Milli Qurtuluş gününün müasir Azərbaycan tarixində yeri

Bakı:

23 °C

64 %

7 m/s

Əlaqə

AZ RU EN

Ana səhifə / YAP xəbərləri / Milli Qurtuluş gününün müasir Azərbaycan tarixində yeri

Milli Qurtuluş gününün müasir Azərbaycan tarixində yeri

14.06.2024 [13:53]

İyunun 13-də 15 iyun - Milli Qurtuluş Günü ilə əlaqədar Qaradağ rayonunun Lökbatan qəsəbəsindəki Heydər Əliyev Mərkəzində YAP Qaradağ rayon təşkilatının və Mərkəzin birlikdə təşkil etdiyi dəyirmi masa keçirildi.

Tədbirdə YAP Qaradağ rayon təşkilatının sədri Qafar Əliyev, Elm və Təhsil Nazirliyinin məsləhətçisi, Əməkdar dövlət qulluqçusu, yazıçı-jurnalist Rövşən Ağayev, AMEA-nın Tarix və Etnologiya İntitutunun aparıcı elmi işçisi, tarix üzrə fəlsəfə doktoru, dosent Leyla Hüseynova, Gənclər və İdman Nazirliyinin Qaradağ rayonu üzrə sektor müdiri Elçin Abbasov, Heydər Əliyev Mərkəzinin direktoru Çərkəz Əliyeva, YAP fəalları və rayon ictimaiyyətinin nümayəndələri iştirak edirdilər.

Tədbir iştirakçıları əvvəlcə Ulu öndərin Lökbatan qəsəbəsində yerləşən abidəsi önünə güllər düzərək dahi şəxsiyyətə hörmət və ehtiramlarını bildirdilər. Sonra Heydər Əliyev Mərkəzi ilə tanış olan iştirakçılara Ümummilli lider Heydər Əliyevin həyatı və zəngin dövlətçilik fəaliyyəti barədə ətraflı məlumat verildi.

Azərbaycan Respublikasının Dövlət Himninin səsləndirilməsi ilə başlayan dəyirmi masada Ulu öndər Heydər Əliyevin və Azərbaycanın ərazi bütövlüyü uğrunda canlarından keçən şəhidlərin xatirəsi bir dəqiqəlik sükutla yad edildi.

Sonra "15 İyun - Milli Qurutuluş Gününün müasir Azərbaycan tarixində yeri" mövzusunda videoçarx nümayiş olundu.

Tədbiri giriş sözü ilə açan YAP Qaradağ rayon təşkilatının sədri Qafar Əliyev Milli Qurtuluş Gününün dövlətçilik tariximizə dönüş nöqtəsi kimi daxil olduğunu qeyd etdi. YAP Qaradağ rayon təşkilatının sədri qeyd etdi ki, həmin Heydər Əliyevin hakimiyyətə qayıdışı xalqımızı dövlətimizi itirmək təhlükəsindən, baş verən xaosdan, vətəndaş qarşıdurmasından, qonşu Ermənistan tərəfindən ərazilərimizin işğalının davam etməsindən xilas etdi. O, vurğuladı ki, bu gün qazanılan bütün nailiyyətlərin əsasında Ümummilli Lider tərəfindən müəyyənləşdirilən siyasi kurs və Prezident İlham Əliyevin bu siyasi xətti uğurla davam etdirməsi faktı dayanır. Azərbaycanın gələcəyi daha işıqlı və firavan görünür. Çünki müstəqil Azərbaycanın idarəçilik sükanı Ulu Öndər Heydər Əliyevin siyasi varisi Prezident İlham Əliyevin əllərindədir.

Tədbirdə çıxış edən Elm və Təhsil Nazirliyinin məsləhətçisi, Əməkdar dövlət qulluqçusu, tanınmış yazıçı-jurnalist Rövşən Ağayev ötən əsrin 90-cı illərinin əvvəllərində Azərbaycanda baş verən proseslər, ölkəmizin xilası üçün Ulu öndər Heydər Əliyevin xilaskarlıq missiyası barədə şəxsi xatirələrini danışdı.

Tarix üzrə fəlsəfə doktoru, dosent Leyla Hüseynova çıxışında 15 iyun - Milli Qurtuluş Günü ətrafında baş verən tarixi prosesləri nəzərdən keçirdi və onun müsbət nəticələri barədə iştirakçılara ətraflı məlumat verdi.

Sonra Yeni Azərbaycan Partiyasının fəallarına Fəxri fərmanlar, partiyaya yeni qəbul edilən gənclərə üzvlük vəsiqələri təqdim olundu.

Sonda Heydər Əliyevin büstü önündə xatirə fotosu çəkdirildi.

Paylaş:

Baxılıb: 504 dəfə