Ermənistanın verdiyi mina xəritələri tamamilə yararsızdır

Bakı:

27 °C

61 %

10 m/s

Əlaqə

AZ RU EN

Ana səhifə / YAP xəbərləri / Ermənistanın verdiyi mina xəritələri tamamilə yararsızdır

Ermənistanın verdiyi mina xəritələri tamamilə yararsızdır

23.07.2024 [16:42]

İyulun 20-də “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunun açılış mərasimi keçirilib.

Əllidən artıq ölkəni təmsil edən nümayəndələrin qatıldığı Forumda Prezident İlham Əliyev də iştirak edib və sualları cavablandırıb.

Ölkə başçısı sualları cavablandırarkən bir daha Azərbaycan həqiqətləri, mövcud reallıqları faktlarla forum iştirakçılarının diqqətinə çatdırıb.

Prezident İlham Əliyev Azərbaycan haqqında beynəlxalq mediada yayılan bəzi məlumatların həqiqətə uyğun olmadığını, ölkəmizin uzun illər ərzində bunun qurbanı olduğunu bildirib. Dövlətimizin başçısı ermənipərəst siyasətçilərin, media nümayəndələrinin Azərbaycana qarşı hücum etdiklərini, Azərbaycan haqqında yanlış narrativlər yaydıqlarını və Azərbaycanı reallıqdan çox uzaq olan bir şəkildə təqdim etdiklərini vurğulayıb.

Prezident İlham Əliyev ölkəmizin etnik təmizləmənin, işğalın qurbanı olduğunu, bu halın 30 il davam etməsinə baxmayaraq Azərbaycanı dünyada təcavüzkar kimi təqdim etdiklərini və medianın bu məsələni işıqlandırması, siyasi motivlərə söykənən mesajlar və qərarlar nəticəsində ölkəmizin beynəlxalq sanksiyalara məruz qaldığını bildirib. Dövlət başçısı 1992-ci ildə ABŞ konqresin ermənipərəst nümayəndələrinin səyləri nəticəsində ölkəmizə qarşı sanksiyalar tətbiq edildiyini diqqətə çatdrıb.

Prezident İlham Əliyev sualları cavablandırarkən mina partlayışı nəticəsində 2020-ci ildən bu yana 300-dən çox insanın ya həlak olduğunu, ya da yaralandığını, Ermənistanın Azərbaycana verdiyi mina xəritələrinin tamamilə yararsız olduğunu, dəqiq olmadığını təssüf hissi ilə bildirib.

“Bu gün bizdə olan məlumata görə, orada bir milyondan artıq mina basdırılıb. Ən qorxulusu o idi ki, 2020-ci ilin 10 noyabr tarixli üçtərəfli Bəyanatından sonra - bizim Laçın dəhlizi üzərində nəzarətimiz olmadığı dövrdə Ermənistandan mina daşınırdı və onlar orada basdırılırdı. Biz bunu necə bilirik? Çünki o minaların üzərində “İstehsal tarixi 2021-ci il, Ermənistanda istehsal edilmişdir” yazıları var”- deyən ölkə başçısı ikinci Qarabağ müharibəsi başa çatdıqdan sonra da Ermənilərin Azərbaycana qarşı mina terroru həyata keçirirdiyini söyləyib.

Prezident İlham Əliyev bildirib ki, azad edilmiş ərazilərdə artıq 8 minə yaxın əhali yaşayır. İlin sonuna qədər bu rəqəm 20 minə çatacaq. Ölkə başçısı bir neçə ay əvvəl 23 binadan ibarət yaşayış kompleksinin istifadəyə verdiyini, artıq orada sakinlərin yaşadığını, Qarabağda və Şərqi Zəngəzurda geniş reabilitasiya proqramının həyata keçirildiyini diqqətə çatdırıb.

Türk Dövlətləri Təşkilatının gələcək inkişafıyla bağlı sualı cavablandırarkən ölkə başçısı bu təşkilatın çox böyük gələcəyi olduğunu, təşkilatı daha yüksək pilləyə qaldırmaq üçün ortaq səylər göstərməyin vacibliyini söyləyib.

“Biz birliyi daha da gücləndirməklə Türk Dövlətləri Təşkilatını dünya miqyasında güc mərkəzinə çevirməliyik. Çünki bu gün bir neçə beynəlxalq təşkilat var. Bəziləri böhran içində, bəziləri tənəzzüldədir, Türk Dövlətləri Təşkilatı isə yüksəlişdədir. Bu yüksəliş rahat olmalıdır və buna ortaq səylərlə nail olacağıq”- deyə Prezident İlham Əliyev əlavə edib.

Sahib Şükürov

YAP Göyçay rayon təşkilatının sədri

Paylaş:

Baxılıb: 547 dəfə