Prezident İlham Əliyev bütün azərbaycanlıların yeganə namizədi və seçimidir

Bakı:

23 °C

83 %

6 m/s

Əlaqə

AZ RU EN

Ana səhifə / YAP xəbərləri / Prezident İlham Əliyev bütün azərbaycanlıların yeganə namizədi və seçimidir

Prezident İlham Əliyev bütün azərbaycanlıların yeganə namizədi və seçimidir

02.10.2013 [10:13]

Bu fikirlər Ağcabədi rayonunun Boyat, Bilgan, Hacılar və Qaraxanlı kəndlərində keçirilən görüşlərdə bir daha bəyan edilib
9 oktyabr 2013-cü ildə keçiriləcək prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş Azərbaycan Respublikasının Prezidenti cənab İlham Əliyevin Ağcabədi rayonu üzrə seçki qərargahı təbliğat-təşviqat kampaniyasını uğurla davam etdirir. Təbliğat-təşviqat kampaniyası çərçivəsində növbəti görüş oktyabrın 1-də rayonun Boyat, Bilgan, Hacılar və Qaraxanlı kəndlərində keçirilib.
Görüşləri giriş sözü ilə açan Yeni Azərbaycan Partiyası Ağcabədi rayon təşkilatının sədri Rövşən Əhmədov Azərbaycanın son 10 ildə inkişaf etdiyini və dünyanın nüfuzlu ölkələrindən birinə çevrildiyini deyib. Ölkəmizdə aparılan quruculuq abadlıq işlərinin Ağcabədinin də inkişafına təkan verdiyini deyən Rövşən Əhmədovun sözlərinə görə, son illər Ağcabədi rayonu çox sürətlə inkişaf edərək özünün ən yüksək inkişaf dövrünü yaşayır: “Rayonda əsası qoyulan yeni istehsal sahələri, kənd təsərrüfatına göstərilən diqqət, yeni yolların salınması, ən ucqar kəndlərə qaz xətlərinin çəkilişi, parkların salınması, yeni inzibati binaların istifadəyə verilməsi son illər aparılan mühüm işlərin bir parçasıdır. Ağcabədi seçiciləri Prezident İlham Əliyevin başçılığı ilə qazanılmış uğurları təqdir edir, dövlət başçısının apardığı siyasəti dəstəkləyir və 9 oktyabrda hamı bir nəfər kimi bu siyasətin davamına - Prezident İlham Əliyevə səs verəcəklər”.
Seçicilər qarşısında çıxış edən millət vəkili Aqil Abbas deyib ki, Prezident İlham Əliyev təkcə Yeni Azərbaycan Partiyasının deyil, bütün Azərbaycan xalqının seçimidir: “Prezident İlham Əliyevin onillik fəaliyyəti dövründə ölkədə elə bir sahə yoxdur ki, orada dövlət başçısının diqqətinin və qayğısının izləri görünməsin. Bu səbəbdən Prezident İlham Əliyev bütün azərbaycanlıların yeganə namizədi və seçimidir”.
Millət vəkili çıxışında Ermənistan-Azərbaycan, Dağlıq Qarabağ münaqişəsinin ədalətli, beynəlxalq hüquq normaları əsasında həlli istiqamətində aparılan siyasət barədə də danışıb. Aqil Abbas deyib ki, Prezident İlham Əliyevin həyata keçirdiyi fəal hücum diplomatiyası beynəlxalq aləmdə Ermənistanın işğalçı siyasətinin ifşa olunmasını sürətləndirir. Onun sözlərinə görə, artıq münaqişənin həlli məsələsi mütəmadi qaydada beynəlxalq arenada gündəmə gətirilməkdə və bir sıra beynəlxalq toplantıların aktual müzakirə predmetlərindən birini təşkil etməkdədir.
Millət vəkili sonda “Bir sözlə, Azərbaycanın əldə etdiyi uğurlar göz qabağındadır. Hər bir Azərbaycan vətəndaşı bu uğurların müsbət təsirini öz həyatında hiss edir. Və mən əminəm ki, sizlərdən hər biriniz bu cür əhval-ruhiyyə ilə, milli təəssübkeşliklə seçki məntəqələrinə gedərək, cənab İlham Əliyevə səs verəcəksiniz” deyib.
Görüşlərdə çıxış edən kənd sakinləri İradə Məmmədova, Kamil Abbasov, Təhminə Quliyeva, Fəqan Kərimov və başqaları Prezident İlham Əliyevin apardığı siyasəti dəstəklədiklərini bildiriblər. Qeyd olunub ki, Azərbaycan gündən-günə inkişaf edir, insanlarımızın rifah halı yüksəlir. Ağcabədililər də rayonda görülən işləri yüksək qiymətləndirir və bu işlərin davamlı olmasını istəyirlər. Ona görə də, rayon sakinləri 9 oktyabrda Prezidentimiz İlham Əliyevə səs verəcəklər.
Nadir AZƏRİ

Paylaş:

Baxılıb: 1390 dəfə