Azərbaycan bütün dövlətlər üçün ən etibarlı tərəfdaşdır

Bakı:

28 °C

58 %

11 m/s

Əlaqə

AZ RU EN

Ana səhifə / YAP xəbərləri / Azərbaycan bütün dövlətlər üçün ən etibarlı tərəfdaşdır

Azərbaycan bütün dövlətlər üçün ən etibarlı tərəfdaşdır

15.05.2025 [14:58]

Ağaverdi Əliverdiyev,

YAP Qusar rayon təşkilatının əməkdaşı

Vyetnam Sosialist Respublikası Kommunist Partiyasının Mərkəzi Komitəsinin Baş katibi To Lamın ölkəmizə səfəri mühüm əhəmiyyət kəsb edir. Bu səfər Vyetnam-Azərbaycan əlaqələrinin inkişafına mühüm töhfə olacaq. Azərbaycan Respublikasının Prezidenti cənab İlham Əliyevin mətbuata müsahibəsi də bu fikirlərin təsdiqidir.Azərbaycan ilə Vyetnam arasında qəbul edilmiş Strateji Tərəfdaşlıq haqqında Birgə Bəyanatın çox ciddi siyasi sənəd olduğunu xatırladan, bu yüksək səviyyəli münasibətlərin gələcək ikitərəfli əməkdaşlıq üçün də ən vacib rol oynayacağına əminliyini bildirən dövlət başçımız müsahibədə dedi: “Bu gün bu və digər istiqamətlər üzrə məsələlər geniş müzakirə edildi. Energetika sahəsində imzalanmış sənədlər və apardığımız müzakirələr deməyə əsas verir ki, biz yaxın gələcəkdə bu sahədə əməkdaşlığımızı daha da genişləndirəcəyik. Bu gün bu əməkdaşlıq var və daha çox ticarət əməkdaşlığı formasında aparılır. Ancaq qarşılıqlı sərmayə qoyuluşu məsələləri də müzakirə edildi. Həm Vyetnam şirkətlərinin Azərbaycana, həm də Azərbaycanın neft şirkətinin Vyetnama sərmayə qoyuluşu məsələləri müzakirə olundu və göstəriş verildi ki, aidiyyəti qurumlar bu məsələlərlə bağlı konkret addımlar atsınlar. Hökumətlərarası Komissiyanın iclasının tezliklə keçirilməsi bu və digər istiqamətlər üzrə mümkün əməkdaşlığı daha da sürətləndirəcək. Komissiya iclası uzun illərdir ki, keçirilmir və əldə edilmiş razılaşma əsasında tezliklə Komissiyanın iclasının keçirilməsi məsələsi öz həllini tapıbdır”.Əfsuslar olsun ki, iqtisadi-ticari istiqamət üzrə ticarət dövriyyəsinin dinamikası Azərbaycanın Vyetnama neft satışından asılıdır. Neft satışı yüksək səviyyədə olanda ticarət dövriyyəsi artır, azalanda azalır. Əlbəttə, biz ticarət dövriyyəmizi daha da balanslaşdırılmış formada görmək istərdik və bunun üçün, təbii ki, qarşılıqlı informasiya mübadiləsi lazımdır. Hansı layihələr ölkələrimizdə həyata keçirilir, investisiya imkanları nədən ibarətdir, qaydalar, qanunvericilik bazası, vergi inzibatçılığı - bütün bu məsələlər biznes dairələri üçün gərək aydın olsun. Belə olan halda əminəm ki, ticarət dövriyyəsi təkcə neft amilindən asılı olmayacaq”. Göründüyü kimi, Azərbaycan və Vyetnam arasında bir sıra sahələr üzrə əməkdaşlıq üçün geniş və perspektivli imkanlar mövcuddur. Bu potensialın reallaşdırılması həm iki ölkənin qarşılıqlı maraqlarına, həm də regional və qlobal əməkdaşlıq platformalarında daha güclü təmsil olunmalarına xidmət edə bilər.Səfər çərçivəsində Yeni Azərbaycan Partiyası ilə Vyetnam Kommunist Partiyası arasında əlaqələrin inkişafı məsələləri də müzakirə olunub. Bu, partiyalararası əməkdaşlığın daha da gücləndirilməsinə xidmət edir.

Paylaş:

Baxılıb: 446 dəfə