Qaradağlılar prezident seçkilərində cənab İlham Əliyevə səs verəcəklər

Bakı:

23 °C

83 %

6 m/s

Əlaqə

AZ RU EN

Ana səhifə / YAP xəbərləri / Qaradağlılar prezident seçkilərində cənab İlham Əliyevə səs verəcəklər

Qaradağlılar prezident seçkilərində cənab İlham Əliyevə səs verəcəklər

02.10.2013 [10:15]

Qaradağ rayonunda fəaliyyət göstərən Rus, Ukrayna icmalarının və digər millətlərin nümayəndələrinin iştirakı ilə rayonun Lökbatan qəsəbəsində geniş toplantı keçirilib
Qaradağ rayonunda fəaliyyət göstərən Rus, Ukrayna icmalarının və digər millətlərin nümayəndələrinin iştirakı ilə rayonun Lökbatan qəsəbəsində geniş toplantı keçirilib. Toplantıda Yeni Azərbaycan Partiyası (YAP) İdarə Heyətinin üzvü, millət vəkili Mixail Zabelin, YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov və rayonun rus, Ukrayna və digər millətlərin nümayəndələri iştirak ediblər.
Yeni Azərbaycan Partiyası İdarə Heyətinin üzvü, millət vəkili Mixail Zabelin çıxış edərək qaradağlıları prezident seçkilərində aktiv olmağa çağırıb. O, daha sonra Prezident İlham Əliyevin rəhbərliyi ilə həyata keçirilən siyasətin uğurlarından danışıb. Mixail Zabelin deyib ki, dövlət başçısı İlham Əliyev ölkəni çox böyük uzaqgörənliklə idarə edir: “İndi regionlardakı inkişaf, abadlıq-quruculuq işləri paytaxtdan heç də geri qalmır. Geniş magistral yolların, yaraşılqlı park və xiyabanların, hündürmərtəbəli binaların inşası, yeni-yeni istehsal müəssisələrinin yaradılması regionların simasını tamamilə dəyişib. İndi iri şəhərlərimiz paytaxt Bakı ilə rəqabət apara biləcək qədər müasirləşib. Məhz bu səbəbdən ölkəmizin digər vətəndaşları kimi, Azərbaycanda yaşayan ruslar da qarşıdakı prezident seçkisində cənab İlham Əliyevə səs verəcəklər”.
Qaradağ rayonunda yaşayan rus icmasının üzvü Qalina Petrovna, Qaradağ rayon sakini Qalina Qasımova və digərləri onların həyat səviyyəsini yüksəldən, Azərbaycanda bütün imkanları təmin edən cənab İlham Əliyevə səs verəcəklərini söyləyiblər. Ukrayna Konqresinin Qaradağ rayonu üzrə nümayəndəsi Oksana Jabina isə bütün rus və ukrayna icmalarının nümayəndələrini Yeni Azərbaycan Partiyasının namizədi cənab İlham Əliyevə səs verməyə çağırıb.
Qaradağ rayon ictimaiyyəti adından danışan Bəhruz Qəndilov da çıxışında Azərbaycanda olan tolerantlıq mühitindən, hər bir xalqın burada sərbəst yaşamasından danışıb.
Yeni Azərbaycan Partiyasının Siyasi Şurasının üzvü, partiyanın Qaradağ rayon təşkilatının sədri Aydın Hüseynov da çıxışında Rus və Ukrayna icmasının nümayəndələrinin tarixin bütün dönəmlərində azərbaycanlılarla birlik nümayiş etdirdiyini söyləyib. O qeyd edib ki, Azərbaycan tolerant ölkədir və tarixən Azərbaycanda ruslar, ukraynalılar və başqa xalqların nümayəndələri dostluq - qardaşlıq şəraitində yaşayıblar. Rus-Ukrayna icması da daim ölkəmizin inkişaf prosesində, ictimai-siyasi proseslərdə fəallıq nümayiş etdirərək öz vətəndaşlıq borclarını yerinə yetirirlər.
A.Hüseynov qarşıdan gələn prezident seçkilərində Qaradağda yaşayan rus icmasının və rusdilli vətəndaşların həmişə olduğu kimi, bu dəfə də aktivlik nümayiş etdirəcəyinə əminliyini ifadə edib.
AQŞİN

Paylaş:

Baxılıb: 1352 dəfə