Qazax seçiciləri cənab İlham Əliyevi dəstəkləyirlər

Bakı:

21 °C

56 %

1 m/s

Əlaqə

AZ RU EN

Ana səhifə / YAP xəbərləri / Qazax seçiciləri cənab İlham Əliyevi dəstəkləyirlər

Qazax seçiciləri cənab İlham Əliyevi dəstəkləyirlər

24.09.2013 [10:40]

Rayonun Hüseynbəyli və Qarapapaq kəndlərində təbliğat-təşviqat kampaniyası çərçivəsində görüş keçirilib
Yeni Azərbaycan Partiyasının (YAP) prezidentliyə namizədi İlham Əliyevin təbliğat-təşviqat kampaniyası uğurla davam etdirilir. Dünən kampaniya çərçivəsində Qazax rayonunun Hüseynbəyli və Qarapapaq kəndlərində seçicilərlə növbəti görüşlər keçirilib.
Görüşdə çıxış edən YAP Qazax rayon təşkilatının seçki qərargahının üzvləri Polad Ağakişiyev, Tərlan Bədəlova, Cavanşir Rüstəmov bildiriblər ki, ötən 10 il ərzində ölkədə genişmiqyaslı quruculuq işləri həyata keçirilib: “Bütün bunlar Prezident İlham Əliyevin yorulmaz fəaliyyəti nəticəsində baş tutub. Növbəti 5 ildə isə Azərbaycanı daha böyük uğurlar gözləyir və bizi bu uğurlara İlham Əliyev aparacaq. Ona görə də, 9 oktyabrda hamılıqla məntəqələrə gedib alternativsiz namizədimizə səs verməliyik”.
Daha sonra çıxış edən təbliğat-təşviqat qrupunun üzvü Anar Nəbiyev ölkəmizdə həyata keçirilən təhsil siyasətinin uğurlarından danışıb və bundan gənclərin daha çox yararlandığını bildirib: “Cənab İlham Əliyev gənclərə xüsusi diqqət və qayğı göstərir. Bu diqqətin nəticəsində gənclərə öz potensialını, bacarığını üzə çıxartmaq üçün bütün imkanlar yaradılıb. Azərbaycan gəncləri dünyanın nüfuzlu ali məktəblərinə təhsil almağa göndərilir ki, onlar gələcəkdə xalqımızın intellekt resurslarını təşkil edəcəklər. Hər kəs övladını gələcəkdə xoşbəxt görmək istəyirsə, 9 oktyabrda İlham Əliyevə səs verməlidir”.
Tədbirdə çıxış edən Arzu Novruzov, Mübariz Süleymanov qeyd ediblər ki, Azərbaycan durmadan irəliləyir, ölkə iqtisadiyyatı son illərdə öz inkişafının yeni və daha intensiv mərhələsini yaşayır: “Cənab İlham Əliyev əsası Ulu öndərimiz Heydər Əliyev tərəfindən qoyulmuş islahatları yeni dövrün tələbləri səviyyəsində davam etdirib, verdiyi hər bir vədi əməli işi ilə doğruldub, insanlara yüksək qayğı prinsipinə əsaslanan sosialyönümlü siyasət strategiyası həyata keçirib”.
Çıxış edən seçicilər Mahirə Abbasova, Solmaz Hacıyeva, Rəhim Qocayev bildiriblər ki, cənab İlham Əliyev alternativsiz namizəddir. Bildirilib ki, ölkəmizdə aparılan nəhəng quruculuq işlərinin davam etdirilməsinin, yeni-yeni yaşayış məskənlərinin salınmasının, yolların, körpülərin inşasının, iqtisadiyyatımızın, mədəniyyətimizin, bir sözlə, bütün həyatımızın tərəqqisinin bir yolu var: “Bu yol İlham Əliyevə bir daha xalq sevgisi və inamını ifadə etməklə 9 oktyabrda Onun namizədliyinin dəstəklənməsi ilə seçilən yoldur”.
Pərviz SADAYOĞLU

Paylaş:

Baxılıb: 1184 dəfə