Hacıqabul seçiciləri Prezident İlham Əliyevə səs verəcək

Bakı:

22 °C

46 %

4 m/s

Əlaqə

AZ RU EN

Ana səhifə / YAP xəbərləri / Hacıqabul seçiciləri Prezident İlham Əliyevə səs verəcək

Hacıqabul seçiciləri Prezident İlham Əliyevə səs verəcək

29.09.2013 [10:39]

Rayonda 1000 nəfərdən artıq xüsusi təbliğat geyimli insanın iştirakı ilə yürüş-mitinq keçirilib
YAP Hacıqabul rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində seçicilərlə görüşü davam etdirir. Kampaniya çərçivəsində rayonun Kolanı, Ələtli kəndlərində seçicilərlə görüş, o cümlədən, rayon mərkəzində 1000 nəfərdən artıq xüsusi təbliğat geymində olan insanın iştirakı ilə yürüş-mitinq keçirilib.
Görüşdə çıxış edən YAP Hacıqabul rayon təşkilatının sədri Hafiz Bəşirov seçicilərə YAP-ın namizədi cənab İlham Əliyevin zəngin həyat yolundan, Onun Azərbaycan dövlətçiliyi üçün həyata keçirdiyi misilsiz xidmətlərdən, həmçinin, rayonda görülən quruculuq işlərindən danışıb. O bildirib ki, Prezident İlham Əliyevin rəhbərliyi ilə Azərbaycan ötən 10 il ərzində bütün sahələrdə uğurlar əldə edib: “Azərbaycan son 10 ildə Prezident İlham Əliyevin rəhbərliyi ilə inkişaf edib və dünyanın nüfuzlu ölkələrindən birinə çevrilib. Dövlətimizin başçısının rəhbərliyi ilə həyata keçirilən inkişaf siyasətinin ən effektiv nəticələrindən biri Azərbaycanın mütəmadi səciyyə daşıyan dinamik iqtisadi inkişafıdır. Məhz bu inkişafın nəticəsidir ki, əhalinin təqaüdləri, maaşları ilbəil artır və bu da insanların firavan yaşamasına, sosial rifahının artmasına gətirib çıxarır. Ölkəmiz heç bir qurumdan, dövlətdən asılı olmayan iqtisadi siyasət yürüdür”.
Çıxış edən təbliğat-təşviqat qrupunun üzvü, YAP Hacıqabul rayon təşkilatının sədr müavini, rayon “Ziyalılar” cəmiyyətinin sədri Şükür Məmmədov bildirib ki, Azərbaycanda aparılan uğurlu, məqsədyönlü siyasət nəticəsində ildən-ilə daha yüksək inkişaf göstəriciləri nümayiş etdirən iqtisadiyyatın formalaşdırılması ölkədə işgüzar fəallığın daha da yüksəldilməsinə, yoxsulluğun azaldılmasına əlverişli şərait yaradıb, əhalinin etibarlı sosial müdafiəsini təmin edib. O deyib ki, Azərbaycan İlham Əliyevin rəhbərliyi altında yüksək sürətlə və hərtərəfli inkişaf edir. Bu inkişafın davamı üçün xalqımız oktyabrın 9-da seçki məntəqələrinə getməli və YAP-ın namizədi cənab İlham Əliyevə səs verməlidir.
Görüşdə çıxış edən YAP Hacıqabul rayon təşkilatının İdarə Heyətinin və təbliğat-təşviqat qrupunun üzvü Beydulla Qarayev Prezident İlham Əliyevin apardığı siyasət nəticəsində Azərbaycan xalqının ən ağır problemlərin öhdəsindən gəldiyini, yeniliklərə imza atdığını önə çəkib: “Bu gün Azərbaycan xalqının qarşısında ən böyük problem Dağlıq Qarabağ münaqişəsinin sülh yolu ilə tənzimlənməsidir. Prezident İlham Əliyev bu istiqamətdə əsaslı şəkildə fəaliyyət nümayiş etdirir. Məhz Prezident İlham Əliyevin yürütdüyü siyasət nəticəsində bu gün bütün dünya bu problemin yalnız Azərbaycanın ərazi bütövlüyü çərçivəsində həll olunmasının vacibliyini önə çəkir”.
Tədbirdə gənclər adından çıxış edən YAP Hacıqabul rayon təşkilatının Gənclər Birliyinin sədri Saleh Ələsgərov vurğulayıb ki, 2003-cü ildən etibarən Azərbaycanda yürüdülən gənclər siyasəti öz bəhrəsini verir. Bu gün minlərlə gəncimiz xarici ölkələrdə təhsil alır, ölkəmizdə gənclərlə bağlı dövlət proqramı həyata keçirilir. S.Ələsgərov bütün gəncləri Prezident İlham Əliyevə səs verməyə çağırıb.
Görüşdə çıxış edən seçicilər deyiblər ki, ölkəmiz gündən-günə inkişaf edir, insanlarımızın rifah halı yüksəlir. Hacıqabul sakinləri də rayonda görülən işləri yüksək qiymətləndirir və bu işlərin davamlı olmasını istəyirlər. Ona görə də rayon seçiciləri 9 oktyabrda Prezidentimiz İlham Əliyevə səs verəcəklər.
Pərviz SADAYOĞLU

Paylaş:

Baxılıb: 1105 dəfə