Yeni enerji əməkdaşlığı

Bakı:

24 °C

54 %

0 m/s

Əlaqə

AZ RU EN

Ana səhifə / YAP xəbərləri / Yeni enerji əməkdaşlığı

Yeni enerji əməkdaşlığı

06.03.2026 [11:47]

Cari ilin mart ayının 3-də Bakıda keçirilən “Cənub Qaz Dəhlizi” Məşvərət Şurası çərçivəsində nazirlərin 12-ci iclası və “Yaşıl Enerji” Məşvərət Şurası çərçivəsində nazirlərin 4-cü iclası Azərbaycanın enerji siyasətində mühüm hadisələrdən biri kimi yadda qaldı. Tədbirdə çıxış edənAzərbaycan Respublikasının Prezidenti cənab İlham Əliyev Azərbaycanın beynəlxalq enerji təhlükəsizliyində oynadığı rol, həyata keçirilən layihələr və gələcək planlar haqqında geniş məlumat verdi.

Cənab Prezident çıxışında bildirdi ki, Cənub Qaz Dəhlizi Avropanın enerji təhlükəsizliyinə mühüm töhfə verən strateji layihələrdən biridir. Bu layihə Azərbaycan qazının Avropa bazarlarına etibarlı və dayanıqlı şəkildə çatdırılmasını təmin edir. Dövlət başçısı qeyd etdi ki, Azərbaycanın təşəbbüsü ilə həyata keçirilən bu layihə bir neçə ölkəni və beynəlxalq tərəfdaşı birləşdirən mühüm enerji platformasına çevrilib. Layihənin uğurla reallaşdırılması Azərbaycanın etibarlı tərəfdaş və məsuliyyətli enerji təchizatçısı olduğunu bir daha sübut edir.

Ölkə başçısı cənab İlham Əliyev çıxışında vurğuladı ki, son illərdə Avropada enerji təhlükəsizliyi məsələləri daha da aktuallaşıb və bu baxımdan Azərbaycan qazına tələbat artmaqdadır. Bu səbəbdən ölkə yeni qaz yataqlarının işlənməsi və mövcud infrastrukturun genişləndirilməsi istiqamətində mühüm addımlar atır. Dövlət başçısı qeyd etdi ki, Azərbaycan təkcə qaz ixrac edən ölkə kimi deyil, həm də enerji sahəsində regional əməkdaşlığı təşviq edən etibarlı tərəfdaş kimi çıxış edir.

Dövlət rəhbəri həmçinin enerji siyasətinin yeni istiqaməti kimi yaşıl enerjinin inkişafına da xüsusi diqqət yetirdi. Bu baxımdan Yaşıl Enerji Məşvərət Şurası çərçivəsində keçirilən iclasın əhəmiyyətini qeyd edən dövlət başçısı Azərbaycanın bərpa olunan enerji sahəsində böyük potensiala malik olduğunu bildirdi. Günəş və külək enerjisi sahəsində həyata keçirilən layihələr ölkənin enerji balansında yaşıl enerjinin payının artırılmasına xidmət edir.

Dövlət başçısının sözlərinə görə, Azərbaycan yaxın illərdə həm ənənəvi enerji resurslarının ixracını genişləndirəcək, həm də yaşıl enerji layihələrini sürətlə inkişaf etdirəcək. Bu istiqamətdə Xəzər dənizində böyük külək enerjisi potensialı mövcuddur və beynəlxalq tərəfdaşlarla birgə layihələrin həyata keçirilməsi planlaşdırılır. Prezident qeyd etdi ki, bu təşəbbüslər regionda enerji təhlükəsizliyinin möhkəmləndirilməsinə və ekoloji cəhətdən təmiz enerji istehsalının artmasına xidmət edəcək.

Sonda möhtərəm Prezident cənab İlham Əliyev tədbirin iştirakçılarına təşəkkür edərək vurğuladı ki, enerji sahəsində əməkdaşlıq ölkələr arasında qarşılıqlı etimadı gücləndirir və iqtisadi inkişaf üçün yeni imkanlar yaradır. Onun sözlərinə görə, Azərbaycan gələcəkdə də beynəlxalq enerji layihələrində fəal iştirak edəcək və qlobal enerji təhlükəsizliyinə töhfə verməyə davam edəcək.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 265 dəfə