Reinteqrasiya prosesləri çərçivəsində...

Bakı:

21 °C

68 %

14 m/s

Əlaqə

AZ RU EN

Ana səhifə / Sosial / Reinteqrasiya prosesləri çərçivəsində...

Reinteqrasiya prosesləri çərçivəsində...

04.10.2023 [11:30]

Erməni sakinlər də sosial dəstək tədbirlərindən bəhrələnəcəklər

M.ABDULLAYEV

Azərbaycanın sentyabrın 19-da başladığı və cəmi bir gün ərzində uğurla tamamladığı lokal xarakterli antiterror tədbirlərinin nəticəsi olaraq əldə olunan razılaşma Azərbaycan və Ermənistan arasında sülh prosesinin irəliləməsi, eləcə də Qarabağ bölgəsində yaşayan ermənilərin reinteqrasiyasına başlanılması üçün əlverişli zəmin formalaşdırıb. İndiyədək erməni sakinlər separatçı rejimin girovluğunda qalmışdılar. Artıq bu rejim özünü buraxıb. Hazırda Qarabağ bölgəsində erməni hərbi birləşmələrinin tərkisilah edilməsi prosesi uğurla davam etdirilir. Paralel şəkildə reinteqasiya məsələlərinin həllinə başlanılıb. Xəbər verildiyi kimi, Azərbaycan Respublikası Qarabağ bölgəsində yaşayan erməni sakinlərin reinteqrasiyası ilə bağlı əməli fəaliyyətə başlayıb. Bununla əlaqədar, Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədov 2023-cü il sentyabrın 21-də, 25-də və 29-da Yevlax və Xocalı şəhərlərində erməni sakinlərin nümayəndələri ilə görüşüb. Bəhs olunan görüşlərdə Azərbaycanın hazırladığı reinteqrasiya proqramı erməni sakinlərinin nümayəndələrinin diqqətinə çatdırılıb. Həmin proqramın mühüm istiqamətlərindən biri sosial sahə ilə bağlıdır. Görüşlərdə erməni sakinlərin nümayəndələrinin diqqətinə çatdırılıb ki:

-Sakinlər ölkə üzrə əməyin ödənişi və sosial ödənişlər sistemi ilə əhatə olunurlar,

-Sakinlərə Qarabağ və Şərqi Zəngəzur iqtisadi rayonlarında sosial sahədə tətbiq olunan güzəştlər, sosial xidmətlər və məşğulluq proqramları şamil edilir,

-Sakinlər səyyar xidmətlərdən (Səyyar ASAN və Səyyar DOST) faydalanırlar.

Qeyd edək ki, Azərbaycan dövləti tərəfindən işğaldan azad edilmiş ərazilərə qayıdan və burada yaşayan sakinlərin sosial ehtiyaclarının qarşılanması məqsədilə bir sıra təşviq mexanizmləri işə salınıb. Məsələn, işğaldan azad olunan ərazilərimizdə çalışan vətəndaşlarımız 600 manatlıq birdəfəlik müavinətin alınması üçün müraciət edə bilirlər. Müavinət proaktiv qaydada təyin edilir. Bundan ötrü şəxsiyyət vəsiqəsi ilə müraciət ünvanlamaq kifayətdir.

Qeyd edək ki, bu dəstək mexanizmi Qarabağ və Şərqi Zəngəzurda tətbiq olunan sosial məzmunlu tədbirlərdən biridir. “Əmək Məcəlləsinə” edilən dəyişikliklər ilə işğaldan azad olunan ərazilərmizdə məskunlaşaraq işləyənlər və işəgötürənlər üçün stimullaşdırıcı mexanizmlərin və eləcə də güzəştlərin tətbiqinə artıq başlanılıb. Bu müavinəti peşə, orta ixtisas və ali təhsil müəssisəsini bitirmiş və son 5 il ərzində azı 2 il əmək stajı olan və ölkəmizin işğaldan azad edilmiş ərazilərində əmək müqaviləsi əsasında çalışan işçilər ala biləcəklər.

Bütövlükdə, Qarabağ və Şərqi Zəngəzur iqtisadi rayonlarında tətbiq olunan sosial güzəştlərin əhatə dairəsi kifayət qədər genişdir. Əmək və Əhalinin Sosial Müdafiəsi Nazirliyindən “Yeni Azərbaycan”a verilən məlumatda bildirilir ki, Prezident İlham Əliyevin imzaladığı qanunvericilik aktları işğaldan azad edilmiş ərazilərimizdə məskunlaşaraq işləyənlər və işəgötürənlər üçün stimullaşdırıcı dəstək mexanizmlərinin, bir sıra güzəştlərin tətbiqini nəzərdə tutur. Onların sırasına işğaldan azad edilmiş ərazilərimizdə məskunlaşaraq işləyən mütəxəssislərə birdəfəlik müavinət ödənilməsi, aylıq vəzifə maaşlarına əlavələr hesablanması, hər il 5 gün əlavə məzuniyyət verilməsi, işəgötürənlər tərəfindən işçilər üçün ödənilən sosial sığorta haqlarının subsidiya formasında geri qaytarılması, əmək miqrasiyası sahəsində bir sıra güzəştlər daxildir. Sosial məzmunlu bu güzəştlər, həmçinin Qarabağ bölgəsində yaşayan və Azərbaycan vətəndaşlığını qəbul edən erməni sakinlərinə də şamil oluna bilər.

Paylaş:

Baxılıb: 745 dəfə