Tərtərlilər Ulu öndər Heydər Əliyev siyasətinin davamına səs verəcəklər

Bakı:

18 °C

88 %

5 m/s

Əlaqə

AZ RU EN

Ana səhifə / YAP xəbərləri / Tərtərlilər Ulu öndər Heydər Əliyev siyasətinin davamına səs verəcəklər

Tərtərlilər Ulu öndər Heydər Əliyev siyasətinin davamına səs verəcəklər

02.10.2013 [10:13]

Seçkilərdə cənab İlham Əliyevin qalib gələcəyinə kimsə şübhə etmir
Yeni Azərbaycan Partiyası (YAP) Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində sentyabrın 30-da rayonun Bala Kəngərli və Cəmilli, oktyabrın 1-də isə Dəmirçilər, Təzəkənd və Qaradağlı kəndlərində seçicilərlə növbəti görüşlər keçirilib.
Görüşləri giriş sözü ilə açan YAP Tərtər rayon təşkilatının sədri Ramiz Şabanov ölkəmizin vacib bir siyasi proses ərəfəsində olduğunu deyib. Bu prosesdə hər bir seçicinin fəallıq göstərməsinin zəruri olduğunu bildirən R.Şabanov əlavə edib ki, seçkilərdə cənab İlham Əliyevin qalib gələcəyinə kimsə şübhə etmir. Onun sözlərinə görə, Azərbaycanda müşahidə edilən inkişaf prosesinə, görülən işlərə nəzər saldıqda ölkə ictimaiyyətində dövlət başçımıza olan yüksək rəğbətin heç də təsadüfi olmadığı bir daha aydın görünür.
Görüşlərdə çıxış edən millət vəkili Sahib Alıyev Azərbaycanın əldə etdiyi iqtisadi uğurların hər bir sahədə köklü dəyişikliklərlə müşahidə olunduğunu və bunun vətəndaşlarımızın həyatında öz əksini tapdığını bildirib: “Sosial sahədə ardıcıl şəkildə həyata keçirilən layihələr onu göstərir ki, Azərbaycan hökuməti əhalinin maddi rifah halının yaxşılaşdırılması və onların bütün sosial qayğılarla əhatə olunmaları üçün güclü maliyyə imkanlarına və islahatları dərinləşdirmək iradəsinə malikdir. Təsadüfi deyil ki, Prezident İlham Əliyev dəfələrlə bəyan edib ki, sosial siyasət Azərbaycanın dövlət siyasətinin ayrılmaz hissəsidir. Bütün bunları qeyd etməklə yanaşı inanıram ki, 9 oktyabrda da xalqımız doğru qərar qəbul edəcək və dövlətimizin iqtisadi inkişafının təməli olan Heydər Əliyev siyasətinə, bu siyasətin uğurlu davamçısı İlham Əliyevə səs verəcək”.
Seçicilər qarşısında çıxış edən Yeni Azərbaycan Partiyası Tərtər rayon təşkilatı Aparatının rəhbəri Kamil Məmmədov deyib ki, Prezident İlham Əliyevin liderliyi ilə Azərbaycan qarşıya qoyduğu bir çox məqsədlərinə nail olub.
Çıxış edən təbliğat-təşviqat qrupunun üzvü Qədir Allahverdiyev, həmçinin, kəndlərin sakinləri-Gülnisə Süleymanova, Rəşad Şahbazov, Faya Abdullayeva, Fazil Rəhimov, Novruz Abbasov, Rəhman Tahirov, Şahbaz Hüseynov, Mircavad Seyidov və başqaları 9 oktyabrda keçiriləcək prezident seçkilərində YAP-ın namizədinə səs verəcəklərini bəyan ediblər.
NADİR

Paylaş:

Baxılıb: 1167 dəfə