Tarixi həqiqətlər

Bakı:

27 °C

61 %

5 m/s

Əlaqə

AZ RU EN

Ana səhifə / YAP xəbərləri / Tarixi həqiqətlər

Tarixi həqiqətlər

21.10.2024 [17:55]

Rövşən Əhmədov,

YAP Ağcabədi rayon təşkilatının sədri

Ermənistanın hərbi təcavüzü nəticəsində 30 ilə yaxın işğal altında qalmış əzəli tarixi torpaqlarımız 44 günlük Vətən müharibəsində hərbi-siyasi yolla işğaldan azad olunub və şanlı Zəfərə aparan hər bir gün Azərbaycan tarixinə qızıl hərflərlə yazılıb. Vətən müharibəsinin 24-cü günü-2020-ci il oktyabrın 20-si hərb tariximizə Zəngilan şəhərinin və ətraf kəndlərin erməni işğalından azad edildiyi gün kimi həkk olunub. Dövlətimizin başçısı 2023-cü il iyulun 31-də imzaladığı müvafiq Sərəncama əsasən şəhərin işğaldan azad edildiyi 20 oktyabr tarixi Zəngilan Şəhəri Günü kimi qeyd olunur. Sərəncam işğaldan azad edilmiş şəhər günlərinin təsis olunması Vətən müharibəsində qazanılmış tarixi qələbəni əbədiləşdirmək məqsədi daşıyır.

Cənab Ali Baş Komandan İlham Əliyevin Qarabağın işğaldan azad olunması barədə verdiyi xoş müjdələr biri-birini əvəz edib. Bəli, biz əminliklə deyə bilərik ki, bu gün müzəffər Ordumuzun döyüş meydanında rəşadəti qarşısında ermənilər tab gətirə bilmir. Doğma torpaqlarında müharibə aparan ölkəmiz hazırda ərazi bütövlüyünü qarış-qarış bərpa edib. Oktyabrın 20-də bütün Azərbaycan xoş bir xəbərə sevindi. Ali Baş Komandan İlham Əliyev xalqa müraciət edərək Zəngilanın işğaldan azad olunduğunu sevinclə bildirdi.

Müharibənin bitməsindən qısa müddət sonra cənab Preizdent tarixi torpaqlarımızı ziyarət etmək, vəziyyətlə yerində tanış olmaq üçün azad olunan ərazilərə səfərlərə başlayıb. Zəngilana ilk səfər isə 2020-ci il dekabrın 23-də edilib. Böyük Qayıdış layihəsi çərçivəsində Zəngilan rayonunun əhalinin köçürülməsinə başlayıb. Yeni köçürülən ailələr müvafiq qurumlar tərəfindən peşə ixtisaslarına və bacarıqlarına uyğun şəkildə işlə təmin ediləcəklər. Onlar müxtəlif dövlət qurumlarında, ictimai iaşə obyektlərində, tikinti şirkətlərində, tikiş fabrikində və digər yerlərdə çalışacaqlar. Köçürülmüş əhali üçün bütün infrastruktur şərait – dövlət xidmətləri mərkəzi, məktəb, bağça, bank, poçt, ictimai iaşə obyektləri və sair imkanlar mövcuddur. Zəngilanda nəhəng quruculuq işləri aparılır. Quruculuq işləri təkcə infrastruktur layihələri deyil, həm də tarixi, dini, mədəni abidələri də əhatə edir. Ardıcıl olaraq Zəngilan rayonuna səfər edən Prezident və birinci xanım Zəngilan məscidində aparılan işlərlə tanış olurlar.

Bir zamanlar oktyabrın 29-nu Zəngilan şəhərinin işğal olunduğu gün kimi qeyd edirdik. Sevindirici haldır ki, zəngilanlıların yaddaşında silinməz iz qoyan oktyabr ayı 27 ildən sonra yenidən onların yaddaşlarına həkk olunur. Amma bu dəfə zəngilanlılar həmin ayı doğma şəhərlərinin işğal olunduğu ay kimi deyil, əksinə, qürurverici bir tarix kimi daima xatırlayacaqlar.

Paylaş:

Baxılıb: 595 dəfə