Hacıqabullular cənab İlham Əliyevi dəstəkləyir

Bakı:

23 °C

78 %

7 m/s

Əlaqə

AZ RU EN

Ana səhifə / YAP xəbərləri / Hacıqabullular cənab İlham Əliyevi dəstəkləyir

Hacıqabullular cənab İlham Əliyevi dəstəkləyir

03.10.2013 [10:19]

YAP Hacıqabul rayon təşkilatı Tava və Birinci Udlu kəndlərində görüş keçirib
Yeni Azərbaycan Partiyası tərəfindən prezidentliyə namizədliyi irəli sürülmüş cənab İlham Əliyevin Hacıqabul rayonu üzrə seçki qərargahı təbliğat-təşviqat kampaniyasını uğurla davam etdirir. Bu çərçivədə növbəti görüş rayonun Birinci Udlu və Tava kəndlərində keçirilib.
Tədbirlərdə çıxış edən Yeni Azərbaycan Partiyasının Hacıqabul rayon təşkilatının sədri Hafiz Bəşirov Prezident İlham Əliyevin dövlət başçısı olduğu son 10 ildə aparılan iqtisadi-siyasi, sosial inkişafı özündə əks etdirən, ölkənin gələcək perspektivini uğurlara daşıyan proqramlardan bəhs edib. YAP Hacıqabul rayon təşkilatının sədri bir daha vurğulayıb ki, bütün hacıqabullular 9 oktyabr prezident seçkilərində iştirak edəcəklər və Prezident İlham Əliyevə olan inamı, sevgini bir daha nümayiş etdirəcəklər: “Bu gün ölkəmizdə inkişafın əsas qarantı hesab olunan sabitliyə məhz Ulu öndər Heydər Əliyevin əsasını qoyduğu siyasətin nəticəsində nail olunub. Müasir Azərbaycanın sürətli inkişaf tempinə qədəm qoymasının ən əsas səbəbi isə Prezident İlham Əliyevin Ulu öndər tərəfindən əsası qoyulan bu siyasəti uğurla davam etdirməsidir. Azərbaycan xalqı sabahını yalnız sabitlik və inkişaf yolunda görmək gələcəyinin xoşbəxt olması üçün Prezident İlham Əliyevə səs verməlidir”.
Çıxış edən millət vəkili Rafael Hüseynov bildirib ki, Hacıqabulda son 10 ildə kənd təsərrüfatı sahəsində, o cümlədən, digər sahələrdə böyük işlər görülüb. Bir neçə yeni məktəb tikilib, bir sıra təhsil ocaqları əsaslı təmir edilib. Bütün bu işlər Prezident İlham Əliyevin təhsilə, səhiyyəyə, kənd təsərrüfatına, bütün bunların cəmində isə Azərbaycan xalqına olan diqqətindən, qayğısından irəli gəlir: “Mən inanıram ki, hacıqabullular aparılan siyasətin davamlı olmasını istəyir və Prezident İlham Əliyevi dəstəkləyir. Siz Prezident İlham Əliyevə səs verməklə öz gələcəyinizə səs verirsiniz. Mən hesab edirəm ki, bu qərar müdrik, doğru qərardır”.
Tədbirdə çıxış edən Azərbaycan Dövlət Tibb Universitetinin kafedra müdiri, Əməkdar elm xadimi İbadulla Ağayev bildirib ki, Azərbaycan xalqını yeni, gözəl gələcək gözləyir. Qeyd edilib ki, Azərbaycan son 10 ildə dünyanın ən sürətli inkişaf tempinə malik ölkələrindən biridir: “Prezident İlham Əliyev sübut etdi ki, Ulu öndər Heydər Əliyevdən miras qalan dövlətçilik, milli maraqların qorunması, Azərbaycan xalqının inkişaf kursunu uğurla davam etdirir. Ötən dövr ərzində görülən işlər o qədər böyük və çoxşaxəlidir ki, sadalamaqla qurtarmaq olmaz. Bizi əhatə edən bütün sahələrdə bərabər inkişaf gedir, paralel iş aparılır. Bu kursun davam etdirilməsi üçün Prezident İlham Əliyevə səs vermək lazımdır. Xalq o zaman güclü olur ki, güclü siyasi lideri olur, siyasi lider o zaman güclü olur ki, onun arxasında xalq dayanır. Bu gün hacıqabullular bu möhtəşəm izdihamla yeganə lideri, Prezident İlham Əliyevi dəstəklədiyini nümayiş etdirdi”.
Kənd ağsaqqalı Ağamməd Həsənov çıxışında Ulu öndər Heydər Əliyevin ailə məktəbini görmüş hazırki və gələcək Prezidentimiz İlham Əliyevin ayağı dəyən bütün bölgələrin az bir vaxtda inkişaf tempinə qədəm qoyduğunu, həmin ərazilərin abadlığa çevrildiyini söyləyib: “Bizim Hacıqabul da məhz Prezidentimiz İlham Əliyevin səfərindən sonra inkişafa qədəm qoydu. Bu görülən işləri sadalamaqla bitirmək olmaz. Mən inanıram ki, bu fəaliyyət gələcək 5 ildə də davam etdiriləcək”.
Pərviz SADAYOĞLU

Paylaş:

Baxılıb: 1300 dəfə