Milli həmrəyliyin ideoloji əsasları

Bakı:

13 °C

50 %

14 m/s

Əlaqə

AZ RU EN

Ana səhifə / YAP xəbərləri / Milli həmrəyliyin ideoloji əsasları

Milli həmrəyliyin ideoloji əsasları

29.12.2025 [22:39]

Toğrul Zeynalov

YAP Ağdam rayon təşkilatının əməkdaşı

Dünya Azərbaycanlılarının Həmrəyliyi Gününün əsası ümummilli lider Heydər Əliyevin təşəbbüsü və siyasi iradəsi ilə qoyulmuşdur. Məhz onun uzaqgörən siyasəti nəticəsində milli həmrəyliyin ideoloji əsasları formalaşdırılmış, xaricdə yaşayan azərbaycanlıların təşkilatlanması və milli maraqlar ətrafında bir araya gəlməsi dövlət siyasətinin prioritet istiqamətlərindən birinə çevrilmişdir. Bu tarixin rəsmiləşdirilməsi Ümummilli lider Heydər Əliyevin adı ilə bağlıdır.

Dünya Azərbaycanlılarının Həmrəyliyi Günü Azərbaycan xalqının milli birlik, bərabərlik və həmrəylik ideyalarını özündə birləşdirən ən mühüm ictimai-siyasi bayramlardan biridir. Bu əlamətdar gün dünyanın müxtəlif ölkə və qitələrində yaşayan milyonlarla azərbaycanlını ortaq tarix, dil, mədəniyyət, milli-mənəvi dəyərlər və azərbaycançılıq ideologiyası ətrafında birləşdirir. Həmrəylik anlayışı xalqımızın əsrlər boyu üzləşdiyi çətin sınaqlardan birlik və qətiyyətlə çıxmasının əsas rəmzi olmuşdur. Tarixin müxtəlif mərhələlərində azərbaycanlılar milli kimliklərini və dövlətçilik ənənələrini məhz birlik və həmrəylik sayəsində qoruyub saxlamışlar. Dünya Azərbaycanlılarının Həmrəyliyi Günü milli yaddaşın, tarixi şüurun və ümummilli düşüncənin formalaşmasında mühüm rol oynayır. Ulu Öndər Heydər Əliyevin əsasını qoyduğu azərbaycançılıq ideologiyası dünya azərbaycanlılarının vahid ideya ətrafında birləşməsinin möhkəm ideoloji təməlini təşkil edir. Bu siyasi xətt Prezident İlham Əliyev tərəfindən müasir dövrün tələblərinə uyğun şəkildə uğurla davam etdirilir və daha da zənginləşdirilir. Prezident İlham Əliyevin rəhbərliyi ilə milli birlik və həmrəylik Azərbaycan dövlətinin əsas strateji prioritetlərindən birinə çevrilmişdir. Onun təşəbbüsləri nəticəsində diaspor quruculuğu sistemli və məqsədyönlü şəkildə inkişaf edir, xaricdə fəaliyyət göstərən diaspor təşkilatları daha koordinasiyalı və fəal şəkildə fəaliyyət göstərirlər. Azərbaycan dövlətinin diqqət və qayğısı sayəsində dünya azərbaycanlılarının Vətənlə siyasi, mədəni və mənəvi əlaqələri daha da möhkəmlənmişdir. Bu birlik Azərbaycan həqiqətlərinin beynəlxalq ictimaiyyətə obyektiv və dolğun şəkildə çatdırılmasına geniş imkanlar yaradır. Milli maraqların qorunması və ölkəmizin beynəlxalq mövqeyinin gücləndirilməsi dünya azərbaycanlılarının həmrəyliyinin əsas nəticələrindəndir. Xaricdə yaşayan soydaşlarımız Azərbaycanın haqq səsinin dünyaya çatdırılmasında fəal iştirak edirlər və dövlətçilik maraqlarını müdafiə edirlər. Dünya Azərbaycanlılarının Həmrəyliyi Günü milli-mənəvi dəyərlərimizin qorunmasına, mədəni irsimizin yaşadılmasına və gələcək nəsillərə ötürülməsinə mühüm töhfə verir. Bu bayram gənc nəslin milli ruhda, vətənpərvərlik və dövlətə sədaqət hissi ilə tərbiyə olunmasında xüsusi əhəmiyyət kəsb edir. Xalq–dövlət birliyinin möhkəmlənməsi Azərbaycan Respublikasının siyasi, iqtisadi və mədəni gücünü daha da artırır. Milli həmrəylik ölkəmizin davamlı inkişafının, sabitliyinin və parlaq gələcəyinin əsas təminatıdır.

Paylaş:

Baxılıb: 422 dəfə