Qlobal Bakı Forumu bir daha sübüt edir ki, Azərbaycan dünyada nüfuzlu dövlətdir

Bakı:

31 °C

51 %

9 m/s

Əlaqə

AZ RU EN

Ana səhifə / YAP xəbərləri / Qlobal Bakı Forumu bir daha sübüt edir ki, Azərbaycan dünyada nüfuzlu dövlətdir

Qlobal Bakı Forumu bir daha sübüt edir ki, Azərbaycan dünyada nüfuzlu dövlətdir

17.03.2025 [15:35]

Meydanəli Yolçiyev,

YAP Daşkəsən rayon təşkilatının sədri

13-15 mart 2025-ci il tarixlərində keçirilmiş XII Qlobal Bakı Forumu bir daha təsdiqləyir ki, bu nüfuzlu tədbir qlobal miqyasda mühüm geosiyasi və strateji məsələlərin müzakirə edildiyi aparıcı beynəlxalq platformalardan birinə çevrildi. “Dünya düzəninin yenidən düşünülməsi: Çağırışların fürsətə çevrilməsi” mövzusunda baş tutmuş Forum qlobal siyasətdə formalaşmaqda olan yeni reallıqlar və regional təsirlər arasında əlaqəni təhlil etmək baxımından mühüm əhəmiyyət daşıyır.

Azərbaycan Prezidentinin Bakı Forumunda çıxışı zamanı diqqətçəkən digər mühüm məqam isə COP29 tədbirinə qarşı aparılmış koordinasiyalı qarayaxma kampaniyasının ifşası idi. Fransa rəhbərliyinin və bəzi media qurumlarının manipulyativ fəaliyyəti dövlətlərin suveren iradəsini məhdudlaşdırmağa yönəlmiş cəhdlər kimi dəyərləndirildi. Lakin bu cəhdlərə baxmayaraq COP29 77 min iştirakçı ilə geniş miqyasda həyata keçirilmiş və 70-dən artıq dövlət və hökumət başçısının iştirakı ilə uğurlu beynəlxalq konfrans statusunu təsdiqlədi.

Dövlətimizin başçısı, həmçinin Forumda Ermənistanın uzunmüddətli işğal siyasətinin fəsadları, xüsusən azad olunmuş ərazilərdə dağıntılar və dini-mədəni irsə qarşı təxribatları geniş şəkildə vurğuladı. 65 məscidin dağıdılması, müqəddəs məkanlarda heyvan saxlanılması faktları təkcə Azərbaycan üçün deyil, həm də bütün müsəlman aləmi üçün təhqiramiz bir cinayət kimi qiymətləndirildi. Cənab İlham Əliyev bildirib ki, 613 insanın, onlardan 60-dan çox uşağın və 100-dən artıq qadının ermənilər tərəfindən qətlə yetirildiyi Xocalı soyqırımını yaddan çıxarmayacağıq.

Prezident İlham Əliyevin bəyan edib ki, Cənubi Qafqazda sülhə nail olmalıyıq: “Bu baxımdan, Azərbaycan sülh prosesinin təşəbbüskarı olub. Əslində, Azərbaycan hətta bu gün Ermənistanla müzakirə olunan və əsasən razılaşdırılmış sülh sazişi layihəsinin, həmin sülh müqaviləsinin müəllifidir. Bəndlərin əksər hissəsi razılaşdırılıbdır”.

Bu fakt regionda sülhün bərpası istiqamətində qətiyyətli siyasi iradənin mövcudluğunu və diplomatik proseslərin məntiqi nəticəyə yaxınlaşdığını göstərir. Həmin yanaşma qarşılıqlı etimad mühitinin formalaşmasına və dayanıqlı sülhün təmin edilməsinə xidmət edir. Eyni zamanda, bu proses regional təhlükəsizlik arxitekturasının möhkəmlənməsi baxımından mühüm əhəmiyyət kəsb edir.

BMT Təhlükəsizlik Şurasının illərlə icrasız qalan qətnamələrinin yalnız güc yolu ilə reallaşdırılması nümunəsi müasir təhlükəsizlik sistemində reallığın hüququ üstələdiyini bir daha nümayiş etdirdi. Bu konteksdə Azərbaycanın hərbi potensialının formalaşması uzunmüddətli strateji planlamanın nəticəsi kimi təqdim olundu.

XII Qlobal Bakı Forumu qlobal dəyişikliklər dövründə siyasi liderliyin, milli iradənin və beynəlxalq əməkdaşlığın sintezini nümayiş etdirdi. Forumun əsas mesajı ondan ibarət idi ki, çağırışlara cavab yalnız adaptasiya ilə deyil, həm də təşəbbüs və qərarlılıqla verilməlidir. Məhz bu istiqamətdə Azərbaycanın tutduğu yol həm regional sabitliyə, həm də qlobal ədalətə töhfə verir.

Paylaş:

Baxılıb: 570 dəfə