Gənclərimizin təşəbbüsü və çalışqanlığı ölkəmizin inkşafına mühüm töhfə verir

Bakı:

30 °C

54 %

7 m/s

Əlaqə

AZ RU EN

Ana səhifə / YAP xəbərləri / Gənclərimizin təşəbbüsü və çalışqanlığı ölkəmizin inkşafına mühüm töhfə verir

Gənclərimizin təşəbbüsü və çalışqanlığı ölkəmizin inkşafına mühüm töhfə verir

29.01.2025 [17:27]

Namiq Əhmədov,

YAP Xəzər rayon təşkilatının sədri

Müstəqil Azərbaycanın gənclər siyasətinin əsası ulu öndər Heydər Əliyev tərəfindən qoyulmuşdur. Həmin dövrlər sosial-iqtisadi çətinliklər, müharibə şəraiti və ideoloji təzyiqlərlə xarakterizə olunurdu. Heydər Əliyev məhz bu çətin şəraitdə düzgün strategiya tətbiq edərək, gənclərin enerjisini və potensialını milli maraqların qorunmasına yönəltmiş, onlara vətənpərvər ruhda formalaşma üçün baza yaratmışır. 1996-cı il fevralın 2-də keçirilən Birinci Gənclər Forumunda Ümummilli Lider gənclərə dəyərli tövsiyyələr vermişdir. O vaxtdan bu yana bir nəsil dəyişmiş, amma gənclər siyasəti hər zaman dövlətin prioritet istiqamətlərindən biri olaraq qalıb. 1990-cı illərin çətin reallıqlarını xatırlasaq, ölkə cəmi 6 illik müstəqilliyə malik idi, iqtisadiyyat çox ağır durumda idi. Sahibkarlıq az inkişaf etmiş, bazar iqtisadiyyatı prinsipləri hələ təməlini qurmağı bacarmamışdı. 1994-cü ildə "Əsrin müqaviləsi" imzalanaraq böyük ümid vermişdir, amma bu layihənin mənfəət gətirəcəyini təxmin etmək çətin idi. Bütün çətinliklərə baxmayaraq, Heydər Əliyev gənclərə özünün prioritet yanaşması ilə göstərdi ki, onları milli inkişafın mərkəzi qüvvəsinə çevirmək mümkün idi. Bu siyasətin nəticəsində bu gün gənclərin cəmiyyətdə fəal rolu aşkardır. Gənclərin təşəbbüsü və çalışqanlığı ölkənin ümumi inkşafında mühüm yer tutur.

2003-cü ildən sonra Prezident cənab İlham Əliyev bu siyasətin inkişaf istiqamətlərini yeni səviyyəyə çatdırmışdır. Bu dövrdə gənclərlə bağlı bir çox dövlət proqramları qəbul edilmiş, 2007-ci il "Gənclər ili" elan olunmuş, 2011-ci ildə Gənclər Fondu yaradılmış, 2013-cü ildə isə "Gənclər üçün Prezident Mükafatı" təsis edilmişdir. Bu siyasətdə milli maraqların prioritet olması 44 günlük Vətən müharibəsində mühüm rol oynadı. Həmin müharibədə, cənab İlham Əliyevin prezidentliyi dövründə formalaşmış gənclər ön planda idi. Vətən müharibəsindəki qəhrəmanlıqlara görə məhz həmin gənclərə minnətdarlıq ifadə edilərək, onlarla qürur duyulur.

Bugün Azərbaycan dövləti müstəqil, qürurlu və sabit bir ölkə olaraq irəliyə addımlayır. Heç bir xarici qüvvə bizim daxili işlərimizə müdaxilə edə bilməz. Doğrudur, belə cəhdlər olub və gələcəkdə də ola bilər. Lakin bu cəhdlərin heç bir nəticəsi olmayıb və olmayacaq. Bununla yanaşı, qarşıda duran çağırışlar və məsələlər var ki, bu çərçivədə biz gənclərimizi mütləq vətənpərvərlik ruhunda yetişdirməliyik. Gənclərdə Vətənə sevgi, bağlılıq və dövlət maraqlarını hər şeydən üstün tutmaq hissi formalaşdırılmalıdır. Bu, hər bir gəncin əsas vəzifəsidir. Azərbaycanın zəngin tarixi, mədəniyyəti, ədəbiyyatı və ana dili bizim qürur mənbəyimizdir. Ana dilimiz, müstəqillikdən əvvəl olduğu kimi, indi də qorunmalıdır. Dilin inkişafı təbiidir, lakin bu inkişaf milli köklərə əsaslanmalıdır. Azərbaycan dili o qədər zəngindir ki, yad təsirlərə ehtiyac yoxdur. Milli bayramlar, adət-ənənələr və dəyərlər hər birimiz üçün ən önəmli amillərdən olmalıdır. Bütün bunlar təmin edildiyi təqdirdə, Azərbaycan həmişə müstəqil qalacaq və hər zaman uğur qazanacaq.

Paylaş:

Baxılıb: 531 dəfə