Prezident seçkilərinin demokratik standartlara uyğun keçirilməsi üçün bütün imkanlar mövcuddur

Bakı:

-1 °C

86 %

1 m/s

AZ RU EN

Ana səhifə / YAP xəbərləri / Prezident seçkilərinin demokratik standartlara uyğun keçirilməsi üçün bütün imkanlar mövcuddur

Prezident seçkilərinin demokratik standartlara uyğun keçirilməsi üçün bütün imkanlar mövcuddur

12.09.2013 [09:14]

Yeni Azərbaycan Partiyası Qaradağ rayon təşkilatında növbəti seminar-müşavirə keçirilib
Yeni Azərbaycan Partiyası (YAP) Qaradağ rayon təşkilatında növbəti seminar-müşavirə keçirilib. Müşavirədə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov qarşıda duran vəzifələr, görülmüş işlər haqqında məlumat verib. Qeyd olunub ki, ölkəmizin ictimai-siyasi həyatında olduqca böyük əhəmiyyətə malik olan prezident seçkilərinin şəffaf, tam demokratik standartlara uyğun keçirilməsi üçün bütün imkanlar mövcuddur.
A.Hüseynov insanların azad, sərbəst formada, heç bir maneə ilə üzləşmədən öz iradələrini ifadə etməsi üçün hər cür şəraitin yaradıldığını vurğulayıb. Onun sözlərinə görə, bu prosesdə YAP üzvləri həmişə olduğu kimi, bu dəfə də böyük fəallıq nümayiş etdirirlər: “YAP Qaradağ rayon təşkilatı nəzərdə tutulmuş qrafik üzrə fəaliyyətini davam etdirir. Təşkilatda iş bölgüsü aparılıb və müxtəlif vəzifələr üzrə fəaliyyət proqramı müəyyənləşib. Bu proqramda rayon təşkilatının və partiya fəallarının konkret fəaliyyət istiqamətləri, eyni zamanda, ərazi ilk partiya təşkilatları ilə sıx əlaqənin yaradılması, operativ informasiya təminatı, seçicinin heç bir maneə ilə üzləşmədən məntəqəyə gələrək öz iradəsini azad şəkildə ifadə etməsini təmin edəcək bütün zəruri tədbirlər müəyyənləşdirilib”.
A.Hüseynov ərazi ilk partiya təşkilatlarının fəaliyyət istiqamətləri barəsində də konkret vəzifələrin olduğunu diqqətə çatdırıb. O, əmin olduğunu bildirib ki, rayon təşkilatının fəalları və bu prosesə cəlb olunmuş insanlar seçkilərin uğurla başa çatması üçün lazımi iradə və fədakarlığı göstərəcək.
Daha sonra çıxış edən YAP Qaradağ rayon təşkilatının üzvü Yalçın Səfərəliyev deyib ki, bu cür seminarlar seçkinin gedişində qarşıya çıxan məsələlərin həllinə, prosesin qanunvericiliyin tələblərinə uyğun təmin edilməsinə imkanlar yaradır. Malik Qasımov isə ölkəmizdəki demokratik seçki mühitindən danışaraq bildirib ki, hər bir seçki prosesində aktiv iştirak edən qaradağlılar bu seçkidə də səsvermə məntəqələrinə gələrək öz iradələrini ifadə edəcəklər. Əkbər Bayraməliyev və Təranə İsmayılova da qarşıda duran məsələlərdən danışıblar.
YAP Qaradağ rayon təşkilatının Aparat rəhbəri Ruslan İsmayılov isə qarşıdan gələn seçki prosesinə hazırlıqla bağlı görülən işlər haqqında məlumat verib. Onun sözlərinə görə, artıq ölkəmizdə demokratik seçki mühiti formalaşıb ki, bu da prosesin tam şəffaf keçirilməsinə təminat verən başlıca meyardır.
Daha sonra seminar - müşavirədə qarşılıqlı fikir mübadiləsi aparılıb, bir sıra maraqlı məsələlərlə bağlı suallar cavablandırılıb.

Paylaş:

Baxılıb: 1267 dəfə