Seçicilər Azərbaycanın gələcək inkişafı və firavanlığı naminə cənab İlham Əliyevə səs verəcəklər

Bakı:

14 °C

77 %

1 m/s

AZ RU EN

Ana səhifə / YAP xəbərləri / Seçicilər Azərbaycanın gələcək inkişafı və firavanlığı naminə cənab İlham Əliyevə səs verəcəklər

Seçicilər Azərbaycanın gələcək inkişafı və firavanlığı naminə cənab İlham Əliyevə səs verəcəklər

02.10.2013 [10:12]

Samux rayonunun Yenikənd, Lüksemburq və Qırmızı Samux kəndlərində seçicilərlə görüş keçirilib
Yeni Azərbaycan Partiyası (YAP) tərəfindən Azərbaycan Respublikası prezidentliyinə namizədliyi irəli sürülmüş cənab İlham Əliyevin Samux rayonu üzrə seçki qərargahı təbliğat-təşviqat kampaniyasını uğurla davam etdirir. Kampaniya çərçivəsində sentyabrın 30-da rayonun Yenikənd, Lüksemburq və Qırmızı Samux kəndlərində seçicilərlə görüşlər keçirilib.
YAP Samux rayon təşkilatının sədri Gündüz Bayramov çıxış edərək qeyd edib ki, Azərbaycan son 10 ildə Prezident İlham Əliyevin rəhbərliyi ilə dünyanın nüfuzlu ölkələrindən birinə çevrilib: “Hazırda Azərbaycan böyük dövlətlərin tərəfdaşıdır. Ölkəmiz beynəlxalq təşkilatlarda uğurla təmsil olunur. Azərbaycan mədəniyyəti dünyada layiqincə təbliğ edilir. Bununla yanaşı, insanların həyat şəraiti olduqca yaxşılaşıb”.
Təşkilat sədri əlavə edib ki, Azərbaycan cəmiyyəti ölkəmizin inkişafından, mövcud ictimai-siyasi sabitlikdən məmnundurlar. “Əminliklə söyləyə bilərəm ki, bu seçkilərdə də seçicilər Azərbaycanın gələcək inkişafı, firavanlığı naminə cənab İlham Əliyevə səs verəcəklər. Azərbaycan seçicisinin seçimi birmənalıdır” - deyə, G.Bayramov əlavə edib.
Ölkəmizdə həyata keçirilən siyasətin müsbət nəticələrinin hər bir vətəndaşın, o cümlədən, Samux sakinlərinin həyatında hiss edildiyini bildirən YAP Samux rayon təşkilatının sədri oktyabrın 9-da seçiciləri cənab İlham Əliyevə səs verməyə çağırıb.
Daha sonra çıxış edənlər-təbliğat qrupunun üzvləri Zirəddin Kərimov, Oqtay Hümbətov və digərləri qeyd ediblər ki, Azərbaycanın sürətli inkişafı, insanların sosial rifah halının daha da yaxşılaşması, yeni iş yerlərinin açılması, yoxsulluğun minimum həddə salınması vətəndaşlarda böyük məmnunluq hissi yaradıb. Nəzərə çatdırılıb ki, Prezident İlham Əliyevin rəhbərliyi ilə həyata keçirilən siyasətin mərkəzində Azərbaycan vətəndaşı dayanır. O da xüsusi olaraq qeyd edilib ki, vətəndaşların böyük əksəriyyətinin cənab İlham Əliyevi dəstəkləməsi ölkəmizi yeni nailiyyətlərə və möhtəşəm qələbələrə aparır. Seçicilər isə 9 oktyabr tarixində keçiriləcək seçkilərdə Yeni Azərbaycan Partiyasının namizədi cənab İlham Əliyevə səs verəcəklərini yekdilliklə bəyan ediblər.
NURLAN

Paylaş:

Baxılıb: 1227 dəfə