Şəffaf idarəçilik və regionların sürətli inkişafı

Bakı:

12 °C

54 %

12 m/s

Əlaqə

AZ RU EN

Ana səhifə / YAP xəbərləri / Şəffaf idarəçilik və regionların sürətli inkişafı

Şəffaf idarəçilik və regionların sürətli inkişafı

17.11.2025 [15:04]

Fidan Hüseynova

YAP Quba rayon təşkilatının sədri

12 noyabr 2025-ci il tarixində Azərbaycan Respublikasının Prezidenti İlham Əliyev Naxçıvan Muxtar Respublikasında Prezidentin səlahiyyətli nümayəndəsi və bir sıra rayon icra hakimiyyətlərinə təyin olunmuş yeni rəhbərləri qəbul edib. Qəbul zamanı dövlət başçısı qarşıya qoyulan vəzifələr, idarəetmədə yeni standartlar və regionların inkişaf prioritetləri ilə bağlı mühüm mesajlar verib.

Prezident İlham Əliyev çıxışında dövlət məmurlarının fəaliyyətində əsas qayənin xalqa xidmət olduğunu xüsusi vurğulayıb. O qeyd edib ki, vəzifə daşıyan hər kəs təvazökar olmalı, vətəndaşlarla daim təmasda olmalı və cəmiyyətin ehtiyaclarına həssaslıqla yanaşmalıdır.

Dövlət başçısı bildirib ki, məmur davranışında təkəbbür, məsafə və laqeydliyə yer yoxdur. Xalqla sıx təmas, problemlərin operativ araşdırılması və yerində həlli dövlət siyasətinin əsas xəttidir.

Nitqin ən əhəmiyyətli hissələrindən biri korrupsiya və rüşvətxorluğa qarşı mübarizə ilə bağlı olub. Prezident açıq şəkildə bəyan edib ki, qanunsuzluğa yol verən hər bir məmur məsuliyyətə cəlb olunacaq və bu istiqamətdə heç bir güzəşt tanınmayacaq.

Prezident İlham Əliyev regionların davamlı inkişafını dövlət siyasətinin əsas istiqamətlərindən biri kimi dəyərləndirib. O qeyd edib ki, son illər ölkənin demək olar ki, bütün bölgələrində yollar, içməli su layihələri, sosial obyektlər, məktəblər, xəstəxanalar və digər infrastruktur layihələri həyata keçirilib.

Lakin dövlət başçısı bildirib ki, bəzi kənd yollarının yenilənməsi, suvarma sistemlərinin təkmilləşdirilməsi və sosial infrastrukturların gücləndirilməsi sahəsində qarşıda hələ görüləsi işlər qalır. Bu məqsədlə yeni təyinat alan rəhbərlərə bölgələrin inkişafı ilə bağlı konkret tapşırıqlar verilib.

Prezident çıxışında ekoloji məsələlərə də xüsusi diqqət ayırıb. Çay yataqlarının qanunsuz dəyişdirilməsi, tikinti materiallarının nəzarətsiz çıxarılması və digər ekoloji pozuntuların qəti şəkildə qarşısı alınmalı olduğu bildirilib. Dövlət başçısı vurğulayıb ki, regionların ekologiyası və təbii sərvətləri milli sərvətdir və onların mühafizəsi əsas vəzifələrdən biridir.

Beləliklə, Naxçıvanda keçirilən qəbul Prezident İlham Əliyevin idarəçilikdə yeni mərhələnin prioritetlərini bir daha ortaya qoydu: xalqa xidmət, şəffaflıq, məsuliyyət, korrupsiya ilə qəti mübarizə və regionların davamlı inkişafı. Dövlət başçısının mesajları yeni təyin olunan rəhbərlər üçün fəaliyyət istiqamətini müəyyən etməklə yanaşı, ölkənin idarəçilik fəlsəfəsində ardıcıl islahatların davam etdiyini göstərir.

Paylaş:

Baxılıb: 603 dəfə