YAP Kəlbəcər rayon təşkilatının ərazi partiya təşkilatlarında hesabat yığıncağları keçirilib.

Bakı:

27 °C

36 %

5 m/s

AZ RU EN

Ana səhifə / YAP xəbərləri / YAP Kəlbəcər rayon təşkilatının ərazi partiya təşkilatlarında hesabat yığıncağları keçirilib.

YAP Kəlbəcər rayon təşkilatının ərazi partiya təşkilatlarında hesabat yığıncağları keçirilib.

05.03.2025 [15:31]

Yeni Azərbaycan Partiyası Kəlbəcər rayon təşkilatının Şərqi Zəngəzur Regional Təhsil İdarəsinin Kəlbəcər rayon sektoru, Kəlbəcər rayon Statistika İdarəsi, "DSMF Publik Hüquqi Şəxsinin Şərqi Zəngəzur Regional Filialı", Kəlbəcər rayon Peşə məktəbi, 1 saylı Körpələr -evi uşaq baxçası, Dövlət Aqrar İnkişaf Mərkəzi və Kəlbəcər rayon Baytarlıq idarəsi ərazi partiya təşkilatlarında hesabat yığıncağları keçirilib.

Ulu öndər Heydər Əliyevin və torpaqlarımızın azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilmişdir.

Hesabat yığıncağlarında YAP Kəlbəcər rayon təşkilatının sədri Həbib Misirov çıxış edərək Ulu Öndər Heydər Əliyevin Azərbaycan xalqının və dövlətinin həyatındakı tarixi xilaskarlıq missiyasından söz açıb. Bildirib ki, Ümummilli Liderin adı ilə bağlı olan Yeni Azərbaycan Partiyası dövlətçilik tariximizə qızıl hərflərlə həkk olunan Zəfəri qazandıran partiyadır. 2020-ci ildə Yeni Azərbaycan Partiyasının Sədri, cənab Prezident, Ali Baş Komandan İlham Əliyevin rəhbərliyi ilə Rəşadətli Azərbaycan Ordusunun mütləq zəfəri ilə nəticələnən 44 günlük Vətən müharibəsi, həm də 2023-çü ildə keçirilən antiterror əməliyyatları ölkəmizin, onun Liderinin gücünün və nüfuzunun bariz nümunəsidir. Prezident İlham Əliyevin Sədrliyi ilə uğurla fəaliyyət göstərən Yeni Azərbaycan Partiyası nəinki Azərbaycanın, eləcə də regionun ən güclü siyasi təşkilatına çevrilmişdir. Yeni Azərbaycan Partiyası aparıcı siyasi qüvvə kimi fəaliyyət göstərdiyi 33 il ərzində bütün potensialını dövlətə, xalqa xidmətə yönəldərək, mühüm uğurlara imza atmışdır. Sədr Həbib Misirov ərazi partiya təşkilatlarının daha da sistemli və keyfiyyətli fəaliyyət göstərməsi istiqamətində müvafiq tapşırıq və tövsiyyələrini vermişdir.

Ərazi partiya təşkilatının sədrləri Şərqi Zəngəzur Regional Təhsil İdarəsinin Kəlbəcər rayon sektorunun mudri Namiq Rəcəbov, Kəlbəcər rayon Statistika İdarəsinin rəisi Ramil Salmanov, Kəlbəcər rayon Aqrar İnkişaf Mərkəzinin direktoru Nicat Sadıqov, "DSMF Publik Hüquqi Şəxsinin Şərqi Zəngəzur Regional Filialı" -nin direktoru Amil Salmanov, Kəlbəcər Peşə məktəbinin direktoru Vidadi Xudaquliyev, Kəlbəcər rayon Körpələr evi uşaq baxçasının müdri Lamiyə Murtuzayev və Baytarlıq idarəsinin rəisi Mirzəli Məmmədov geniş hesabat məruzələri ilə çıxış edərək, ərazi partiya təşkilatlarında fəaliyyətləri və gördüyü işlər haqqında danışdılar.

Hesabat məruzəsi ətrafında çıxışlar edən ərazi partiya təşkilatlarının üzvləri təşkilatların fəaliyyətlərini qənaətbəxş qiymətləndirdilər. Sonda sədr Həbib Misirov Ərazi Partiya təşkilatlarının sədrlərini və Partiya üzvlərini görüləcək işlərdə, keçiriləcək tədbirlərdə, toplantılarda və aksiyalarda fəal olmağa çağırdı, onlara fəaliyyətlərində uğurlar arzuladı.

YAP-na yeni üzv qəbul olunanlara üzvülük vəsiqələri və fəal üzvlərə YAP Kəlbəcər rayon təşkilatının Fəxri Fərmanları təqdim olundu.

Paylaş:

Baxılıb: 338 dəfə