Azərbaycan “omikron”a sərhədlərini bağlayacaqmı?

Bakı:

22 °C

68 %

4 m/s

Əlaqə

AZ RU EN

Ana səhifə / Sosial / Azərbaycan “omikron”a sərhədlərini bağlayacaqmı?

Azərbaycan “omikron”a sərhədlərini bağlayacaqmı?

10.12.2021 [10:46]

MÜŞFİQƏ

COVID-19-un “omikron” ştamı dünyanın 20-dən çox ölkəsində qeydə alınıb və bu ştama yoluxma hallarının sayı sürətlə artır. Virusoloqların fikrincə, Afrikanın cənubunda aşkar edilən yeni ştam “delta” variantından iki dəfə daha tez yayıla bilər. ÜST-in hesabatında daha yoluxucu mutasiyalar səbəbindən “omikron” ştamının dünyada sürətlə yayılma ehtimalının yüksək olduğu deyilir. Həmçinin təşkilat yeni ştamla bağlı qlobal riskin son dərəcə yüksək olduğu barədə xəbərdarlıq edir. Mövcud peyvəndlərin ştamdan qoruya bilib-bilmədiyini öyrənmək üçün araşdırmalar aparılır. Yaponiyanın “Shionogi Pharmaceutical” şirkəti isə “omikron”a qarşı peyvənd hazırlamaq niyyətindədir.

Dünya Afrika ştamına qarşı...

Bir sıra dövlətlər yeni ştamın qarşısının alınması və öz vətəndaşlarının müdafiəsi məqsədilə Cənubi Afrika Respublikasına (CAR) və Cənubi Afrika İnkişaf İcması (SADC) ölkələrinə səyahət qadağası tətbiq ediblər. Məsələn, noyabrın 29-dan ABŞ-ın Nyu-York ştatına Afrikanın bəzi ölkələrindən vətəndaşların gəlməsinə qadağan qoyub. Xəstəliyin artması ehtimalının qarşısını almaq məqsədilə Nyu-Yorkda fövqəladə vəziyyət elan edilib. Qonşu Rusiyada da koronavirusun “omikron” ştamı aşkar edilib: CAR-dan Rusiyaya gəlmiş iki nəfərdə tapılıb. Hökumət “omikron” ştamının daha yoluxucu olması, orqanizmdə sürətlə yayılmasını nəzərə alaraq koronavirus testlərinin müddətini 72 saatdan 48 saatadək azaldıb.

Noyabrın 27-dən etibarən Türkiyə ilə Botsvana, Cənubi Afrika Respublikası, Mozambik, Namibiya və Zimbabve arasında bütün səyahətlər müvəqqəti dayandırılıb. Eləcə də Gürcüstan sözügedən 8 ölkənin vətəndaşlarının ölkəyə daxil olması üçün yeni qaydalar tətbiq edir. Ölkənin Dövlət Qurumlararası Koordinasiya Şurasının qərarına əsasən, son iki həftə ərzində Cənubi Afrikaya səfər edən və Gürcüstana gələn istənilən şəxs vətəndaşlığından asılı olmayaraq, 14 günlük özünütəcrid rejimində qalacaq. Bu müddət başa çatandan sonra həmin şəxslər PCR test verməli olacaqlar. Qazaxıstanda isə “omikron” ştam aşkarlanmayıb. Buna baxmayaraq, idarələrarası komissiya dekabrın 3-dən məhdudlaşdırıcı tədbirlərin tətbiq edilməsi barədə qərar qəbul edib. Botsvana, Namibiya, Lesoto, Zimbabve, Mozambik, Madaqaskar, Tanzaniya və digər xarici vətəndaşların Qazaxıstana girişinə məhdudiyyət qoyulub. Həmçinin “omikron” ştamı aşkar edilmiş dövlətlərdən gələnlərdən PCR testi tələb olunur.

Azərbaycan hansı tədbirlər görür?

Koronavirusun mutasiyaları nəticəsində son zamanlar meydana çıxan yeni “omikron” variantı bütün dünyada olduğu kimi, Azərbaycanda da ciddi narahatlıq doğurur. Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi birgə məlumat yayıb. Məlumatda bildirilir ki, koronavirus infeksiyasının yeni mutasiya olan “omikron” variantın inkişaf gedişatı və yoluxduruculuğu ilə bağlı məlumatların yaxın günlərdə bəlli olacağı gözlənilir. Ölkənin səhiyyə qurumları yeni ştamı, dünya ölkələrinin mutasiyalarla bağlı təcrübələrini izləyir və yeni yoluxma hallarını nəzarətdə saxladığı deyilir.

Xatırladaq ki, noyabrın 29-da Baş nazirin sədrliyi ilə COVID-19 pandemiyasına qarşı mübarizə üzrə Operativ Qərargahın geniş iclasında “omikron” ştamı və ona qarşı profilaktik tədbirlər müzakirə olunub, müvafiq hazırlıq işlərinə dair tapşırıqlar verilib.

Paylaş:

Baxılıb: 882 dəfə