YAP-ın yaranmasının 21-ci ildönümünə həsr olunmuş “Nə? Harada? Nə zaman?” intellektual yarışı keçirilib

Bakı:

23 °C

83 %

6 m/s

AZ RU EN

Ana səhifə / YAP xəbərləri / YAP-ın yaranmasının 21-ci ildönümünə həsr olunmuş “Nə? Harada? Nə zaman?” intellektual yarışı keçirilib

YAP-ın yaranmasının 21-ci ildönümünə həsr olunmuş “Nə? Harada? Nə zaman?” intellektual yarışı keçirilib

19.11.2013 [09:09]

Yeni Azərbaycan Partiyası (YAP) Binəqədi rayon təşkilatı və Binəqədi rayon İcra Hakimiyyətinin birgə təşkilatçılığı ilə YAP-ın yaranmasının 21-ci ildönümünə həsr olunmuş “Nə? Harada? Nə zaman?” intellektual yarışı keçirilib. Binəqədi rayonunda fəaliyyət göstərən 32 tam orta məktəbin 10-11-ci sinif şagirdləri arasında keçirilmiş oyunun final mərhələsi dünən baş tutub.
Tədbiri giriş sözü ilə açan YAP Binəqədi rayon təşkilatının sədri Ramiz Göyüşov final mərhələsinə vəsiqə qazanmış məktəblərin komandalarını və rəhbərlərini təbrik edib: “Ümummilli lider Heydər Əliyev hər zaman bildirib ki, təhsil millətin gələcəyidir və təhsili, gənc nəsli savadlı, yüksəktəhsilli olan dövlət də güclü olur. Bu məqəsədlə də biz bu səpkili yarışmanı keçiririk”.
Yarışmanın bütün mərhələlərində Binəqədi rayon ümumtəhsil məktəblərinin çox fəal şəkildə iştirak etdiyini bildirən Ramiz Göyüşov, yarışın keçirilməsinə göstərdiyi dəstəyə, həmçinin, yaratdığı şəraitə görə Binəqədi rayon İcra Hakimiyyəti, Azərbaycan Respublikası Təhsil Nazirliyi və Bakı Şəhər Baş Təhsil İdarəsinin rəhbərliyinə öz təşəkkürünü bildirib.
Sonra yarışmanın finalına start verilib. Qeyd edək ki, bu yarışmada orta məktəbləri hər birində 1 ehtiyat və 5 əsas oyunçu olmaqla 32 komanda təmsil edib. Yarışma 3 turdan ibarət olmaqla, noyabrın 4-də 1-ci tur, noyabrın 6-da 2-ci tur, noyabrın 8-də isə 3-cü tur keçirilib.
Birinci turda ən yüksək xal toplayan ilk 3 komanda - 30 saylı orta məktəbi təmsil edən “Yenilikçi”, 244 saylı orta məktəbi təmsil edən “Tusi”, 246 saylı orta məktəbi təmsil edən “Hədəfə Doğru”, 2-ci turda 100 saylı orta məktəbin “İlhamlı Gənclik”, 143 saylı orta məktəbin “143 Atəşi”, 179 saylı orta məktəbin “Yeni Azərbaycanlılar”, 3-cü turunda isə 217 saylı orta məktəbi təmsil edən “İstiqlal”, 297 saylı orta məktəbi təmsil edən “Çempionlar” və 314 saylı orta məktəbi təmsil edən “Turan” komandaları finala vəsiqə qazanıblar.
İntellektual yarışmanın final mərhələsinin nəticələrinə əsasən, 143 saylı orta məktəbin “143 Atəşi” komandası I yer, 179 saylı orta məktəbin “Yeni Azərbaycanlılar” komandası II yer, 297 saylı orta məktəbi təmsil edən “Çempionlar” komandası III yerə sahib olublar.
NADİR

Paylaş:

Baxılıb: 1378 dəfə