YAP Laçın rayon təşkilatı tərəfindən 21 Fevral – Beynəlxalq Ana Dili Gününə həsr olunmuş tədbir keçirilib

Bakı:

8 °C

87 %

2 m/s

AZ RU EN

Ana səhifə / YAP xəbərləri / YAP Laçın rayon təşkilatı tərəfindən 21 Fevral – Beynəlxalq Ana Dili Gününə həsr olunmuş tədbir keçirilib

YAP Laçın rayon təşkilatı tərəfindən 21 Fevral – Beynəlxalq Ana Dili Gününə həsr olunmuş tədbir keçirilib

19.02.2026 [15:47]

“Şəhərsalma və Memarlıq İli” çərçivəsində fevralın 19-da Yeni Azərbaycan Partiyası Laçın rayon təşkilatı tərəfindən 21 Fevral – Beynəlxalq Ana Dili Gününə həsr olunmuş tədbir keçirilmişdir.

Tədbir başlamazdan əvvəl müasir müstəqil Azərbaycan dövlətinin qurucusu, xalqımızın Ümummilli Lideri Heydər Əliyevin, eləcə də Azərbaycanın müstəqilliyi və suverenliyi uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilmişdir.
YAP Laçın rayon təşkilatının sədri İlqar İlyasov tədbir iştirakçılarını salamlayaraq Azərbaycanda ana dilinin hərtərəfli inkişafı, işlək ünsiyyət vasitəsinə çevrilməsi və beynəlxalq münasibətlər sistemində layiqli yer tutması istiqamətində həyata keçirilən dövlət siyasəti barədə geniş məlumat vermişdir. O, vurğulamışdır ki, Azərbaycan dilinin qorunması və inkişafı istiqamətində məqsədyönlü siyasətin əsasını Ulu Öndər Heydər Əliyev qoymuşdur. Azərbaycan SSR-in 1978-ci il Konstitusiyasında Azərbaycan dilinin dövlət dili kimi təsbit edilməsi həmin dövr üçün mühüm tarixi hadisə olmuşdur. Qeyd edilmişdir ki, ana dili xalqın mövcudluğunun başlıca göstəricisi və ən böyük milli-mənəvi sərvətidir. Milli dil hər bir xalqın özünəməxsusluğunu, tarixi keçmişini, mədəniyyətini, zəngin söz xəzinəsini, inanc və ənənələrini, əxlaqi dəyərlərini və dünyagörüşünü özündə ehtiva edən, əsrlərdən-əsrlərə ötürülən əvəzsiz milli sərvətdir.

Laçın Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin İctimai-siyasi və humanitar məsələlər sektorunun müdiri Məhəmməd Şahbazov, “Azərpoçt” MMC-nin Laçın Poçt filialının rəisi Tahir Bayramov və Laçın rayon Taxtakörpü qəsəbə tam orta ümumtəhsil məktəbinin Azərbaycan dili müəllimi Xanlar Əsgərov çıxışlarında qeyd etmişlər ki, Azərbaycan xalqı əsrlər boyu zəngin və qədim dilini qoruyub saxlamış, müxtəlif dövrlərdə çətinliklərlə üzləşməsinə baxmayaraq ana dilinə sadiqliyini itirməmişdir. Bu gün Azərbaycan dili dövlət dili kimi Konstitusiyada təsbit olunmuş, onun qorunması və inkişafı dövlət siyasətinin əsas istiqamətlərindən birinə çevrilmişdir. Dilin saflığının qorunması, zənginləşdirilməsi və gələcək nəsillərə ötürülməsi hər bir vətəndaşın mənəvi borcu kimi qiymətləndirilmişdir.

Paylaş:

Baxılıb: 316 dəfə