Vaşinqton Senatı Azərbaycanı dəstəkləyən qətnamə qəbul edib

Bakı:

26 °C

70 %

2 m/s

Əlaqə

AZ RU EN

Ana səhifə / Xarici siyasət / Vaşinqton Senatı Azərbaycanı dəstəkləyən qətnamə qəbul edib

Vaşinqton Senatı Azərbaycanı dəstəkləyən qətnamə qəbul edib

11.04.2015 [11:55]

ABŞ-ın Vaşinqton ştatının Senatı aprelin 9-da keçirilən plenar iclasında Azərbaycana dəstəyin ifadə olunduğu qətnamə qəbul edib.
Qətnamənin nüsxəsi plenar iclasda iştirak edən Azərbaycanın Los-Ancelesdəki baş konsulu Nəsimi Ağayevə təqdim olunub. Qətnamənin qəbulundan öncə həm Respublikaçılar, həm də Demokratlar partiyalarını təmsil edən senatorlar çıxış edərək, Azərbaycanı sürətlə inkişaf edən, tolerantlıq ənənələrini yüksək tutan, demokratik islahatlar aparan nümunəvi ölkə və ABŞ-ın mühüm tərəfdaşı kimi səciyyələndiriblər.
Ştat senatorları tərəfindən yekdilliklə qəbul edilən qətnamədə Azərbaycan xalqının 1918-ci ildə müsəlman Şərqində ilk dünyəvi respublika yaratdığı və bu gün Azərbaycanın ABŞ-ın güclü müttəfiqi və tərəfdaşı olduğu bildirilir. Qeyd edilir ki, Azərbaycan və ABŞ enerji təhlükəsizliyi, terrorçuluğa qarşı mübarizə və regional təhlükəsizliyin möhkəmləndirilməsi sahələrində sıx əməkdaşlıq edirlər. Sənəddə bildirilir ki, böyük neft və qaz ehtiyatlarına malik Azərbaycan ABŞ-ın və onun Avropadakı müttəfiqlərinin enerji təhlükəsizliyinə töhfələr verir və Avropanın enerji təchizatını şaxələndirəcək “Cənub” qaz dəhlizinin ən önəmli tərkib hissəsidir.
Qətnamədə qeyd olunur ki, Azərbaycan öz müstəqilliyini möhkəmləndirib, dünyanın ən sürətlə inkişaf edən dövlətlərindən birinə və ABŞ-ın Cənubi Qafqazda ən böyük ticarət tərəfdaşına çevrilib. Həmçinin vurğulanır ki, Azərbaycan Vaşinqton ştatında yerləşən “Boeing” və “Microsoft” kimi şirkətlərin əsas regional tərəfdaşına çevrilərək, çoxmilyardlıq kontraktlar imzalayıb və bununla da bu ştatda amerikalılar üçün on minlərlə yeni iş yerinin yaranmasına səbəb olub.
Qətnamədə Azərbaycan-ABŞ strateji tərəfdaşlığının Vaşinqton Senatı tərəfindən dəstəkləndiyi qeyd olunaraq bildirilir ki, ABŞ Azərbaycan kimi müttəfiqlərlə münasibətləri daha da gücləndirməlidir.
Bu, Vaşinqton qanunverici orqanı tərəfindən Azərbaycana dair qəbul olunan ilk qətnamədir. Qətnamənin tam mətni ilə bu linkdə tanış olmaq mümkündür: http://goo.gl/ghndkH
Qeyd edək ki, Vaşinqtona işgüzar səfəri çərçivəsində baş konsul Nəsimi Ağayev ştatın vitse-qubernatoru Brəd Ouen ilə görüşüb. O, həmçinin Vaşinqton Nümayəndələr Palatasının hər iki fraksiyasının üzvləri və ştat Senatının respublikaçılar fraksiyasının üzvləri qarşısında Azərbaycanla bağlı çıxışlar edib.

Paylaş:

Baxılıb: 1727 dəfə