Azərbaycan öz yolunda sürətlə irəliləyir və ölkənin nailiyyətlərinin miqyası daha da genişlənir

Bakı:

23 °C

83 %

9 m/s

AZ RU EN

Ana səhifə / YAP xəbərləri / Azərbaycan öz yolunda sürətlə irəliləyir və ölkənin nailiyyətlərinin miqyası daha da genişlənir

Azərbaycan öz yolunda sürətlə irəliləyir və ölkənin nailiyyətlərinin miqyası daha da genişlənir

26.09.2013 [10:55]

Bərdə seçiciləri qazanılan nailiyyətlərin davamlı olmasına tərəfdardırlar
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Bərdə rayonu üzrə seçki qərargahının üzvləri seçicilərlə görüşlərini davam etdirirlər. Növbəti görüş dünən rayonun Alpoud və Çələbilər kəndlərində keçirilib.
Görüşləri giriş sözü ilə YAP Bərdə rayon təşkilatının sədri Fəqət Şadlinskaya açaraq cənab İlham Əliyevin rəhbərliyi ilə ötən 10 il ərzində həyata keçirilən siyasət barədə ətraflı məlumat verib. Rayon təşkilatının sədri deyib ki, dövlət başçısının liderlik xüsusiyyətləri, siyasi iradəsi, möhkəm dövlət-xalq birliyi, vətəndaşların Prezidentin ətrafında sıx birləşməsi və ümumi gücün vahid məqsədə yönləndirilməsi sayəsində ölkəmiz bütün sınaqlardan uğurla çıxıb: “Bu səbəbdəndir ki, Azərbaycan öz yolunda sürətlə irəliləyir və ölkənin nailiyyətlərinin miqyası daha da genişlənir. Bütün uğurlarla yanaşı, qarşıda hələ görüləcək işlərin də çox olması hazırkı daxili və xarici siyasət xəttinin davam etdirilməsinə zərurət yaradır”.
Görüşlərdə çıxış edən akademik C.Abdullayev adına Elmi-Tədqiqat Kardiologiya İnstitutunun direktoru, Azərbaycan Tibb Universitetinin kliniki farmakologiya kafedrasının müdiri Adil Baxşəliyev ötən 10 il ərzində ölkəmizdə bütün sahələrdə uğurların əldə edildiyini deyib: “Ulu öndərin müəyyənləşdirdiyi yol aydındır və xalqımız bu yolun ölkəni hansı gələcəyə apardığını yaxşı bilir. Bu səbəbdəndir ki, Azərbaycan xalqı Ümummilli liderin yolunu davam etdirməyi qarşısına məqsəd qoyan cənab İlham Əliyevi özünün Prezidenti kimi gördü və zaman göstərdi ki, xalq öz seçimində yanılmayıb. Məhz buna görə də, 9 oktyabrda xalqımız bir daha cənab İlham Əliyevə səs verəcək”.
Seçicilər qarşısında çıxış edən texniki elmlər doktoru Mürsəl Əliyev, rayon Ağsaqqallar Şurasının sədri Arif Əliyev, partiya fəallarından Nizami Quliyev, kənd ziyalılarından Ayulduz Mirzəyeva və başqaları son illərdə həyata keçirilən quruculuq işlərini dövlət başçısının insanlara diqqət və qayğısının nümunəsi adlandırıblar. Natiqlər insanlara rahat həyat bəxş edən bu siyasətin davamına tərəfdar olduqlarını, oktyabrın 9-da cənab İlham Əliyevə səs verəcəklərini bəyan ediblər.
NADİR

Paylaş:

Baxılıb: 1321 dəfə