Azərbaycan-Misir əlaqələrinin inkişafına böyük töhfə

Bakı:

25 °C

65 %

8 m/s

Əlaqə

AZ RU EN

Ana səhifə / YAP xəbərləri / Azərbaycan-Misir əlaqələrinin inkişafına böyük töhfə

Azərbaycan-Misir əlaqələrinin inkişafına böyük töhfə

11.06.2024 [11:13]

Misir Ərəb Respublikası 1991-ci il dekabrın 26-da Azərbaycanın müstəqilliyini tanıyıb. 1993-cü ildə qarşılıqlı diplomatik əlaqələrin yaradılması haqqında protokola əsasən Misirin Bakıda, 1994-cü ilin yanvarında isə Azərbaycanın Qahirədə səfirlikləri açılıb. Ermənistan-Azərbaycan münaqişəsinin həlli məsələsində Misir Azərbaycanın ərazi bütövlüyünü həmişə dəstəkləyib və üzv olduğu beynəlxalq təşkilatlarda ədalətli mövqeyini daim müdafiə edib. Misir Azərbaycan ilə Ərəb Dövlətləri Liqası arasında əlaqələrin inkişafını da dəstəkləyir. Azərbaycanda ticarət, sənaye və xidmət sahələrində Misir investisiyalı 10-dan çox şirkət fəaliyyət göstərir. İki ölkə arasında ticarət əlaqələrinin genişləndirilməsi üçün böyük potensial var.

İyunun 8-də Misirə rəsmi səfəri zamanı mətbuata verdiyi bəyanatda Prezident İlham Əliyev bildirdi ki, ölkələrimiz arasında ticarət dövriyyəsi bir neçə dəfə artıb. Həmçinin imzalanmış sənədlər, əldə edilmiş razılaşmalar ticarət dövriyyəsini daha da artıracaqdır. İlk növbədə, energetika, bərpaolunan enerji növlərinin istehsalı, neft sənayesi, əczaçılıq, alüminium sənayesi sahələrində və digər sahələrdə yaxşı nəticələr əldə etmək mümkün olacaq.

Ölkələrimiz arasındakı siyasi dialoq müntəzəm xarakter daşıyır və bundan sonra da davam etdiriləcək. Bütün beynəlxalq məsələlərdə ölkələrimizin fikirləri üst-üstə düşür. Azərbaycan və Misir beynəlxalq təşkilatlar çərçivəsində fəal çalışır, o cümlədən BMT, Qoşulmama Hərəkatı, İslam Əməkdaşlıq Təşkilatı çərçivəsində fəal əməkdaşlıq edir, habelə İslam həmrəyliyinin gücləndirilməsi istiqamətində birgə səylər göstərirlər.

Misirə rəsmi səfəri zamanı mətbuata verdiyi bəyanatda Prezident İlham Əliyev ölkəmizin haqq işinə də xüsusilə diqqət çəkdi. Ölkə başçısı diqqətə çatdırdı ki, Azərbaycan keçən ilin sentyabr ayında öz dövlət suverenliyini və ərazi bütövlüyünü tam bərpa etmişdir. Bu, Ermənistan ilə normallaşdırma yolumuzda önəmli amil olacaqdır. İki ilə yaxındır Azərbaycan-Ermənistan şərti sərhədində sakitlikdir, heç bir atəşkəs pozuntusu müşahidə edilmir. Azərbaycan və Ermənistan öz dövlət sərhədlərini müəyyənləşdirmək işində müəyyən uğurlara nail olublar. Demək olar ki, 12,7 kilometr dövlət sərhədi razılaşdırılıb. Danışıqlar prosesində irəliləyiş üçün yaxşı imkanlar var. Azərbaycanın Qazax rayonunun otuz ildən çox müddət ərzində işğal altında olmuş dörd kəndi danışıqlar yolu ilə Azərbaycana geri qaytarılmışdır.

Prezident İlham Əliyevin iyunun 8-də Misirə rəsmi zəfəri zamanı ölkələrimiz arasında 8 adda Azərbaycan-Misir sənədləri imzalanmışdır ki, bu da iki ölkə arasında əlaqələrinin inkişafına böyük töhfələr verəcəkdir.

Əlişah Rəcəbov

YAP Ağdaş rayon təşkilatının sədri

Paylaş:

Baxılıb: 647 dəfə