Qaradağda “Konstitusiya və Suverenlik İli” çərçivəsində tədbir keçirilib

Bakı:

28 °C

58 %

11 m/s

Əlaqə

AZ RU EN

Ana səhifə / YAP xəbərləri / Qaradağda “Konstitusiya və Suverenlik İli” çərçivəsində tədbir keçirilib

Qaradağda “Konstitusiya və Suverenlik İli” çərçivəsində tədbir keçirilib

14.05.2025 [23:23]

2025-ci il mayın 14-də Yeni Azərbaycan Partiyası (YAP) Qaradağ rayon təşkilatının və Qaradağ Qaz Anbarları İdarəsinin birgə təşkilatçılığı ilə “Konstitusiya və Suverenlik İli” çərçivəsində "Müstəqillik Günü və Suverenliyin əhəmiyyəti" mövzusunda tədbir keçirilib.

Tədbirdə YAP Qaradağ rayon təşkilatının sədri Qafar Əliyev, Qaradağ Qaz Anbarları İdarəsinin rəisi Rövşən Qarayev, YAP Qaradağ rayon təşkilatının və idarənin işçiləri iştirak ediblər.

Tədbiri giriş sözü ilə açan Qaradağ Qaz Anbarları İdarəsinin rəisi Rövşən Qarayev tədbirin Prezident İlham Əliyevin Sərəncamı ilə 2025-ci ilin Azərbaycanda "Konstitusiya və Suverenlik ili" elan olunması ilə əlaqədar təşkil olunduğunu və bunun ölkəmizin müstəqillik tarixinə, hüquqi dövlət quruculuğuna və suverenlik prinsiplərinə dövlət başçısı tərəfindən verilən yüksək qiymətin təcəssümü olduğunu bildirib.O, müstəqil Azərbaycan Respublikasının 1995-ci il noyabrın 12-də ümumxalq səsverməsi yolu ilə qəbul olunan Konstitusiyasının ulu öndər Heydər Əliyevin şah əsəri olduğunu, bu sənədin müasir dövlətin və vətəndaş cəmiyyəti quruculuğunun hüquqi bünövrəsini təşkil etdiyini, Konstitusiyanın Azərbaycan xalqının azad iradəsini, dövlət müstəqilliyinin hüquqi əsaslarını və vətəndaşların hüquq və azadlıqlarını təmin edən əsas sənəd olduğunu qeyd edib.İdarə rəisi yni zamanda suverenliyin bərpası, işğaldan azad olunmuş torpaqlarda Azərbaycanın suveren hüquqlarının tam bərqərar olunması, Konstitusiyanın Qarabağda real həyata tətbiqinin mümkün olmasını əsasən Azərbaycanın hazırkı Prezidenti İlham Əliyevin fəaliyyətinin nəticəsi olduğunu diqqətə çatdırıb.

Tədbirdə YAP Qaradağ rayon təşkilatının sədri Qafar Əliyev “Azərbaycan Konstitusiyası və Suverenlik" mövzusunda çıxış edərək bildirib ki, Prezident İlham Əliyevin 2025-ci ili “Konstitusiya və Suverenlik İli” elan etməsi haqda verdiyi sərəncam həm Azərbaycanın dövlətçilik ənənələrinin möhkəmləndirilməsi, həm də demokratik cəmiyyət quruculuğu prosesinin daha dərindən aşılanması baxımından olduqca vacibdir. 1995-ci ildə Ümummilli lider Heydər Əliyevin rəhbərliyi və referendum yolu ilə qəbul olunan Azərbaycan Konstitusiyası ölkəmizin müstəqil və hüquqi dövlət kimi inkişafının əsasını qoydu. Bu sənəd xalqın iradəsinin ifadəsi olmaqla yanaşı, insan hüquq və azadlıqlarının əsas təminatçısı kimi çıxış edir. Rayon təşkilatının sədri bildirib ki, suverenliyin tam bərpası, ölkəmizin ərazi bütövlüyünün və konstitusiya quruluşunun tam təmin olunması, bu gün Konstitusiyanın real həyatda tam tətbiqi və təsdiqi 44 Günlük İkinci Qarabağ Müharibəsindən sonra mümkün olub. Qafar Əliyev xüsusilə gənclərin bu sahədə maarifləndirilməsinin vacibliyini qeyd edərək, bu kimi tədbirlərin ictimai şüurun formalaşmasına, vətəndaşlıq övqeyinin və məsuliyyətinin güclənməsinə mühüm töhfə verdiyini bildirib. Konstitusiyaya sonrakı dövrlərdə üç dəfə - 2002, 2009 və 2016-cı illərdə ümumxalq referendumu ilə əlavə və dəyişikliklər edildiyini xatırladan rayon təşkilatının sədri bildirib ki, nəticədə Əsas qanun cəmiyyətin inkişafı və müasir tələblərə uyğunlaşdırılması baxımından yenilənib. Bu baxımdan Konstitusiya hər bir vətəndaşın hüquqlarının müdafiəsinə əvəzsiz hüquqi zəmin yaradıb. Suverenliyin əhəmiyyətindən danışan Qafar Əliyev bildirib ki, 2023-cü ilin sentyabrında Prezident, Müzəffər Ali Baş Komandan İlham Əliyevin rəhbərliyi ilə böyük uğurla reallaşdırılan antiterror əməliyyatından sonra Azərbaycan öz ərazi bütövlüyünü və Konstitusiya quruluşunu tam bərpa edərək bütün ərazilərində suveren hüquqlarını tam şəkildə həyat keçirir. Bu, ölkəmizin güclü dövlətçilik ənənələrinə və hüquqi sistemə əsaslanmasının nəticəsidir. Azərbaycan bu gün regionun lider dövləti olmaqla yanaşı, həm də çağdaş, demokratik və hüquqi dövlət modelini uğurla tətbiq edən ölkələr sırasında önəmli yer tutur.

Tədbirdə digər çıxış edənlər: YAP ərazi təşkilatı sədrinin müavini, şöbə müdiri Cavanşir Eyvazov, YAP fəalı, mühəndis Ülviyyə Orucova və başqaları bildiriblər ki, Azərbaycan müstəqil bir dövlət olaraq Konstitusiya və suverenlik prinsipini tam şəkildə həyata keçirir. 2025-ci ilin “Konstitusiya və Suverenlik İli” elan edilməsi isə ölkəmizin hüquqi dövlət quruculuğuna olan bağlılığını bir daha təsdiq edir. Bu il çərçivəsində keçirilən tədbirlər və təşəbbüslər həm ölkə vətəndaşlarının, xüsusilə də gənc nəslin hüquqi düşüncəsinin inkişafına, həm də dövlətçilik prinsiplərinin dərinləşdirilməsinə xidmət edir.

Paylaş:

Baxılıb: 532 dəfə