Sabunçu rayon məktəbliləri arasında şahmat turniri keçirilib

Bakı:

26 °C

50 %

10 m/s

Əlaqə

AZ RU EN

Ana səhifə / YAP xəbərləri / Sabunçu rayon məktəbliləri arasında şahmat turniri keçirilib

Sabunçu rayon məktəbliləri arasında şahmat turniri keçirilib

06.05.2024 [15:29]

Ümummilli Lider Heydər Əliyevin anadan olmasının 101-ci ildönümü münasibətilə Yeni Azərbaycan Partiyası (YAP) Sabunçu rayon təşkilatı, Bakı Gənclər Mərkəzi, Bakı şəhər Gənclər və İdman İdarəsi və Azərbaycan Şahmat Federasiyasının birgə təşkilatçılığı ilə Bakı Gənclər Mərkəzində Sabunçu rayon məktəbliləri arasında şahmat turniri keçirilib.

Blits sistemi üzrə keçirilən turnirdə 10-16 yaş qruplarını əhatə edən 34-ü qız, 34-ü oğlan olmaqla ümumilikdə 68 məktəbli iştirak edib.

Tədbirdə Dövlət Himni səsləndirilib. Ulu Öndər Heydər Əliyevin və torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Sabunçu rayon təşkilatının sədri Araz Xudadanov bildirib ki, yarış Azərbaycanda şahmatın indiki səviyyəyə çatmasında müstəsna xidmətləri olmuş Ulu Öndər Heydər Əliyevin əziz xatirəsinə həsr edilib. Azərbaycana rəhbərlik etdiyi uzun illər ərzində Ümummilli Lider idmanın inkişafına daim böyük qayğı göstərib və məhz onun təşəbbüsü ilə respublikamızın şəhər və rayonlarında çoxsaylı uşaq-gənclər şahmat məktəbləri istifadəyə verilib, ölkəmizdə güclü şahmat məktəbi yaradılıb. Araz Xudadanov qeyd edib ki, Ümummilli Lider Heydər Əliyev yeni-yeni istedadların aşkara çıxarılmasında və onların müxtəlif miqyaslı yarışlarda ölkəmizi layiqincə təmsil etmələrində mühüm rol oynayıb. Bu proses indi də davam edir və şahmatın inkişafı Prezident İlham Əliyevin daim diqqət mərkəzindədir. Ötən onilliklər ərzində Avropa, dünya çempionatlarında və bir sıra digər mötəbər turnirlərdə iştirak edən idmançılarımız böyük uğurlar əldə ediblər.

Bakı şəhər Gənclər və İdman İdarəsinin rəis müavini Elnarə Əliyeva qeyd edib ki, bu gün respublikamızın adı şahmatın ən yüksək səviyyədə inkişaf etdiyi ölkələr sırasında çəkilir. Azərbaycan şahmat məktəbinin yetirmələri bir çox beynəlxalq yarışlarda, klublararası qitə birinciliklərində qalib və mükafatçılar sırasında yer tuturlar. Onların qələbələri şərəfinə müxtəlif ölkələrdə Azərbaycan bayrağı yüksəklərə qaldırılır, Dövlət Himni səsləndirilir.

Bakı Gənclər Mərkəzinin direktoru Nərgiz Babayeva bildirib ki, əsası Ulu Öndər Heydər Əliyev tərəfindən qoyulan gənclərə, idmana, şahmata olan yüksək diqqət və qayğı Prezident İlham Əliyev tərəfindən uğurla davam etdirilir. Prezidentin sərəncamı ilə 2009-2014-cü illərdə şahmatın inkişafına dair Dövlət Proqramının təsdiq edilməsi məhz bu idman növünün inkifaşının yeni mərhələsinin başlanğıcı olmuşdur.

Tədbirin sonunda turnirin qaliblərinə diplom, medal və hədiyyələr təqdim edilib.

Paylaş:

Baxılıb: 680 dəfə