21 gün qaydası!

Bakı:

26 °C

51 %

4 m/s

Əlaqə

AZ RU EN

Ana səhifə / Sosial / 21 gün qaydası!

21 gün qaydası!

23.06.2022 [10:41]

MÜŞFİQƏ

Gündəlik həyatımız bir sıra rutinlərdən ibarətdir. Bu rutinlərə yenilərini əlavə etmək, yeni vərdişlərə yiyələnmək həyatımızı monotonluqdan xilas edir. Bir vərdişə yiyələnmək və ya vərdişi tərgitmək istədiyiniz zaman 21 gün qaydası sizin dadınıza yetəcək. Əksər insanlar üçün bu vaxt lazımsız görünə bilər. Lakin 21 gün beynin yeni bir şeyi qəbul etməsi və ya mövcud məlumatları unutması üçün kifayət qədər vaxtdır.

Ümumiyyətlə, pəhriz saxlayanda, idmana başlayanda, siqareti buraxanda radikal qərarlar veririk. Hətta eşq iztirabı da bu qəbildəndir. Əgər 21 gündən artıq eşq acısı çəkdiyinizi düşünürsünüzsə, deməli, beyniniz sizə hiylə gəlir...

Bildiyiniz kimi, nəyəsə öyrəşmək, vərdiş etmək 20 gündə beynimizdə yaranan bir vəziyyətdir. 20 gün ərzində eyni hərəkəti etdikdə, 21-ci gündə vərdiş halına keçəcək.

21/90 gün qaydası

Deməli, başladıq. İlk və dəyişilməz qayda: 1 gün ərzində diqqətimizi şəxsi məqsədə yönəldirik. Burada heç vaxt unutmamalı olduğunuz tək bir qayda var. 21 gün ərzində heç bir fasilə olmadan hər gün nizamlı olaraq istədiyinizi etməlisiniz. Üç həftədən sonra bu məqsədə çatmaq vərdiş halına gələcək. Daha 90 gün də davam etdirə bilsəniz.

Bilirik ki, pis vərdişləri məhv etmək yeni bir şey öyrənməkdən daha çətindir. Məsələn, şüurlu şəkildə siqareti tərgitmək istəyə bilərsiniz, lakin şüuraltınızda siqaretlə bağlı müsbət düşüncələr qaldığı təqdirdə heç nə dəyişməyəcək. Bir müddət siqareti tərgitsəniz belə sonra yenidən başlayacaqsınız. Mütəxəssislər belə deyir.

Ona görə də iradənizə qalib gəlin və təslim olmayın. Lazım gələrsə, yaxınlarınızdan dəstək almaqdan çəkinməyin. Qarşınıza qoyduğunuz məqsədə çatdıqdan sonrakı zəfər hissinin dadı bir başqadır.

Necə başlamalıyıq?

21 gün ərzində hansı vərdişə yiyələnmək istədiyiniz barədə qarşınıza hədəf qoyun. 3 həftə fasiləsiz olaraq davranışı həyata keçirməyə çalışın. Əldə etmək istədiyiniz davranışların yanına özünüz üçün təsdiq işarələri qeyd edin. Bu təsdiqlər həm motivasiyanızı artıracaq, həm də həyata daha yaxşı baxmağınıza səbəb olacaq. Vərdiş məqsədinizlə yanaşı, sizi xoşbəxt edəcək fəaliyyətləri də daxil edə bilərsiniz. Məsələn, rəsm çəkmək, musiqi dinləmək, gəzintiyə çıxmaq və ya sevdiyiniz insanla söhbət etmək və s.

Qısası, 21 günlük təkrardan sonra beynimiz onu avtomatlaşdırır, 90 gün ərzində isə həyat tərzinə çevrilir.

Hər şey bu qədər sadədirsə, nəyi gözləyirsiniz? Həyatınıza yeni vərdişlər qatmağa tələsin.

Paylaş:

Baxılıb: 883 dəfə