Nəsimi rayonunda "Qərbi Azərbaycan: deportasiya və tarixi ədalət" adlı tədbir keçirilmişdir.

Bakı:

25 °C

69 %

3 m/s

AZ RU EN

Ana səhifə / YAP xəbərləri / Nəsimi rayonunda "Qərbi Azərbaycan: deportasiya və tarixi ədalət" adlı tədbir keçirilmişdir.

Nəsimi rayonunda "Qərbi Azərbaycan: deportasiya və tarixi ədalət" adlı tədbir keçirilmişdir.

07.05.2025 [12:02]

Nəsimi rayonunda Yeni Azərbaycan Partiyası Nəsimi rayon təşkilatının, Qərbi Azərbaycan İcmasının, Nəsimi rayon İcra Hakimiyyətinin və Rayon Ağsaqqallar Şurasının birgə təşkilatçılığı ilə "Qərbi Azərbaycan: deportasiya və tarixi ədalət" adlı tədbir keçirilmişdir. Tədbirdə Qərbi Azərbaycan İcmasının, Nəsimi rayon İcra Hakimiyyətinin, YAP Nəsimi rayon təşkilatının, Rayon Ağsaqqallar Şurasının rəhbərlikləri və ictimaiyyət nümayəndələri iştirak etmişdir.

Tədbir iştirakçıları öncə Qərbi Azərbaycanın milli-mənəvi dəyərlərini özündə əks etdirən sərgi ilə tanış olmuşlar.

Azərbaycan xalqının Ümummilli Lideri Heydər Əliyevin və torpaqlarımızın suverenliyi və ərazi bütövlüyü uğrunda canlarından keçmiş Şəhidlərimizin əziz xatirəsi yad edildikdən sonra Dövlət Himni səsləndirilmişdir.

Tədbiri giriş sözü ilə açan Nəsimi rayon İcra Hakimiyyəti başçısının səlahiyyətlərini müvəqqəti icra edən, RİH başçısının müavini Zahid Xəlilov və YAP Nəsimi rayon təşkilatının sədri Azər Süleymanov tədbir iştirakçılarını salamlayaraq, tədbirdə iştiraklarına görə dərin hörmət və ehtiramlarını bildirmiş, tədbirin əhəmiyyəti barədə danışmışlar.

Tədbirdə qeyd olunmuşdur ki, bu gün memarı və qurucusu,Azərbaycan mənim ürəyimdir,Azərbaycan mənim nəfəsimdir,Azərbaycan mənim həyatımdır deyən Ümummilli lider H.Əliyev olan müstəqil Azərbaycan Respublikası öz tarixinin ən əlamətdar hadisələrlə dolu günlərini yaşayır. Müstəqil Azərbaycanımızın tarixinə qızıl hərflərlə yazılmış 2020-ci ilin 27 sentyabrında başlayıb 44 gün davam edən zəfər dolu Vətən müharibəsində Müzəffər Ali Baş Komandan İlham Əliyevin rəhbərliyi altında əbədiyyətə qovuşmuş şəhidlərimizin və qəhrəman qazilərimizin şücayəti sayəsində 30 ildən artıq işğal altında olan torpaqlarımız düşmən əsarətindən azad edildi.

Bu gün ərazi bütövlüyü tam təmin olunan Azərbaycanımız inkişaf tarixinin yeni dövrünə qədəm qoyub, Möhtərəm prezidentimiz İlham Əliyevin müdrik, uzaqgörən və qətiyyətli siyasəti nəticəsində biz hər gün Qərbi Azərbaycana addım-addım yaxınlaşırıq. Növbəti hədəf Qərbi Azərbaycana qayıdışdır. Bu gün Qərbi Azərbaycana qayıdış tarixi zərurətə çevrilib.

Tədbirdə millət vəkili, Qərbi Azərbaycan İcmasının sədri Əziz Ələkbərli çıxış edərək, Qərbi azərbaycanlıların öz ata-baba yurdlarına qayıtmasının tarixi zərurət olduğunu bildirdi, bu istiqamətdə müzəffər Ali Baş Komandan İlham Əliyevin apardığı müdrik, uzaqgörən və qətiyyətli siyasəti barədə tədbir iştirakçılarına geniş və hərtərəfli məlumat verdi.

Tədbirdə çıxış edənlər - Rayon Ağsaqqallar Şurasının sədri, əməkdar elm xadimi, tibb elmləri doktoru, professor Vaqif Şadlinski, millət vəkili, Qərbi Azərbaycan İcmasının Qadınlar Şurasının sədri Məlahət İbrahimqızı və millət vəkili, Qərbi Azərbaycan İcmasının sədr müavini Hikmət Babaoğlu çıxış edərək tədbirin əhəmiyyətindən danışmış, təşkilatçılara minnətdarlıqlarını bildirmişlər.

Tədbir əslən Qərbi Azərbaycandan olan aşıqların və rəqs kollektivinin bir-birindən maraqlı təqdimatları ilə başa çatmışdır.

Paylaş:

Baxılıb: 560 dəfə