Nərimanov rayonunda Ulu Öndər Heydər Əliyevin 102 illiyi münasibətilə tədbir keçirilib

Bakı:

27 °C

64 %

10 m/s

Əlaqə

AZ RU EN

Ana səhifə / YAP xəbərləri / Nərimanov rayonunda Ulu Öndər Heydər Əliyevin 102 illiyi münasibətilə tədbir keçirilib

Nərimanov rayonunda Ulu Öndər Heydər Əliyevin 102 illiyi münasibətilə tədbir keçirilib

07.05.2025 [17:38]

Yeni Azərbaycan Partiyası Nərimanov rayon təşkilatı və Nərimanov rayon İcra Hakimiyyətinin birgə təşkilatçılığı ilə Ulu Öndər Heydər Əliyevin anadan olmasının 102 illiyinə həsr olunmuş “HEYDƏR ƏLİYEV – ZƏFƏR YOLUNUN MEMARI!” adlı tədbir keçirilib.

Tədbirdən öncə rəsmilər dahi şəxsiyyət Heydər Əliyevin və görkəmli oftalmoloq Zərifə Əliyevanın məzarlarını ziyarət edib, büstləri önünə tər gül dəstələri qoyaraq ehtiramlarını bildiriblər.

Tədbirdə ilk öncə Azərbaycan Dövlət Himni səsləndirilib.

Daha sonra Ulu Öndər Heydər Əliyevin və Vətənimizin bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib.

Tədbirdə Yeni Azərbaycan Partiyası Nərimanov rayon təşkilatının təşəbbüsü ilə hazırlanmış “HEYDƏR ƏLİYEV – ZƏFƏR YOLUNUN MEMARI!” adlı video-çarx tədbir iştirakçılarına təqdim olunub.

Tədbiri giriş sözü ilə açan Nərimanov rayon İcra Hakimiyyətinin başçısı Elgin Həbibullayev bildirdi ki, Ulu öndər Heydər Əliyevin siyasi irsi, əslində dövlətçilik tarixidir, çünki o, bir-birindən kəskin fərqlənən iki ayrı dövrdə - həm SSRİ dönəmində, həm də müstəqillik illərində respublikamıza uğurla rəhbərlik edib, milli tərəqqini – iqtisadi inkişafı, mədəni intibahı və siyasi yüksəlişi təmin etməyə müvəffəq olub. E. Həbibullayev vurğuladı ki, Ümummilli Liderin iki fərqli dövrdə və əsrdə gördüyü işlər Azərbaycanın siyasi simasını, milli obrazını formalaşdırıb. Bu gün haqlı olaraq qeyd edirik ki, Azərbaycan xalqı öz müstəqil, nüfuzlu və qüdrətli dövləti ilə qürur duyur – fəxr edir. İcra başçısı qeyd etdi ki, müasir müstəqil Azərbaycan dövləti ümummilli lider Heydər Əliyevin şah əsəridir və bugünkü qüdrətli Azərbaycanın lideri, Müzəffər Ali Baş Komandanı İlham Əliyev məhz Ulu öndər yolunu davam etdirərək qalib sərkərdə olaraq adını qızıl hərflərlə tarixə yazdırdı, xalqımızın Qarabağ arzusunu yerinə yetirdi.

Tədbirdə Yeni Azərbaycan Partiyası Nərimanov rayon təşkilatının sədri Elçin Quliyev çıxış edərək söylədi ki, müasir Azərbaycan dövlətinin banisi, Heydər Əliyev fenomenal şəxsiyyət kimi dövlətçiliyimizin dirçəlməsində, Azərbaycan xalqı və dövlətçiliyi üçün misilsiz xidmətlər göstərmişdir. E. Quliyev bildirdi ki, ümummilli lider öz həyat yolunu müasir Azərbaycan dövlətinin qurulmasına və xalqımızın müstəqillik arzusuna qovuşmasına həsr etmişdir. Təşkilat sədri bu gün də müstəqil Azərbaycan dövlətinin uğurlarının təməlində Heydər Əliyev ideyalarının dayandığını və Ulu öndər Heydər Əliyevin uzaqgörən siyasətini, Azərbaycanı gələcəyə inamla aparan Prezident İlham Əliyevin uğurla davam etdirdiyini qeyd etdi. Sədr onu da vurğuladı ki, ulu öndərimizin ən böyük arzusu Qarabağın düşmən tapdağından azad edilməsi, ərazi bütövlüyümüzün bərpası idi. Heydər Əliyev yolunun layiqli davamçısı Ali Baş Komandan İlham Əliyev ulu öndərin ən böyük arzusunu gerçəkləşdirdi. Azərbaycanın ərazi bütövlüyünü təmin etdi.

Tədbirdə Milli Məclisin deputatları və YAP-ın İdarə heyətinin üzvləri Eldar İbrahimov, Hikmət Babaoğlu, millət vəkili Samir Vəliyev, Türk Ağsaqqallar İctimai Birliyinin sədri, 91-lərin üzvü Sudeyf İmamverdiyev, Azərbaycan Şəhər Bələdiyyələri Milli Assossasiyasının və Nərimanov Bələdiyyəsinin sədri Təmraz Tağıyev və Vətən müharibəsi qəhrəmanı, baş-leytenant Azad Hümbətovun bacısı, fəal gənc Fidan Hümbətova çıxışlarında dahi şəxsiyyət Heydər Əliyevlə xatirələrdən geniş bəhs edərək Onun dövlətçilik və idarəçilik prinsiplərinin mükəmməlliyini, dünya liderləri arasında nə qədər böyük nüfuz sahibi olmasını tədbir iştirakçılarının diqqətinə çatdırdılar. Natiqlər vurğuladı ki, Ulu Öndərin azərbaycanlı olması ilə fəxr etməsi və bunu dəfələrlə dilə gətirməsi hər bir vətəndaş üçün nümunə idi. Söylənildi ki, əbədiyaşar lider Heydər Əliyev və Onun azərbaycançılıq ideologiyası daim qəlblərdə yaşayacaqdır.

Sonra Ulu Öndər Heydər Əliyevin anadan olmasının 102 illiyi münasibətilə Yeni Azərbaycan Partiyasının və Nərimanov rayonunun ictimai-siyasi həyatında göstərdiyi fəallığa görə bir qrup şəxs Fəxri Fərmanla təltif olunub.

Həmçinin, Yeni Azərbaycan Partiyasının sıralarına yeni qoşulan şəxslərə partiyaya üzvlük vəsiqələri təqdim olundu.

Tədbir bədii hissəsində Azərbaycan Respublikasının xalq artisti Fidan Hacıyeva, əməkdar artistlər Zaur Əmiraslanov və Münəvvər Əliyevanın ifalarında Ulu Öndər Heydər Əliyevə həsr olunmuş mahnılar, şerlər səsləndirildi.

Tədbirin sonunda xatirə şəkli çəkildi.

Paylaş:

Baxılıb: 680 dəfə