Prezident İlham Əliyev Azərbaycanın alternativsiz lideridir

Bakı:

23 °C

78 %

5 m/s

Əlaqə

AZ RU EN

Ana səhifə / YAP xəbərləri / Prezident İlham Əliyev Azərbaycanın alternativsiz lideridir

Prezident İlham Əliyev Azərbaycanın alternativsiz lideridir

28.09.2013 [10:55]

YAP Qazax rayon təşkilatı seçicilərlə növbəti görüşünü keçirib
Oktyabrın 9-da Azərbaycanda keçiriləcək prezident seçkiləri ilə bağlı təbliğat-təşviqat kampaniyası çərçivəsində Qazax rayonunda seçicilərlə növbəti görüş keçirilib. Yeni Azərbaycan Partiyasının (YAP) namizədi cənab İlham Əliyevin təbliğat-təşviqat kampaniyası çərçivəsində rayonun Quşçu Ayrım, Əskipara kəndlərində, o cümlədən, rayon mərkəzində keçirilən görüşlərdə çıxış edən YAP Qazax rayon təşkilatının sədri Həmid Pənahov bildirib ki, son 10 ildə ölkəmiz yüksək səviyyəli inkişaf yolu keçib. Qeyd edilib ki, bu müddətdə Azərbaycanın iqtisadiyyatı 3 dəfə artıb, əhalinin gəlirlərində yüksək artım olub: “Prezident İlham Əliyev hər zaman regionların sosial inkişafını Öz diqqətində saxlayıb. Son 10 ildə regionların sosial-iqtisadi inkişafını özündə əks etdirən Dövlət proqramları şəhərlərimizin, kəndlərimizin daha yüksək səviyyədə abadlaşmasına, bölgələrdə yeni iş yerlərinin açılmasına şərait yaradıb. Prezident İlham Əliyevin Qazax rayonuna olan diqqət və qayğısı haqqında xüsusi danışmağı özümə borc bilirəm. Yeni müəssisələrin açılışı, salınan yeni parklar şəhərimizin daha da gözəlləşməsinə, iqtisadi göstəricilərinin artmasına, o cümlədən, qazaxlıların daha firavan yaşamasına yol açıb”.
Çıxış edən təbliğat-təşviqat qrupunun üzvləri Nəsibə Tağıyeva, Barat Vüsal, Əhməd Dərgahquliyev bildiriblər ki, bu gün Qazax rayonu inkişafının yeni mərhələsini yaşayır. Bildiriblər ki, qədirbilən qazaxlılar hər zaman olduğu kimi, bu dəfə də seçkilərdə yüksək fəallıqla iştirak edəcəklər və öz seçimlərində dövlətçiliyimizi, birliyimizi, inkişafımızı seçəcəklər.
Tədbirdə çıxış edən təbliğat-təşviqat qrupunun üzvləri Fərhad Qocamanov, Anar Nəbiyev, Polad Ağakişiyev və İsgəndər Qurbanov sosial-siyasi sabitliyin qorunmasının, mövcud iqtisadi inkişafın, hərtərəfli tərəqqinin təməlində Ümummilli liderin inkişaf strategiyası, Onun müəyyənləşdirdiyi və Prezident İlham Əliyev tərəfindən davam etdirilən daxili və xarici siyasət xəttinin dayandığını deyiblər. Natiqlər həyata keçirilən strategiyanın səmərəliliyinin məhz Prezident İlham Əliyevin liderlik keyfiyyətləri, siyasi iradəsi və uzaqgörənliyi sayəsində mümkün olduğunu vurğulayıblar.
Çıxış edən Qazax seçiciləri oktyabrın 9-da birmənalı şəkildə inkişafımızı davam etdirəcək namizədə-Yeni Azərbaycan Partiyasının namizədi İlham Əliyevə səs verəcəklərini deyib.
Pərviz SADAYOĞLU

Paylaş:

Baxılıb: 1270 dəfə