Yaxın Şərq siyasətində uğur

Bakı:

28 °C

42 %

6 m/s

Əlaqə

AZ RU EN

Ana səhifə / YAP xəbərləri / Yaxın Şərq siyasətində uğur

Yaxın Şərq siyasətində uğur

10.06.2024 [14:34]

Azərbaycanın ərəb dünyası ilə böyük tarixi-mədəni bağlılığı var. Belə ki, əsrlərlə Azərbaycan şairləri və mütəfəkkirləri ərəb dilində də yazıb-yaratmışlar. Dahi Azərbaycan şairləri Nəsiminin və Füzulinin məzarlarının ərəb dövlətləri ərazisində yerləşməsi bu bağlılığın daha bir bariz nümunəsidir. Bu dövlətlərdən biri də Misir Ərəb Respublikasıdır. Yaxın Şərqin və ərəb dünyasının önəmli ölkələrindən biri olan Misir Ərəb Respublikası ilə Azərbaycan arasında münasibətlərin kökü hələ Sovetlər birliyi dövrünə gedib çıxır. Ulu öndər Heydər Əliyev ilə Misir Prezidenti Hüsnü Mübarək arasında dostluq münasibətləri əməkdaşlığımızın inkişafı üçün yaxşı zəmin yaradıb. Bu gün bu siyasət Azərbaycan Prezidenti İlham Əliyev tərəfindən uğurla davam etdirilir. Azərbaycan ilə Misir arasında müxtəlif sahələri əhatə edən çoxsaylı sənədlər imzalanıb. Ulu Öndər Heydər Əliyevin əlaqələri inkişaf etdirmək istiqamətində həyata keçirdiyi siyasətin nəticəsi olaraq 2005-ci il noyabrın 6-13-də Misirdə Azərbaycan və 2006-cı il noyabrın 20-28-də Azərbaycanda Misir mədəniyyət günləri keçirilib.

İyunun 7-də Azərbaycan Respublikasının Prezidenti İlham Əliyevin Misir Respublikasına rəsmi səfəri başlayıb. Bu səfər ölkələrimiz arasında münasibətlərin inkişafında yeni səhifə açacaq. Səfərin məqsədi ölkələrimiz arasında yüksək səviyyədə olan əlaqələrin daha da inkişafına və qarşılıqlı maraq doğuran sahələrdə əməkdaşlığın gücləndirilməsinə töhfə verməkdir. İyunun 8-də sənədlərin imzalanmasından sonra Azərbaycan Respublikasının Prezidenti cənab İlham Əliyev və Misir Ərəb Respublikasının Prezidenti Əbdülfəttah əs-Sisi mətbuata bəyanatlarla çıxış ediblər.

Cənab İlham Əliyevin Bəyanatında qeyd edildiyi kimi Misirlə ölkəmiz arasında ticarət dövriyyəsi bir neçə dəfə artıb. Azərbaycanda ticarət, sənaye və xidmət sahələrində Misir investisiyalı 10-dan çox şirkət fəaliyyət göstərir. İki ölkə arasında ticarət əlaqələrinin genişləndirilməsi üçün böyük potensial var. Enerji sahəsində əməkdaşlığımız çoxşaxəlidir və bu əlaqələrin genişləndirilməsi üçün tədbirlər həyata keçirilir, SOCAR Misirin Dövlət Neft Şirkəti ilə əməkdaşlıq edir.

Misirin Yaxın Şərqdə baş verən proseslərə həssaslığını qeyd edən ölkə başçısı bildirib ki, Fələstin-İsrail münasibətlərinin normallaşması üçün Misirin bu istiqamətlərdəki səylərini dəstəkləyirik və Misir tərəfindən irəli sürülmüş təşəbbüslər diqqətə alınmalıdır.

Qeyd edək ki, Ərəb ölkələri, həmçinin mütəmadi olaraq Azərbaycanın ərazi bütövlüyü və suverenliyinə öz dəstəyini də ifadə ediblər. Ölkəmizin ərazi bütövlüyünün tam bərpa olunduğunu diqqətə çatdıran ölkə başçısı regionda sülhün dayanıqlı olması üçün atılan addımların müsbət nəticə verdiyini bildirərək son zamanlarda Azərbaycan-Ermənistan sərhəddində atəşkəsə əməl edildiyini bildirib.

Dövlətimizin başçısı bildirib ki, iki ölkə beynəlxalq təşkilatlarda – BMT-də, Qoşulmama Hərəkatında, İslam Əməkdaşlıq Təşkilatında birgə fəaliyyət göstərir və bir-birini dəstəkləyir. Ölkələrimiz arasında ticari-iqtisadi məsələlər də gündəmdədir. Buraya əczaçılıq, sənaye sahələri, alüminium sənayesi, energetika, neft sənayesi, o cümlədən bərpaolunan energetika sahəsi və s. daxildir. Bu istiqamətlərdə əməkdaşlıq üçün geniş perspektivlər var.

Ölkə başçısının bu səfəri Azərbaycanın xarici siyasət üfüqlərinin genişlənməsi fonunda ərəb ölkələri ilə əməkdaşlıq imkanlarının da ardığını göstərir.

Rüstəm Nağıyev,

YAP Gədəbəy rayon təşkilatının sədri

Paylaş:

Baxılıb: 740 dəfə