləri hazırkı həssas məqamda düşmən dəyirmanına su tökmək kimi qiymətləndiririk”.
Sonda bir daha Bakı Dövlət Universitetinin Qazax filialının professor-müəllim heyətinin, həmçinin tələbələrin Prezident İlham Əliyevin həyata keçirdiyi daxili və xarici siyasəti dəstəklədiyi vurğulanıb.

Paylaş:

Baxılıb: 475 dəfə